وسىعان بايلانىستى بۇرىنعىشا حقكو نەمەسە اكىمدىككە بارىپ قانا شەشىلەتىن قىزمەتتىڭ قازىر قولدانىلاتىن وتاندىق ءىت تەحنولوگيانىڭ كومەگىمەن دامۋى ايماقتا قانداي دەڭگەيدە ەكەنىن سۇراپ مەملەكەتتىك قىزمەت اگەنتتىگىنىڭ وبلىستاعى دەپارتامەنتىنىڭ باسشىسى ەلەنا ستەپانەنكو مەن وبلىستاعى كاسىپكەرلەر پالاتاسى توراعاسىنىڭ ورىنباسارى جەڭىس قازيەۆكە قايرىلعان ەدىك.
"حالىق بىزدەن كورسەتىلەتىن قىزمەتتىڭ جەدەل, ساپالى جانە ناتيجەلى بولۋىن كۇتەدى", دەپ باستادى ءوزىنىڭ ءسوزىن ە.ستەپانەنكو.
بۇگىنگى تاڭدا ءبىز حالىققا كورسەتىلەتىن 698 قىزمەتتىڭ 93 پايىزىن ەلەكتروندى فورماتتا جاساي الامىز. سونىمەن بىرگە قىزمەتتەرگە مونيتورينگتەر جاساۋ بارىسىندا مەمورگاندارعا قوسىمشا ۇسىنىستار دا جاساپ وتىرامىز. تەك بيىل عانا ءبىز مەملەكەتتىك ورگاندارعا قىزمەت كورسەتۋ بويىنشا 157 ۇسىنىس تۇسىردىك. قازىر ەgovmobile قوسىمشاسىنداعى 73 ءتۇرلى اسا قاجەتتى قىزمەتتەردى الۋعا بولادى. قىزمەت كورسەتۋ تۋرالى ءوتىنىشتى Facebook, ۆكونتاكتە, Telegram سەكىلدى الەۋمەتتىك جەلىلەر ارقىلى دا جىبەرۋگە بولادى. ەgovmobile ءموبيلدى قوسىمشاسىندا جەكە كۋالىكتىڭ, جۇرگىزۋشىلىك كۋالىكتىڭ, تۋ تۋرالى كۋالىكتىڭ جانە ت.ب. تسيفرلى قۇجاتتارى بار. بۇگىنگى تاڭدا سولتۇستىكقازاقستاندىقتار
بارلىق مەملەكەتتىك قىزمەتتىڭ 92,5% ەلەكتروندى فورمات تۇرىندە الىپ وتىر. حالىقتىڭ قىزمەتتى وسىلاي الۋعا دەگەن ىنتاسى زور.
ودان ءارى ە.ستەپانەنكو "ەلەكتروندى ۇكىمەت" پورتالىن قالاي قولدانۋدى تۇسىندىرەتىن نۇسقاما ازىرلەنىپ, ول الەۋمەتتىك جەلىلەرگە سالىنعانىن ايتتى.
"سونىمەن بىرگە Instagram-دا "e-gov بويىنشا مەملەكەتتىك قىزمەتتى قالاي الۋعا بولادى" دەگەن پاراقشا دا اشتىق. وعان اقپاراتتىق ماتەريالدار سالىندى. نۇسقامالاردى پيك-تەر جانە ۆولونتەرلەر ارقىلى دا تاراتۋدامىز. سونداي-اق تۇتىنۋشىلاردىڭ كوممۋنالدىق قىزمەتتەر جونىندەگى جەكە كابينەتتەرىنە دە قويدىق", دەپ ءسوزىن جالعادى دەپارتامەنت باسشىسى.
