قوعام • 05 جەلتوقسان، 2020

قارۋ ۇستاۋعا باقىلاۋ كۇشتى

24 رەت كورسەتىلدى

بۇگىنگى تاڭدا سولتۇستىك قازاقستان وبلىسى تۇرعىندارىندا 13598 قارۋ تىركەلگەن. پوليتسەيلەر وسى ارسەنال يەلەرىن تۇرعىلىقتى جەرى بويىنشا ۇنەمى تەكسەرىپ وتىرادى. بۇل قارۋلى قىلمىستىڭ الدىن الۋ شارالارىنىڭ ءبىرى.

ۋچاسكەلىك پوليتسيا ينسپەكتورلارى مەن ازاماتتىق جانە قىزمەتتىك قارۋدىڭ اينالىمىن باقىلاۋ بولىنىستەرىنىڭ قىزمەتكەرلەرى تەكسەرىس جۇرگىزەدى. سقو پد اكىمشىلىك پوليتسيا باسقارماسىنىڭ ايتۋىنشا، قارۋ-جاراق ساقتاۋ ەرەجەلەرىن بۇزۋ كوبىنەسە رەيد بارىسىندا انىقتالادى. «قارۋدى بەلگىلەنگەن ۇلگىدەگى سەيفتە ساقتاۋ كەرەك: قابىرعالارىنىڭ قالىڭدىعى كەمىندە 3 مم. جانە ەدەنگە نەمەسە قابىرعاعا مىقتاپ بەكىتىلۋى ءتيىس، مۇنداي سەيفتە قارۋ مەن ونىڭ وق-دارىلەرىنەن باسقا زاتتاردى ساقتاۋعا بولمايدى. اقشا، قۇندى زاتتار مەن قۇجاتتاردى باسقا جەردە ساقتاعان ءجون. وبلىس ورتالىعىنىڭ تۇرعىندارى مىندەتتى تۇردە سيگناليزاتسيا ورناتۋلارى ءتيىس»، دەيدى ازاماتتىق جانە قىزمەتتىك قارۋ اينالىمىن باقىلاۋ ءبولىمىنىڭ ەرەكشە تاپسىرمالار جونىندەگى اعا ينسپەكتورى پوليتسيا مايورى قۇرمان مۋسين.

جىل باسىنان بەرى 544 ادام ازاماتتىق جانە قىزمەتتىك قارۋدى الۋ، ساقتاۋ نەمەسە تاسىمالداۋ ەرەجەلەرىن بۇزۋعا جول بەرگەن. سونىمەن بىرگە ازاماتتىق جانە قىزمەتتىك قارۋ اينالىمىن باقىلاۋ بولىنىستەرىنىڭ قىزمەتكەرلەرى مەن ۋچاسكەلىك ينسپەكتورلار زاڭسىز ساقتالعان 61 قارۋدى تاركىلەگەن.

سوڭعى جاڭالىقتار

ۇقساس جاڭالىقتار