ايماقتار • 04 جەلتوقسان، 2020

شىمكەنتتە 30،7 ملرد تەڭگەنىڭ اۋىلشارۋاشىلىق ءونىمى وندىرىلگەن

4 رەت كورسەتىلدى

شىمكەنت قالاسىندا بۇگىندە اگروونىمدەردى قايتا وڭدەۋگە باسىمدىق بەرىلىپ وتىر. وسى جىلى اۋىل شارۋاشىلىعىندا جالپى قۇنى 7،6 ملرد تەڭگەنى قۇرايتىن 18 ينۆەستيتسيالىق جوبانى جۇزەگە اسىرۋ جوسپارلانىپ وتىر، دەپ حابارلايدى Egemen.kz

بۇل تۋرالى شىمكەنت قالاسىنىڭ اكىمى مۇرات ايتەنوۆ پرەزيدەنت جانىنداعى وكق الاڭىندا وتكەن ءباسپاسوز بريفينگتە باياندادى.

– قازىرگى تاڭدا 5،3 ملرد تەڭگەگە 10 جوبا ىسكە قوسىلدى. ناتيجەسىندە، 30،7 ملرد تەڭگەنىڭ اۋىلشارۋاشىلىق ءونىمى ءوندىرىلىپ، وتكەن جىلدىڭ ءتيىستى كەزەڭىمەن سالىستىرعاندا 2 پايىزعا ارتتى. سالاعا باعىتتالعان ينۆەستيتسيا كولەمى 7 ملرد تەڭگەنى قۇراپ، وتكەن جىلمەن سالىستىرعاندا 1،8 ەسەگە ارتىپ وتىر، – دەدى م.ايتەنوۆ.

سپيكەر مەملەكەت باسشىسى ءوز جولداۋىندا ەلىمىزدە قويما جانە كولىك ينفراقۇرىلىمىن دامىتۋدى تاپسىرعانىن جانە وسى باعىتتا شىمكەنت قالاسىندا 92 گەكتار جەرگە ساۋدا-لوگيستيكالىق ايماعى قۇرىلعانىن ايتىپ ءوتتى. مۇندا قازىر ەكى كومپانيا قىزمەت كورسەتۋدە. ودان بولەك، 3 لوگيستيكالىق جوبانىڭ قۇرىلىسى جۇرگىزىلىپ وتىر.

سوڭعى جاڭالىقتار

دوللار ارزانداپ جاتىر

ەكونوميكا • بۇگىن، 11:37

قالادا قار بورايدى...

ايماقتار • بۇگىن، 10:47

ۇقساس جاڭالىقتار