تۋريزم • 11 جەلتوقسان، 2020

بوزجىرا قوناقۇيى يتاليالىق ساراپشىنىڭ نازارىن اۋدارتتى

49 رەت كورسەتىلدى

قوعام تالقىسىنا تۇسكەن بوزجىرا قوناقۇيى شەتەلدىك ساراپشىلاردىڭ دا نازارىن وزىنە اۋدارتتى. ءدال وسى سافاري-وتەل سالۋ يدەياسىن Rixos قوناقۇي كەشەنىن ىسكە قوسقان ينۆەستورلار ۇسىنعان ەدى، دەپ حابارلايدى Egemen.kz

يتاليانىڭ ساۋلەت جانە قالا قۇرىلىسى سالاسىنداعى ايگىلى ساراپشىسى، Urban Living كونسالتينگتىك كومپانيانىڭ وكىلى ريكاردو ماريني ماڭعىستاۋ وبلىسىنداعى بوزجىرا شاتقالىنا بارىپ، ايماقتاعى ەكولوگيالىق ءتۋريزمدى دامىتۋ مۇمكىندىكتەرى جايىندا پىكىر ءبىلدىردى.

"بۇل تاماشا جەر. بۇل – تەك جەرگىلىكتى تۇرعىندار ءۇشىن عانا ەمەس، بۇكىل الەم تۋريستەرى ءۇشىن جاڭا الەم. ەگەر تابيعات اسەمدىگى مەن ادامداردىڭ ونى كورۋ نيەتىنىڭ اراسىندا جانجال تۋىنداسا، تابيعي ورتاعا قاۋىپ ءتونۋى مۇمكىن. سوندىقتان بۇل قۇندىلىقتى ساقتاپ، قورعاپ قالۋ وتە ماڭىزدى. بۇل جاعدايلار باسشىلىقتىڭ تەرىس جولدا ەكەنىن بىلدىرەتىن بەلگى. ادامدار وزدەرى قالاعان جەرىندە جۇرەدى. وسى جەردە ءجۇرىپ بايقاعانىم، پلاستيك جانە شىنى بوتەلكەلەر شاشىلىپ جاتىر"، دەدى ر.ماريني.

ساراپشى بوزجىرا سياقتى تابيعي رەسۋرستاردى ساقتاپ قالۋدا ينفراقۇرىلىم، كوممۋنيكاتسيالار جانە ءبىلىم سياقتى اجىراماس ەلەمەنتتەر رەتىندە ۇيلەسىمدىلىكتىڭ بولۋىن تىلگە تيەك ەتتى.

"ەگەر قوناقۇي رەسۋرستارى شاتقالدى قورعاۋ، اعارتۋ، جانە ول تۋرالى حاباردار بولۋعا باعىتتالسا، ەگەر ينۆەستورلار جوبانى قورشاعان ورتاعا ۇلكەن قامقورلىق جاساپ ىسكە اسىرسا، ەگەر ماكسيمالدى تۇردە قالدىقسىز مەحانيزم بار بولسا، وندا بۇل وتە جاقسى يدەيا. شاتقالدىڭ تۇبىنە جاياۋ، اتقا ءمىنىپ نەمەسە ەلەكتروموبيلمەن ءتۇسۋ كەرەك. ەگەر تۋريستەرگە تابيعات اياسىندا ءجۇرۋ ءتارتىبىن، قوقىس جيناۋ قاجەتتىلىگىن تۇسىندىرەتىن نۇسقاۋلىقتار بولىپ، ولار دۇرىس قولدانىلسا، بۇكىل الەمدەگى تابيعات ەسكەرتكىشتەرى سياقتى، بوزجىرا شاتقالىن دا تۇراقتى دامىتۋعا بولادى"، دەدى ساراپشى.

ول جاقسى ويلاستىرىلعان باسقارۋدىڭ سونداي-اق جەرگىلىكتى جەردى مەكەندەيتىن جانۋارلاردىڭ جويىلۋىنا جول بەرمەۋگە بولاتىنىنا سەندىرىپ وتىر.

"ەگەر ينفراقۇرىلىم جەتە دامىتىلسا، جانۋارلار جويىلمايدى. بۇكىل الەمدە، افريكادا، ءتىپتى ەۋروپادا ادامدارعا ءالسىز ەكوجۇيەلەردە جۇرۋگە مۇمكىندىك بەرەتىن كوپتەگەن جەرلەر بار. مۇندا كەلۋشىلەر تەك جەرگىلىكتى فلورا مەن فاۋنانى قۇرمەتتەسە بولعانى. ورمەكشىلەردى باسپاي، بايقاپ جۇرەتىن ارنايى مادەنيەت بولۋى ءتيىس"، دەدى ول.

بوزجىرا شاتقالىندا سافاري-قوناقۇيدى سالۋ يدەياسىن قازىرگى كەزدە قوعامدىق بەلسەندىلەر، جەرگىلىكتى تۇرعىندار جانە عالىمدارمەن تالقىلانىپ وتىرعانىن اتاپ ءوتۋ كەرەك.

سوڭعى جاڭالىقتار

تاعى 1650 قازاقستاندىق ىندەت جۇقتىردى

كوروناۆيرۋس • بۇگىن، 09:00

سوفيادان ولجالى ورالدى

سپورت • بۇگىن، 08:40

جاس تەننيسشىلەر جارادى

تەننيس • بۇگىن، 08:32

تۇتىنۋشى قۇقىعىن قورعايدى

قازاقستان • بۇگىن، 08:27

ۇقساس جاڭالىقتار