"بۇگىن سايلاۋدى بەيپارتيالىق بايقاۋ ورتالىعى اشىلعاندىعى تۋرالى جاريالاماقپىز. ءبىزدىڭ ورتالىققا العاشقى بايقاۋشىلار كەلىپ جاتىر. بارشا الەمدە سايلاۋ ناۋقانى ەرەكشە ماڭىزعا يە. سايلاۋ – ول داۋىس بەرۋشىلەر تاراپىنان سايلانىپ, كونستيتۋتسيالىق قۇقىقتى ورىنداۋ. بۇل ءوز كەزەگىندە كەز كەلگەن ەلدەگى ءاربىر ازاماتتىق قۇقىعى. قوعامدىق ۇيىمدار ۇنەمى سايلاۋ پروتسەسىن بايقاۋ ءىس-شارالارىنا قاتىسۋعا تىرىسادى", دەدى "قازاقستاننىڭ ازاماتتىق اليانسىنىڭ پرەزيدەنتى بانۋ نۇرعازيەۆا ەلوردادا وتكەن بريفينگىدە.
وسى ورايدا ول ورتالىقتىڭ مىندەتتەرى تۋرالى ايتتى.
"پارتيالار اتىنان بايقاۋشىلار, سونداي-اق ۋچاسكەلىك كوميسسيا مۇشەلەرى بار. ال قوعامدىق ۇيىمدار اتىنان باراتىن بايقاۋشىلاردىڭ باستى ماقساتى – سايلاۋدىڭ قاي دەڭگەيدە وتكەنىن قاراۋ. ولار تىكەلەي قاتىسۋشى ەمەس, ياعني باسەكەلەستىككە تۇسپەيدى. ولار داۋىس بەرۋ ناۋقانىن بايقاۋعا كەلەدى. وسى ورايدا زاڭ بۇزۋشىلىقتارعا جول بەرىلمەۋىن, حالىقارالىق ستاندارتتار مەن كونستيتۋتسياعا, زاڭناماعا سايلاۋ پروتسەسىنىڭ سايكەس كەلۋى جاعدايىن قارايدى. وسى تالاپتار قاتاڭ ورىندالۋى كەرەك", دەدى ب.نۇرعازيەۆا.
