قازاقستان • 04 جەلتوقسان، 2020

قازاقستان تۋىن قايدان ساتىپ الۋعا بولادى؟

74 رەت كورسەتىلدى

مەترولوگيا كوميتەتىنىڭ مونيتورينگىنە سايكەس، قازاقستاندا كوكتەمدە مەملەكەتتىك تۋدى جاساۋعا ليتسەنزياسى بار 57 كومپانيا بولعان. ۋاكىلەتتى ورگاندى تەكسەرگەننەن كەيىن قىزمەتكە رۇقسات تەك جارتىسىنا عانا قالدى. بۇل تۋرالى ورتالىق كوممۋنيكاتسيالار قىزمەتىندە وتكەن بريفينگتە مادەنيەت جانە سپورت ءمينيسترى اقتوتى رايىمقۇلوۆا مالىمدەدى.

«قر مەملەكەتتىك رامىزدەرى تۋرالى قر كونستيتۋتسيالىق زاڭىنىڭ 11-بابىنىڭ ءبىر تارماعىنا سايكەس ۇلتتىق ستاندارتتاردى ازىرلەۋ جانە بەكىتۋ، مەملەكەتتىك تۋ ەتالوندارىن ازىرلەۋ، مەملەكەتتىك تۋدى دايىنداۋدى ليتسەنزيالاۋ، سونداي-اق ۇلتتىق ستاندارتتار تالاپتارىنىڭ ساقتالۋىن باقىلاۋ يندۋستريا جانە ينفراقۇرىلىمدىق دامۋ مينيسترلىگىنىڭ قۇزىرەتىندە.

مەترولوگيا كوميتەتى جىل سايىن مونيتورينگ جۇرگىزەدى. 2020 جىلدىڭ ناۋرىز ايىنداعى جاعداي بويىنشا ءبىزدىڭ ەلىمىزدە مەملەكەتتىك تۋلار شىعارۋعا ليتسەنزياسى، قاجەتتى جابدىقتارى، نورماتيۆتىك اكتىلەرى بار 57 ۇيىم تىركەلگەن. وسى 57 ۇيىمنىڭ 24-ءى، وكىنىشكە وراي، مەملەكەتتىك جالاۋلار جاساۋ قۇقىعىن راستامادى، بۇگىندە 7 ۇيىم الىنىپ تاستالدى، ويتكەنى ولار وزدەرىنىڭ زاڭدى مەكەن-جايلارىن وزگەرتتى جانە ولاردىڭ جاعدايىن انىقتاۋ مۇمكىن بولمادى.

سوندىقتان، 26 ۇيىمنىڭ جالاۋلار شىعارۋعا قۇقىعى بار جانە، ارينە، ساتۋ پۋنكتتەرىندە وسى ۇيىمدارمەن جاسالعان شارتتارعا سايكەس مەملەكەتتىك تۋدى مەملەكەتتىك ۇلگىدە ساتىپ الۋعا بولادى دەپ سەنىممەن ايتا الامىز»،- دەپ اتاپ ءوتتى مادەنيەت ءمينيسترى. سونداي-اق، جالاۋشانى ءبىر رەت قولدانىلاتىن زاتتارعا قويۋعا بولمايتىنى ايتتى.

سوڭعى جاڭالىقتار

دوللار ارزانداپ جاتىر

ەكونوميكا • بۇگىن، 11:37

قالادا قار بورايدى...

ايماقتار • بۇگىن، 10:47

ۇقساس جاڭالىقتار