«ۇلتتىق ۆاليۋتانىڭ نىعايۋىنا ەكسپورتتاۋشىلاردىڭ سالىق تولەمدەرىن جۇزەگە اسىرۋ ءۇشىن شەتەل ۆاليۋتاسىن ساتۋى ەسەبىنەن وسكەن ىشكى ۇسىنىسپەن قاتار قولايلى ىشكى كونيۋنكتۋرا اسەر ەتتى. بىردەن بىرنەشە ۆاكتسينانى ءساتتى سىناقتان وتكىزۋ تۋرالى حابار جانە اقش-تا پرەزيدەنتتىك بيلىكتى فورمالدى وتكىزۋدى باستاۋ تاۋەكەلدى اكتيۆتەرگە سۇرانىستى ۇلعايتتى», - دەدى دوساەۆ ۇكىمەت وتىرىسىندا.
سونىمەن قاتار ۇلتتىق بانك توراعاسى مۇناي باعاسى قاراشادا ءبىر بارەللى ءۇشىن 37,5 دوللاردان 47,6 دوللارعا دەيىن 27%-كە وسكەنىن ايتتى.
«وپەك+ ءوندىرۋدى مەيلىنشە قالىپتى قارقىنمەن ۇلعايتۋ شەشىمىنەن كەيىن جەلتوقساندا مۇنايعا باعا بەلگىلەۋ سەنىمدى ءوسىپ كەلەدى. 2020 جىلدىڭ جەلتوقسانىنىڭ باسىنان بەرى brent 9 جەلتوقسانعا دەيىن 2,7%-كە ءبىر باررەلى ءۇشىن 48,86 اقش دوللارىنا دەيىن ءوستى», - دەدى ول.
ۇلتتىق بانك توراعاسىنىڭ ايتۋىنشا, اقش دوللارى يندەكسىنىڭ تومەندەۋى دامۋشى ەلدەر ۆاليۋتالارىنىڭ ديناميكاسىنا وڭ اسەر ەتكەنىن ايتتى. مىسالى, برازيليا رەالى ءبىر ايدا – 6,6%-كە, تۇرىك ليراسى – 6,2%-كە, وڭتۇستىك افريكا راندى مەن مەكسيكا پەسوسى – 4,7%-كە, رەسەي ءرۋبلى 3,7%-كە نىعايدى.
ايتا كەتەيىك, قاراشادا ايىرباستاۋ باعامى تاعى دا 1,2%-كە نىعايىپ, 9 جەلتوقساندا بيرجاداعى ساۋدا-ساتتىقتىڭ قورىتىندىسى بويىنشا ءبىر اقش دوللارى ءۇشىن 419,92 تەڭگە بولدى.
