سول كۇنى وتكەن بريفينگتە ت.ا.گەبريەسۋس ۆاكتسينا جاساۋ سالاسىنداعى پروگرەسس كوڭىلگە قۋانىش ۇيالاتاتىنىن اتاپ ءوتتى. الايدا ددۇ-نى COVID-19 پاندەمياسى ءالى اياقتالماعانى, كوپتەگەن ايماقتاردا ۆيرۋستىڭ وتە جوعارى تارالۋ قارقىنى بار ەكەنى الاڭداتىپ وتىر. اۋرۋحانالار, جان ساقتاۋ بولىمدەرى مەن مەديتسينا قىزمەتكەرلەرى ءالى كۇنگە دەيىن پاندەميانىڭ سالدارىمەن بەتپە-بەت قالىپ وتىر. ۆاكتسينالار جاسالعاننان كەيىن دە, ونىڭ ايتۋىنشا, الەمدىك قاۋىپسىزدىكتى قامتاماسىز ەتۋ ءۇشىن سانيتارلىق نورمالار ساقتالۋى كەرەك.
جاقىن ارادا مەملەكەت باسشىلارى مەن ازاماتتار قابىلدايتىن شەشىمدەر ۆيرۋستىڭ قىسقا مەرزىمدە قالاي ارەكەت ەتەتىنىنە جانە پاندەميا اياقتالعان كەزدە شەشۋشى اسەر ەتەدى.
ددۇ باسشىسى ايتىپ وتكەندەي, ۆاكتسينالاردىڭ بۇكىل الەمگە تارالۋى وتە ماڭىزدى. ول ءبىرىنشى كەزەكتە مەديتسينالىق جانە الەۋمەتتىك قىزمەتكەرلەرگە ۆاكتسينانىڭ جەتكىلىكتى مولشەرىن ۇسىنۋ كەرەكتىگىن اتاپ ءوتتى.
ۆاكتسينالاردى جەتكىزۋدى, ءوندىرۋدى, تاسىمالداۋدى جانە قارجىلاندىرۋدى قامتاماسىز ەتۋدەن باسقا, ول الەمنىڭ كوشباسشىلارىن ۆاكتسيناتسيانىڭ ماڭىزدىلىعى تۋرالى حالىققا تۇسىندىرۋگە شاقىردى.
