"قازاقستاننىڭ مەملەكەتتىك ورگاندارى جەرگىلىكتى نارىققا ءىرى شەتەلدىك رەتەيلەرلەر كەلگەننەن كەيىن جاعدايدىڭ نەگە اپارىپ سوعاتىنىن ۇمىتپاۋى كەرەك. سوندىقتان ولار ەاەو سەرىكتەستەرىمەن ءوزارا ىنتىماقتاستىققا نازار اۋدارعانى ءجون. ينۆەستيتسيا تارتۋ كەزىندە قازاقستانعا ناقتى قانداي ينۆەستيتسيا كەلەتىنىن, قاي سەكتورعا كەلەتىنىن, ول جەرگىلىكتى ويىنشىلاردى قانشالىقتى كۇشەيتە الاتىنىن ءبىلۋ كەرەك. ويتكەنى ءبىزدىڭ وندىرۋشىلەر ءالى اياقتان تۇرىپ كەتكەن جوق", – دەيدى وسمانوۆ.
ونىڭ ايتۋىنشا, ءدال قازىر «پياتەروچكا», «پەرەكرەستوك» جانە «كارۋسەل» ونىمدەرىن شىعارۋمەن اينالىساتىن رەسەيلىك X5 Retail Group كومپانياسى قازاقستان نارىعىنا كىرۋگە تالاپتانىپ جاتىر. شەتەلدىك كومپانيالاردىڭ كەلۋى جاقسى. بىراق وتاندىق وندىرۋشىلەردى كورسەك ءتىپتى جاقسى بولار ەدى دەيدى وسمانوۆ.
"قازىر توپ-3 رەسەيلىك رەتەيلەرلەر 6-6,5 پايىزەن وبليگاتسيالار شىعارۋدا. قازاقستاندىق رەتەيلەرلەرمەن سالىستىرعاندا ولاردىڭ ساۋدا نۇكتەسىن اشۋ پروتسەسى وتە جىلدام. سونىمەن قاتار ەكونوميكا ماسشتابى دا مۇلدە باسقاشا. بۇل ورايدا قازاقستاندىق جەلىلەر جەرگىلىكتى وندىرۋشىلەرگە ساۋدا ورىندارىنىڭ كەم دەگەندە 30 پايىزىن ۇسىنۋعا مىندەتتى", – دەدى ول.
قىسقاسى, Magnum Cash&Carry باسشىسىنىڭ سوزىنشە, رەسەيلىك كومپانيالاردىڭ كەلۋىنە بايلانىستى ۇكىمەت جەرگىلىكتى وندىرۋشىلەردى قولداۋدى كۇرت ارتتىرۋى ءتيىس. ايتپەسە, احۋال قيىنداي تۇسپەك. سونداي-اق باسقارۋشى كارانتين اسەرىنەن Magnum-نىڭ ورتاشا چەگى مولشەرىنىڭ تومەندەپ كەتكەنىن, قازاقستاندىقتاردىڭ تولەم قابىلەتى 20 پايىزعا دەيىن ازايعانىن (ولاردىڭ باعالاۋىنشا) ايتادى. تيىسىنشە, تولەم قابىلەتى الداعى ءبىر جارىم جىلدا دا قالپىنا كەلە قويمايدى.
ەسكە سالساق, وسىعان دەيىن ازامات وسمانوۆ YouTube جەلىسىندە Magnum كومپانياسىنىڭ كوكتەمگى داعدارىستى قالاي وتكەرگەنىن, كومپانيا جۇمىسى قالاي وزگەرگەنىن ايتىپ وتكەن بولاتىن.
ء"بىزدىڭ كومپانيا تۇتىنۋشىلاردىڭ 80 پايىزىن ونىممەن قامتاماسىز ەتىپ وتىر. پاندەميا كەزىندە الەم بويىنشا ەشبىر ازىق-ت ۇلىك ءونىمىن ساتاتىن دۇكەندەر جابىلعان جوق. ءبىز دە كارانتين ۋاقىتىندا ۇزدىكسىز جۇمىس ىستەدىك. بۇل جاعىنان باسقا سالالارداعى بيزنەسكە قاراعاندا بىزدە ارتىقشىلىق بولدى. بۇل رەتتە 2017 جىلى قابىلداعان ستراتەگيامىز ەرەكشە ءرول وينادى. شىن مانىندە ەشكىم دە مۇنداي جاعدايعا دايىن بولعان جوق. بىراق جاعدايدىڭ از ۋاقىت ىشىندە شيرىعىپ كەتۋى بىرقاتار پروتسەستەردى جىلدام ەڭسەرۋگە اسەرىن تيگىزدى", – دەيدى وسمانوۆ.
كارانتينگە كومپانيا دايىن بولعان. ارنايى شتاب تا قۇرىلعان. «ارينە, اسا قاتتى جوعالتۋلار دا بولدى. بىراق ءدال قازىرگى كەزدەگى ءالى دە جالعاسىپ جاتقان قيىندىقتارعا بايلانىستى كەلگەن جوعالتۋدى باعالاۋ مۇمكىن ەمەس» دەيدى سپيكەر.
