ءوزى بۋحگالتەرلىك ەسەپ جۇرگىزە المايتىن بولعاندىقتان ول وسىنداي قىزمەت كورسەتەمىز دەگەن ءبىر ۇيىمعا قايرىلعان. ۇيىمنىڭ قىزمەتكەرى ءبارىن ءوزى ىستەمەك بولىپ سەندىرگەن. ءسويتىپ, سالىققا تولەنۋگە ءتيىستى 300 مىڭ تەڭگەنى قولما-قول العان. بۇل قىزمەت وزىنە ۇناعان كاسىپكەر ارتىنان بىرنەشە رەت وسى قىزمەتكەرگە قايرىلعان. بىراق ارادا بىرنەشە اي وتكەندە ءوزىنىڭ سالىق بەرەشەگى بىرنەشە ميلليونعا شىعىپ كەتكەنىن كورىپ شوشىپ قالادى. سويتسە... بۋحگالتەر دەپ سەنگەن ادامى سالىق ءۇشىن بۇدان العان 8 ميلليوننان ارتىق تەڭگەنىڭ ءبىر تيىنىن دا بيۋدجەتكە تولەمەگەن. قازىر جالعان بۋحگالتەردىڭ ۇستىنەن «الاياقتىق» بابى بويىنشا ءىس قوزعالدى.
«كۇدىككە ىلىنگەن 28 جاستاعى پەتروپاۆلدىڭ ايەل تۇرعىنى بولىپ وتىر. قازىر ونىڭ وسىنداي باسقا دا قىلمىستارعا قاتىستىلىعى تەكسەرىلۋدە», دەيدى پەتروپاۆل قالاسى پب تەرگەۋ ءبولىمىنىڭ باستىعى, مايور نۇرجان وماروۆ.
