وتىرىستا جوعارى ەۋرازيالىق ەكونوميكالىق كەڭەستىڭ قۇرمەتتى توراعاسى نۇرسۇلتان نازارباەۆ وزبەكستان مەن كۋبا رەسپۋبليكالارىنا ەۋرازيا ەكونوميكالىق وداعى جانىنداعى باقىلاۋشى مەملەكەت مارتەبەسىن بەرۋ ارقىلى بىرلەستىكتىڭ گەوگرافيالىق اۋقىمىن كەڭەيتۋدىڭ كەلەسى كەزەڭىنىڭ ماڭىزىن اتاپ ءوتتى.
– ءبىز جۇمىستى ودان ءارى كۇشەيتىپ, وداقتىڭ وزگە ەلدەرمەن جانە ينتەگراتسيالىق بىرلەستىكتەرمەن ءوزارا ىقپالداستىعىن جالعاستىرۋىمىز كەرەك, دەدى ەلباسى.
قازاقستاننىڭ تۇڭعىش پرەزيدەنتى ەۋرازيالىق ەكونوميكالىق وداققا مۇشە ەلدەر اراسىندا COVID-19 پاندەمياسىنا قارسى كۇرەستە ءوزارا گۋمانيتارلىق كومەك الماسۋداعى ىنتىماقتاستىقتىڭ دەڭگەيى جوعارى ەكەنىن اتاپ ءوتتى. – بىرلەسكەن ءىس-شارالار داعدارىس سالدارىن ەڭسەرۋگە جانە وداقتىڭ دامۋىن جوعارى دەڭگەيگە كوتەرۋگە سەپتىگىن تيگىزەدى دەپ سەنەمىن, دەدى جوعارى ەۋرازيالىق ەكونوميكالىق كەڭەستىڭ قۇرمەتتى توراعاسى. نۇرسۇلتان نازارباەۆ وداق ەكونوميكاسىن ودان ءارى دامىتۋ, ونىڭ ىشىندە الەمدىك ءوندىرىس پەن ساۋدا جولدارىن تارتۋ ءۇشىن زور الەۋەت بار ەكەنىن اتاپ ءوتتى. جوعارى ەۋرازيالىق ەكونوميكالىق كەڭەستىڭ قۇرمەتتى توراعاسى قازىرگى جاعدايدا بىرلەسە دامۋدىڭ بىرنەشە باعىتىن ۇسىندى.
– وداق ەلدەرىنىڭ وندىرىستىك الەۋەتىن ينتەگراتسيالاۋ قارقىنىن جەدەلدەتۋ كەرەك. سونداي-اق ەۋرازيالىق ەكونوميكالىق وداق اۋماعىندا جانە ودان تىس جەرلەردە دە ساۋدا كولەمىن ۇلعايتۋ قاجەت. سونىمەن قاتار ءبىزدىڭ بىرلەستىگىمىز تسيفرلاندىرىلعان بەلسەندى پلاتفورماعا اينالۋعا ءتيىس. بۇل وداققا مۇشە ەلدەردىڭ ەكونوميكالىق قارىم-قاتىناستارىنا وڭ اسەرىن تيگىزەدى, دەدى ەلباسى.
قازاقستاننىڭ تۇڭعىش پرەزيدەنتى وداقتىڭ ورتاق نارىعىن قۇرۋ جانە كەدەرگىسىز كەڭىستىك قالىپتاستىرۋ جۇمىستارىن جالعاستىرۋدىڭ ماڭىزدىلىعىن اتاپ ءوتتى. – ءبىز بىرلەسە وتىرىپ, ەۋرازيالىق ەكونوميكالىق وداقتى ودان دا كۇشتى جانە باسەكەگە قابىلەتتى ەتە الاتىنىمىزعا سەنىمدىمىن. ورتاق نارىق پەن كەدەرگىسىز كەڭىستىك قالىپتاستىرۋ جۇمىسىن جالعاستىرۋ كەرەك, دەدى نۇرسۇلتان نازارباەۆ.
سوڭىندا جوعارى ەۋرازيالىق ەكونوميكالىق كەڭەستىڭ قۇرمەتتى توراعاسى بۇگىنگى وتىرىس قورىتىندىسى بويىنشا بارلىق تاراپ ءۇشىن ءوزارا ءتيىمدى شەشىمدەر قابىلداۋعا بولاتىنىنا سەنىم ءبىلدىردى.
