تۇركيا مەن رەسەيدىڭ جوعارى وقۋ ورىندارىن, كەڭەس وداعىنىڭ ەكى مارتە باتىرى ت.ج.بيگەلدينوۆ اتىنداعى اۋە قورعانىسى كۇشتەرىنىڭ اسكەري ينستيتۋتىن بىتىرگەن 20 تۇلەك شىمكەنت قالاسىندا قىزمەتىن جالعاستىرادى.
لاۋازىمعا تاعايىندالار الدىندا تۇلەكتەر مىندەتتى تۇردە بەيىمدەلۋ مەن ساپقا قوسىلۋعا باعىتتالعان ارنايى وقۋ كۋرستارىنان وتەدى. كۋرس بارىسىندا ولار قىزمەتكە كىرىسۋ ءۇشىن باقىلاۋ باعدارلامالارى بويىنشا – تەحنيكالىق, فيزيكالىق, تاكتيكالىق جانە اتىس دايارلىعىنان تەستىلەۋ تاپسىرۋى مىندەتتى.
جيىننىڭ ءبىرىنشى كۇنىنەن باستاپ جاس لەيتەنانتتار اسكەري-اۋە كۇشتەرىنە قاراستى اۆياتسيالىق ءبولىمى مەن قىزمەتتەرىنىڭ كۇندەلىكتى وقۋ-جاۋىنگەرلىك دايارلىعىنا ەنىپ كەتتى.
ايتا كەتسەك, ءبولىم باسشىلىعى جاس وفيتسەرلەردى قىزمەتتىك تۇرعىن ۇيمەن قامتاماسىز ەتۋ, ولاردىڭ ايەلدەرىن جۇمىسقا ورنالاستىرۋ جانە بالالارىن مەكتەپكە دەيىنگى جالپى ءبىلىم بەرۋ مەكەمەلەرىندە ورىندارمەن قامتاماسىز ەتۋ سياقتى جۇمىستاردى قارقىندى جۇرگىزۋدە.
سونىمەن بىرگە, جيىن بارىسىندا قاۋىپسىزدىك تەحنيكاسى مەن قىزمەتتىك ءىس-ارەكەت نەگىزدەرى بويىنشا نۇسقاۋلىقتار, كورنەكى جانە نۇسقاۋ-ادىستەمەلىك ساباقتار جوسپارلانعان. سىناقتاردى تاپسىرىپ, اسكەري اۆياتسيالىق تەحنيكادا جۇمىس ىستەۋگە رۇقسات العاننان كەيىن وفيتسەرلەر پراكتيكالىق ۇشۋعا كىرىسەدى.
