ول ءۇشىن جولاۋشى ءموبيلدى ازاماتتار بازاسىندا تىركەلۋى جانە ۇيالى تەلەفونىندا eGov mobile ەلەكتروندىق ۇكىمەت قوسىمشاسى بولۋى ءتيىس. ۆاگونعا وتىرعىزۋ كەزىندە جولسەرىك «جولسەرىكتىڭ موبيلدىك تەرمينالى» ارقىلى ە-جەكە كۋالىكتى سكانەرلەۋ ارقىلى جولاۋشىنىڭ مارتەبەسىن تەكسەرەدى. جولاۋشىنىڭ ۇيالى قۇرىلعىسىنداعى eGov mobile قوسىمشاسىنان QR-كودىن ءساتتى ايقىنداعاننان جانە جمت مارتەبەسى ماقۇلدانعاننان كەيىن جولاۋشىنىڭ ۆاگونعا كىرۋىنە جانە بيلەتتە كورسەتىلگەن ءوز ورنىنا بارىپ جايعاسۋىنا بولادى.
اتالعان جوبا قازاقستان رەسپۋبليكاسىنىڭ پرەمەر-ءمينيسترى ا. ءماميننىڭ, «سامۇرىق-قازىنا» ۇاق» اق باسقارما توراعاسى ا.ەسىموۆتىڭ جانە قازاقستان رەسپۋبليكاسى تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى ب. ءمۋسيننىڭ قاتىسۋىمەن وتكەن Digital Samruk 2020 كونفەرەنتسياسىندا كورسەتىلدى.
- ءبىزدىڭ ماقساتىمىز – تسيفرلاندىرۋدى شەشۋ ارقىلى ءاربىر قازاقستاندىقتىڭ ءومىرىن بارىنشا جەڭىلدەتۋ جانە جاقسارتۋ. ءبىزدىڭ ءاربىرىمىز ءبىر رەت بولسا دا قۇجاتىمىزدى ۇيىمىزدە ۇمىتىپ جاتامىز. بۇرىن پويىزعا وتىرۋ كەزىندە جەكە كۋالىگىك كەرەك ەدى, ال قازىر وزىندە سمارتفون مەن قولجەتىمدى Egov قوسىمشاسى بولسا جەتكىلىكتى, دەدى تسيفرلىق دامۋ ءمينيسترى باعدات مۋسين.
ە-جەكە كۋالىگىن پايدالانۋ كەزىندە جولاۋشىلار نەنى ءبىلۋى ءتيىس:
-ە-جەكە كۋالىگىندە مىنا مالىمەتتەر بولادى: فوتو, تاج, تۋعان جەرى مەن داتالارى, قۇجاتتىڭ جارامدىلىق مەرزىمى, جسن.
-ە-جەكە كۋالىك تەك قازاقستان رەسپۋبليكاسى اۋماعىندا عانا جۇمىس ىستەيدى. حالىقارالىق جانە شەكاراماڭى مارشرۋتتارىنا وتىرۋ كەزىندە ە-جەكە كۋالىك قابىلدانبايدى.
-ە-جەكە كۋالىكتىڭ جارامدىلىق مەرزىمى - تۋرا قاعازداعىداي. ەگەر قاعازداعىنىڭ مەرزىمى اياقتالسا, وندا تسيفرلىقتىڭ دا مەرزىمى بىتەدى. سوندىقتان ۆاگونعا وتىرعىزۋ كەزىندە تۇسىنبەۋشىلىكتەر تۋىنداماۋى ءۇشىن ءوز قۇجاتىڭىزدىڭ جارامدىلىق مەرزىمىن تەكسەرىپ العانىڭىز ءجون.
-ە-جەكە كۋالىكتە بىرەگەي QR-كودى ورنالاستىرىلعان, سكانەرلەپ ونىڭ تۇپنۇسقالىعىن تەكسەرۋگە بولادى. جەكە مالىمەتتەردى قورعاۋ ماقساتىندا ءۇشىنشى تۇلعالاردىڭ QR-كودقا كىرۋىنە ۋاقىت بويىنشا شەكتەۋ قويىلعان.
-ە-جەكە كۋالىك قازاقستان رەسپۋبليكاسى ازاماتىنىڭ تۇپنۇسقالىق جەكە كۋالىگىن تولىق الماستىرا المايدى. سوندىقتان دا جولاۋشى جۇرگەن جولىندا وزىمەن قۇجاتتىڭ تۇپنۇسقاسىن الا جۇرگەنى دۇرىس.
-بۇل رەتتە بيلەتتى قايتارۋ كەزىندە جولاۋشىنىڭ جەكە كۋالىگىنىڭ تۇپنۇسقاسىن ۇسىنۋ سۇرالادى. - ەگەر ءسىزدىڭ تەلەفونىڭىزدىڭ قۋاتى ءبىتىپ قالسا, ينتەرنەت-ترافيگىڭىزبىتسە نەمەسە ۇيالى تەلەفونىڭىز جەلىگە قوسىلماي قالسا, ە-جەكە كۋالىك قولجەتىمسىز بولاتىندىعىن قاپەردە ۇستاعان ءجون.
