ءورت-تاكتيكالىق وقۋ-جاتتىعۋدى وتكىزۋ ماقساتى: اۋە كەمەسىنىڭ اۆاريالىق قونۋى كەزىندە قۇتقارۋ قىزمەتتەرىن دايارلاۋ, شارتتى ءورتتى ءسوندىرۋ, جولاۋشىلاردى قاۋىپسىز جەرگە قۇتقارۋ جانە ەۆاكۋاتسيالاۋ, اۋە كەمەسىندەگى ءورتتى ءسوندىرۋ ەرەكشەلىگى مەن تاكتيكاسىن پىسىقتاۋ, سونداي-اق قۇتقارۋ قىزمەتتەرىنىڭ ءوزارا ءىس-قيمىلىن ودان ءارى ارتتىرۋ.
ءورت-تاكتيكالىق وقۋ-جاتتىعۋدىڭ تاكتيكالىق ويىنا سايكەس شارتتى ءورت الماتى-شىمكەنت باعىتى بويىنشا «SKAT» اۆياكومپانياسىنىڭ ان-24 ۇشاعىنىڭ «شىمكەنت اۋەجايى» اق اۋەجايىنا اۆاريالىق قونۋى ناتيجەسىندە ورىن الدى. بورتتا 40 جولاۋشى جانە 4 ەكيپاج مۇشەسى بار. ۇشۋ باسشىسى جۇيە بويىنشا «دابىل» سيگنالىن قۇلاقتاندىرۋ جانە اۋەجاي قىزمەتتەرىنىڭ اۆاريالىق-قۇتقارۋ كومانداسىن ازىرلىككە كەلتىرۋ تۋرالى شەشىم قابىلدايدى.
اۋەجايدىڭ ديسپەتچەرلىك قىزمەتى بولعان جاعداي تۋرالى اۋەجاي باسشىلارىنا جانە «101» پۋلتىنە حابارلايدى. №2 شاقىرۋدىڭ جوعارى دارەجەسى بويىنشا وقۋ-جاتتىعۋ ورنىنا كۇشتەر مەن قۇرالدار جىبەرىلدى. شاقىرۋ ورنىنا كەلگەن شىمكەنت قالاسى تجد ءورت ءسوندىرۋ جاساقتارى اۋە كەمەسىنىڭ ءورتىن جويۋعا جانە ەكيپاج بەن جولاۋشىلاردى قۇتقارۋعا كىرىسەدى. شارتتى تۇردە توگىلگەن وتىندى ءسوندىرۋ جانە ۇشاقتىڭ فيۋزەلياجىن سالقىنداتۋ ءۇشىن كوبىك وقپاندارىن بەرۋ جۇزەگە اسىرىلدى.
بولىمشەلەر الدىنا قويىلعان مىندەتتەردى ويداعىداي ورىندادى, سونىڭ ناتيجەسىندە شارتتى ءورت دەر كەزىندە جويىلدى. وقۋ-جاتتىعۋ بارىسىندا اۋەجاي قىزمەتتەرى مەن ءوزارا ءىس-قيمىل جاسايتىن قىزمەتتەردى حاباردار ەتۋ, اۆاريالىق جاعداي ورنىنا كەلۋ جانە ىلەسىپ ءجۇرۋ ماسەلەلەرى پىسىقتالدى.
وقۋ-جاتتىعۋعا 10 تەحنيكا, شىمكەنت قالاسى تجد «وسجانەاقجق» مم-نىڭ, جەدەل-قۇتقارۋ جاساعىنىڭ وفيتسەرلىك جانە جەكە قۇرامى, اپاتتار مەديتسيناسى ورتالىعى فيليالىنىڭ قىزمەتكەرلەرى, جەدەل-جاردەم مەديتسينالىق كومەك بريگاداسى جۇمىلدىرىلدى.
