«وتكەن جىلى, 2019 جىلدىڭ 20 جەلتوقسانىندا ۇلتتىق قوعامدىق سەنىم كەڭەسىنىڭ ەكىنشى وتىرىسىندا مەملەكەت باسشىسى ايەلدەر مەن جاستار ءۇشىن پارتيالىق سايلاۋ تىزىمىنە 30 پايىزدىق كۆوتا ەنگىزۋ تۋرالى باستاماسىن جاريا ەتكەن بولاتىن. 2020 جىلدىڭ اقپانىندا ءتيىستى زاڭ جوباسى ازىرلەنىپ, مامىردا اتالعان قۇجاتقا مەملەكەت باسشىسى قول قويدى. ەندى مىنە, ءبىر جىل وتكەننەن كەيىن اتالعان نورمانىڭ قالاي جۇمىس ىستەي باستاعانىن كورىپ وتىرمىز», دەپ جازدى ەرلان قارين Telegram پاراقشاسىندا.
ماسەلەن, قر پرەزيدەنتى كومەكشىسىنىڭ دەرەگىنشە, ماجىلىسكە پارتيالىق ءتىزىم ارقىلى ۇسىنىلعان «Nur Otan» كانديداتتارىنىڭ - 31,7, «اق جول» پارتياسىنىڭ - 36,8, قازاقستان حالىق پارتياسىنىڭ - 36,2, «اۋىل» پارتياسىنىڭ - 31,5 جانە «ادال» پارتياسىنىڭ - 31,1 پايىزىن ايەلدەر مەن جاستار قۇراپ وتىر. بۇل نورما ءماسليحات سايلاۋىندا دا قولدانىلادى.
«ايتالىق, قازىرگى ۋاقىتتا بۇكىل رەسپۋبليكاداعى ءماسليحات دەپۋتاتتارى كورپۋسىنىڭ نەبارى 2 پايىزى عانا - جاستار. سوندىقتان دا وسى سايلاۋدا ءبىز جاستار مەن ايەلدەردىڭ سايلاۋ جانە ساياسي پروتسەستەرگە كەڭىنەن قاتىسۋىن بايقايتىن بولامىز»,دەدى ول.