مەملەكەتتىك قىزمەتتەردى كورسەتۋدىڭ ساپاسى قالاي تەكسەرىلەدى دەگەن سۇراعىمىزعا ە.ستەپانەنكو حانىم سىرتقى جانە ىشكى مەملەكەتتىك باقىلاۋ جۇيەسى جۇمىس ىستەيتىنىن ايتتى. دەپارتامەنت سىرتقى باقىلاۋ مەن قىزمەت كورسەتۋشىلەردىڭ جۇمىسىن ساراپتاۋدى جۇيەلى تۇردە جۇرگىزىپ وتىرادى. بيىلعى باقىلاۋلار بارىسىندا بىرنەشە بۇزۋشىلىقتار انىقتالدى. ولار نەگىزىنەن قۇجاتتاردى الۋدىڭ مەملەكەتتىك ستاندارتتارعا سايكەس ەمەستىگى بولدى. سونىمەن قاتار قىزمەت كورسەتۋدىڭ مەرزىمى ساقتالمايتىندىعى دا كوپ كەزدەستى. ەگەر سالالار بويىنشا قاراستىرساق مۇنداي بۇزۋشىلىقتار كوبىنەسە ەڭبەك جانە حالىقتى الەۋمەتتىك قورعاۋ, جەر قاتىناستارى, ارحيتەكتۋرالىق-قالا قۇرىلىسى ىستەرىندە كوپ كەزدەستى. بۇزۋشىلىقتاردىڭ 99,4% جەرگىلىكتى اتقارۋشى ورگاندار تاراپىنان بولعان. كەيبىر مەملەكەتتىك ورگانداردىڭ باسشىلارى ءوز قىزمەتكەرلەرىنىڭ حالىقتان تالاپ ەتىلەتىن اقپاراتتىق جۇيەنىڭ قانداي بولۋى كەرەكتىگىن بىلمەيتىنىنە نازار اۋدارمايدى. ءبىز كەيبىر مامانداردىڭ حالىقتان تالاپ ەتىلۋگە ءتيىستى ەمەس جەكە كۋالىكتەرىنىڭ, تۋ تۋرالى كۋالىكتەرىنىڭ كوشىرمەسىن تالاپ ەتكەنىن كوردىك. كەيدە ءتىپتى كۇلكىلى جاعدايلارعا دا جول بەرىلىپ قالادى. مىسالى, ءبىر قىزمەتكەر باليعاتقا تولماعان سابيگە مەملەكەتتىك قىزمەت كورسەتكەن. مۇنداي قىزمەتتەر ونىڭ زاڭدى وكىلدەرى, ياعني نە اكەسىنە, نە اناسىنا كورسەتىلۋى كەرەك-ءتى... تاعى بىردە ءبىر جەر قۇرىلىسى كومپانياسىنىڭ قىزمەتكەرى جەردىڭ قانشالىقتى بوس ەكەندىگىن رۋلەتكامەن انىقتاعان. ناتيجەسىندە, ءبىر جەر ۋچاسكەسى ەكى ادامعا بەرىلىپ شىعا كەلگەن.
ءسوزىنىڭ قورىتىندىسىندا ەلەنا فەدوروۆنا دەپارتامەنتتىڭ ازاماتتاردىڭ قۇقىن قورعاۋ جولىندا ەڭبەك ەتەتىنىن ايتتى. ءتۇرلى بۇزۋشىلىقتار قىزمەت كورسەتۋشىلەردىڭ جۇمىسىنا ءتيىمدى باقىلاۋ بولماعاندىقتان بولادى. ءوز تاراپىمىزدان ءبىز جىبەرىلگەن بۇزۋشىلىقتاردى قالاي تۇزەتۋگە بولاتىندىعى تۋرالى تۇسىندىرمە جۇمىستارىن جۇرگىزەمىز. سونىمەن بىرگە مەملەكەتتىك قىزمەت كورسەتۋشىلەردىڭ ءتارتىپ بۇزعاندىعى نەمەسە قىزمەتتىڭ مەرزىمىن بۇزعاندىعى ءۇشىن جاۋاپكەرشىلىك تە جۇكتەلەدى. ماسەلەن, بيىل 326 مىڭ تەڭگەنىڭ ايىپپ ۇلى سالىنىپ, 10 اكىمشىلىك حاتتامالار تولتىرىلدى. سونىمەن بىرگە مەملەكەتتىك ورگاندار ءوز ىشتەرىندە دە باقىلاۋلار جۇرگىزىلەدى. دەپارتامەنت قىزمەتكەرلەرى وسىنداي 46 باقىلاۋعا ساراپشى رەتىندە قاتىستى. وسىنداي باقىلاۋلار مەن تۇسىندىرمە جۇمىستارىنىڭ ارتقاندىعىنىڭ ارقاسىندا بۇزۋشىلىقتار سانى 2 ەسەگە دەيىن ازايدى. ءسويتىپ ءبىز مەملەكەتتىك ورگاندارمەن بىرلەسە وتىرىپ "حالىق ۇنىنە قۇلاق اساتىن مەملەكەت" تۇجىرىمداماسىن جەرگىلىكتى جەردە جۇزەگە اسىرۋدامىز.
