14 جەلتوقسان, ساعات 16:00-دە «حابار» تەلەارناسىنان «مەن «قازاقستاندى جانە قازاقستاندىقتاردى نە ءۇشىن جاقسى كورەمىن» جوباسىنىڭ تۇساۋ كەسەرى جول تارتۋدا. تەلەجوبا 50 كينونوۆەللادان تۇرادى, ولاردىڭ ارقايسىسى قازاقستاننىڭ ءار تۇكپىرىنەن كەلگەن قاراپايىم ادامداردىڭ شىنايى وقيعالارىنا نەگىزدەلگەن.
جوبانىڭ باس پروديۋسەرلەرى - حابار اگەنتتىگىنىڭ باسشىسى ەرلان بەكحوجين جانە تانىمال ستسەناري اۆتورى باقىت قيلىباەۆ.
اعىمداعى جىلدىڭ شىلدە ايىندا «حابار» اگەنتتىگى بۇگىنگى زامانىمىزدىڭ باتىرلارى تۋرالى بەلگىلى ءبىر تەلەحيكاياعا نەگىز بولاتىن شىنايى وقيعالاردىڭ كونكۋرسىنىڭ باستاۋ العانىن جاريالادى. بايقاۋدىڭ قورىتىندىسى بويىنشا ۇزدىك اڭگىمەلەر تاڭدالدى, جانە ولاردىڭ سيۋجەت جەلىسى بويىنشا كينو ماماندارى فيلمدەر ءتۇسىرىلىمىن باستادى. ءتۇسىرىلىم پروتسەسىنە قازاقستاننىڭ بارلىق ايماقتارىنان 50 شىعارماشىلىق توپ ات سالىستى. كورەرمەندەرگە دارىگەرلەردىڭ, پوليتسيا قىزمەتكەرلەرىنىڭ, كۋرسانتتاردىڭ, ۇستازداردىڭ, سپورتشىلاردىڭ, ەرىكتىلەردىڭ ەرلىكتەرى ۇسىنىلاتىن بولادى.
«مەن قازاقستاندى جانە قازاقستاندىقتاردى نە ءۇشىن جاقسى كورەمىن» جوباسى ەلىكتەگىسى كەلەتىن جانە ماقتان تۇتقىسى كەلەتىن ادامدارعا ارنالعان جوبا.
جوباعا جاس سۋرەتشىلەردەن باسقا تانىمال اكتەرلەر قاتىستى, ولار: «شال» ءفيلمىنىڭ باستى كەيىپكەرى ەربولات توعىزاقوۆ, قر ەڭبەك سىڭىرگەن ءارتيسى ناتاليا دولماتوۆا, تەاتر جانە كينو اكتەرى ولگا لاندينا, دومبىراشى مارجان كاپسامات, ايدوس تاستاەۆ جانە نۇرجان مۇساەۆ.
بىرنەشە ەپيزودتاردىڭ كەيىپكەرلەرى رەتىندە جوباعا وتە جاس اكتەرلەر تارتىلدى. مىسالى, انيس تورەبەكقىزىنىڭ جاسى نەبارى 1 جاس 3 اي, ال حاكىمجان 7 ايلىق بولسا, ءتۇسىرىلىم كەزىندەگى جوبانىڭ ەڭ كىشكەنتاي قاتىسۋشىسى تالعات مۇسا 2,5 ايلىق قانا بولعان.
«مەن قازاقستاندى جانە قازاقستاندىقتاردى نە ءۇشىن جاقسى كورەمىن» جوباسى قازىرگى شاقتا بىزبەن بىرگە ءومىر سۇرەتىن, بۇگىنگى كۇننىڭ زاماناۋي باتىرلارىن كورسەتۋگە جانە تانىتۋعا مۇمكىندىك بەرەدى.
اۋقىمدى تەلەۆيزيالىق جوبا قازاقستان رەسپۋبليكاسى تاۋەلسىزدىگىنىڭ 30 جىلدىعىنا ارنالعان. 14 جەلتوقسان كۇنى ساعات 16: 00-دە «حابار» تەلەارناسىندا قازاقستاندىق كينەماتوگرافيا تاريحىنىڭ زاماناۋي باتىرلارى تۋرالى اڭگىمەلەردىڭ ەڭ قىزىقتى سەرياسىنىڭ تۇساۋ كەسەرىن جىبەرىپ الماڭىز.
