12 جەلتوقسان, ساعات 18:00 سەرگەي پروكوفەۆتىڭ مۋزىكاسىنا قويىلعان ەكى كورىنىستى "كۇلشە قىز" قويىلىمى كورەرمەن نازارىنا ۇسىنىلادى. كۇلشە قىز بەن حانزادا پارتياسىن جەتەكشى سوليستتەر تاتيانا تەن مەن قازبەك احمەدياروۆ ورىندايدى. كورەرمەن زالىنداعى ادامدار سانى شەكتەۋلى بولعاندىقتان, بيلەتتەر تاۋسىلدى. ايتكەنمەن, "كۇلشە قىز" قويىلىمىن قاڭتار ايىندا دا تاماشالاي الاسىز.
16 جەلتوقسان, ساعات 18:00 ەلىمىزدىڭ تاۋەلسىزدىك كۇنىنە وراي, " ۇلى دالا مۇراسى" ديۆەرتيسمەنتى كورسەتىلەدى. مەرەكەلىك كونتسەرت باعدارلاماسى وتاندىق بالەتمەيستەرلەر قويعان ۇلتتىق حورەوگرافيانىڭ وزىق ۇلگىلەرىنەن قۇرالعان.
ال, جەلتوقساننىڭ 24 مەن 31 ارالىعىندا «استانا بالەت» تەاترى الەمگە ايگىلى بالەتتەردىڭ ءبىرى – "شەرتكىش" (حورەوگرافيا ۆاسيلي ۆاينونەن) تۋىندىسىن تاماشالاۋعا شاقىرادى. سپەكتاكلگە ە.گوفماننىڭ ايگىلى نەمىس ەرتەگىسىنىڭ جەلىسى نەگىزىندە ا. اكە-ديۋما جازعان قۋىرشاق پەن تىشقاندار پاتشاسى جايلى ەرتەگى الىنعان. بالەت دۇنيە جۇزىنە كەڭ تارالىپ, جاڭا جىلدىق مەرەكەنىڭ ءداستۇرلى سيمۆولىنا اينالدى. شەرتكىشتىڭ سان-ءتۇرلى ينتەرپرەتاتسيالارى بار, دەگەنمەن, ۆاسيلي ۆاينونەن نۇسقاسى الەمنىڭ كوپتەگەن تەاترلارىندا قويىلىپ كەلەدى. "استانا بالەت" تەاترىندا ايگىلى بالەتتى رف حالىق ءارتىسى التىناي اسىلمۇراتوۆا ساحنالادى.
كوروناۆيرۋس پاندەمياسى كەزىندە ونەر قايراتكەرلەرى كورەرمەن قاۋىممەن قاۋىشۋدىڭ جاڭا فورمالارىن يگەرە باستادى. مىسالى, Abai TV تەلەارناسىنىڭ ەفيرىنەن تەاتر رەپەرتۋارىنداعى ەكى سپەكتاكل كورسەتىلدى – رايموندو رەبەكتىڭ "وتكەنگە ساياحات", ريكاردو امارانتەنىڭ "Love Fear Loss" تۋىندىسى, ال 28 جەلتوقساندا "استانا بالەت" تەاترىنداعى قازاق ءبيىنىڭ فەنومەنى" اتتى دەرەكتى ءفيلمدى كورە الاسىز.
