ايماقتار • 04 جەلتوقسان، 2020

سقو-دا ءتۇن تىنىشتىعىن بۇزاتىندار ازايماي وتىر

28 رەت كورسەتىلدى

تۇنگى تىنىشتىقتى بۇزۋ كوبىنەسە جالعا بەرىلەتىن پاتەرلەردە ورىن الادى. قاراشا ايىنىڭ سوڭىندا تۇنگى ساعات 01.30-دا كەلىپ تۇسكەن شاقىرۋ بويىنشا پوليتسەيلەر اۋەزوۆ كوشەسىنىڭ بويىنداعى جالعا بەرىلەتىن پاتەرگە كەلگەن. وندا ورتا جاستاعى بەس پەتروپاۆلدىق كەزدەسۋلەرىن اتاپ ءوتىپ جاتقان. وسىعان ۇقساس جاعداي ءبىر-ەكى كۇن بۇرىن ورىن العان، ءتورت جاس جىگىت ك.سۇتىشەۆ كوشەسىندەگى جالعا بەرىلەتىن پاتەردە سپيرتتىك ىشىمدىكپەن وتىرىس وتكىزۋ ءۇشىن باس قوسقان. تۇنگى ساعات 3-تە شاقىرۋ كەلىپ تۇسكەن...

«جانجالقويلار مەن شۋلى وتىرىستى جاقسى كورەتىندەر جۇمىستان شارشاپ كەلگەن ادامداردىڭ، بالالار مەن زەينەتكەرلەردىڭ جايىن ويلامايدى، ولاردىڭ ۇيىقتاپ، تىنىعۋلارىنا كەدەرگى كەلتىرەدى، — دەيدى سقو پد جەرگىلىكتى پوليتسيا قىزمەتى باسقارماسىنىڭ اعا ينسپەكتورى، پوليتسيا مايورى دەنيس شەرستوبيتوۆ.

ەستە ساقتاعان ءجون: جۇمىس كۇندەرى ساعات 22-دەن تاڭعى 9-عا دەيىن، دەمالىس جانە مەرەكە كۇندەرى ساعات 23-تەن تاڭعى 10-عا دەيىن تىنىشتىقتى بۇزۋ، ونىڭ ىشىندە تۇرعىنجايدا جانە ونىڭ سىرتىندا شۇعىل قاجەتتىلىكپەن بايلانىسى جوق شۋ شىعاراتىن جۇمىستاردى جۇرگىزۋگە تىيىم سالىنادى. بۇزۋشى جەكە تۇلعالارعا – بەس ايلىق ەسەپتىك كورسەتكىش مولشەرىندە، زاڭدى تۇلعالارعا 20-دان 100 ايلىق ەسەپتىك كورسەتكىش مولشەرىندەگى ايىپپۇل سالىنادى. سونىمەن قاتار، ادامداردىڭ كوپ جينالۋى كارانتيندىك شەكتەۋلەردى بۇزۋ بولىپ تابىلادى.

جىل باسىنان بەرى وبلىس پوليتسەيلەرى «تىنىشتىقتى بۇزۋ» بويىنشا 2393 حاتتاما تولتىردى. ونىڭ 1996 فاكتىسى پەتروپاۆل قالاسىنا تيەسىلى.

سوڭعى جاڭالىقتار

دوللار ارزانداپ جاتىر

ەكونوميكا • بۇگىن، 11:37

قالادا قار بورايدى...

ايماقتار • بۇگىن، 10:47

ۇقساس جاڭالىقتار