بۇگىن شىمكەنت قالاسىنىڭ اكىمى مۇرات ايتەنوۆ داستۇرگە سايكەس, «ينستاگرام» جەلىسىندە تىكەلەي ەفيردە تۇرعىندارمەن جۇزدەستى. ەلىمىزدەگى ەپيدەميولوگيالىق احۋال بويىنشا شىمكەنت قالاسى جاسىل ايماق قاتارىنا جاتادى. مۇرات دۇيسەنبەك ۇلى ەفير بارىسىندا قالاداعى ەپيدەميولوگيالىق احۋال جانە جەڭىلدەتىلگەن شارالار جونىندە حاباردار ەتتى.
قالا اكىمىنىڭ ايتۋىنشا, ازىق-ت ۇلىك جانە ازىق-ت ۇلىك ەمەس بازارلار, ساۋدا-ويىن-ساۋىق ورتالىقتارىنىڭ جۇمىسى, كينوتەاترلار جانە قوعامدىق كولىكتەردىڭ جۇمىس ۋاقىتى ۇزاردى. اتاپ ايتقاندا, ازىق-ت ۇلىك جانە ازىق-ت ۇلىك ەمەس بازارلار دەمالىس جانە مەرەكە كۇندەرى ساعات 9:00-دەن 17:00-كە دەيىن جۇمىس ىستەۋگە رۇقسات بەرىلدى. ساۋدا-ويىن-ساۋىق ورتالىقتارى جۇمىس كۇندەرى 9:00-دەن 23:00-گە دەيىن, دەمالىس جانە مەرەكە كۇندەرى 9:00-دەن 17:00-گە دەيىن جۇمىس ىستەيدى.
ال كينوتەاترلاردىڭ جۇمىس ۋاقىتىن (بۇل رەتتە كەلۋشىلەردىڭ سانى 50 پايىزدان اسپاۋى ءتيىس, بەتپەردەلىك رەجيم, الەۋمەتتىك قاشىقتىق ساقتالادى) جۇمىس كۇندەرى, دەمالىس جانە مەرەكە كۇندەرى دە 9:00-دەن 23:00-گە دەيىن ۇزارتۋعا شەشىم قابىلداندى.سونداي-اق, قوعامدىق كولىكتەر جۇمىس كۇندەرى, دەمالىس جانە مەرەكە كۇندەرى دە ساعات 07:00-23:00 ارالىقتا جۇرەتىن بولادى.
بۇل رەتتە بەتپەردەلىك رەجيم قاداعالانادى. الايدا قالادا مەرەكەلىك, ەستەلىك, ۇجىمدىق كورپوراتيۆ, بانكەتتەر, توي, قۇدالىق, وتباسىلىق ءىس-شارالاردى وتكىزۋگە تىيىم سالىنادى. – جالپى قالادا كاسىپكەرلىك نىسانداردىڭ دەمالىس جانە مەرەكە كۇندەردەگى جۇمىس ۋاقىتىن ۇزارتتىق.
ءبىز بارىنشا جەڭىلدەتىپ جاتىرمىز. وسى ورايدا كاسىپكەرلەردى ازاماتتىق ءتارتىپتى ورىنداۋعا شاقىرامىن. بارشاڭىزدى الدا كەلە جاتقان تاۋەلسىزدىك كۇنىمەن قۇتتىقتايمىن. 29 جىلدا ەلىمىز ۇلكەن جەتىستىكتەرگە جەتىپ وتىر, – دەدى قالا اكىمى. سونداي-اق, م.ايتەنوۆ قوعامدىق كولىكتەردەگى تولەم جۇيەسى, ءبىلىم سالاسىنداعى وزگەرىستەر بويىنشا تۇرعىندار تاراپىنان قويىلعان سۇراقتارعا جاۋاپ بەردى. جالپى شاھاردا ۇستازداردى جۇمىسقا قابىلداۋ بويىنشا جاڭا جوبا ەنگىزىلگەن.
الداعى بەس جىلدىقتا 85 مەكتەپ سالۋ جوسپارلانۋدا. تاعى ءبىر ماڭىزدى جاڭالىق, قالا اكىمى 2021 جىلدان باستاپ بۇقارالىق سپورتتى دامىتۋ ماقساتىندا «شىمكەنت ليگاسى» باستالاتىنىن ايتتى. بۇگىندە جوبانىڭ ەرەجەسى دايىندالۋدا.