مەملەكەتتىك قىزمەت دەپارتامەنتىمەن كاسىپكەرلەر پالاتاسى اراسىنداعى ءوزارا ىنتىماقتاستىق تۋرالى ايتۋدى جەڭىس قازيەۆتەن وتىنگەنىمىزدە ول ءوزىنىڭ ەكى ۆەدومستۆو اراسىنداعى ىنتىماقتاستىق جونىندەگى جۇمىس توبىنىڭ توراعاسى ەكەنىن ايتتى.
"جۇمىس توبىنىڭ قۇرامىندا كاسىپكەرلەر, قوعامدىق ۇيىمداردىڭ وكىلدەرى بار. ءبىزدىڭ توبىمىزدىڭ ۇسىنىسى بويىنشا مەملەكەتتىك ورگاندار جۇمىستىڭ جاڭا فورماتىنا كوشۋدە. ماسەلەن, بارلىق اۋداندار مەن وبلىس ورتالىقتارىندا "اشىق اكىمدىكتەر" اشىلعان. ولاردىڭ ءبارى بىرلەسكەن 109 iKomekكە قسىلعان. قازىردىڭ وزىندە مۇندا "اگرو كومەك" اتتى قىزمەت كورسەتۋ جۇمىس ىستەيدى. وندا اۋىلشارۋاشىلىعى ماماندارى, ۆەتەرينارلىق باقىلاۋ قىزمەتكەرلەرى جانە ت.ب. ازاماتتارعا كونسۋلتاتيۆتىك كەڭەستەر بەرە الادى. وسىنىڭ ارقاسىندا ۇستىمىزدەگى جىلدىڭ 9 ايىندا اۋىلشارۋاشىلىعىنا بەرىلەتىن سۋبسيديالار 48,5 ملرد. تەڭگەگە دەيىن ارتتى. وبلىستاعى 165 شارۋاشىلىق ەگىستەرىنىڭ ەلەكتروندى كارتالارىن جاسادى, GPS ترەكەرلەر مەن ججم داتچيكتەرىن ورناتۋعا قول جەتكىزدى. بۇگىنگى تاڭدا بارلىق ەگىس دالاسى 100% تسيفرلاندىرىلدى. ال بۇل 4,9 ملن گا دەگەن ءسوز. وسىنىڭ ءوزى مەملەكەتتىڭ بيزنەستى بارىنشا قورعاپ وتىرعانىن كورسەتپەي مە؟ بۇرىن شارۋا ءبىر قۇجات الۋ ءۇشىن جۇمىسىن توقتاتىپ قويىپ مەمورگانداردىڭ ەسىگىن قاعىپ جۇرەتىن ەدى, قازىر وندايدىڭ ءبىرى دە جوق. ماعان مەملەكەتتىك ورگانداردىڭ كليەنتتەرىنە وڭ قارايتىندىعى ۇنايدى. جاقىن بولاشاقتا ءبىز مەملەكەتتىك قىزمەتتەر الۋ بويىنشا سينگاپۋر مەن كانادانىڭ دەڭگەيىنە جەتەرمىز دەگەن ۇمىتتەمىن", دەدى كاسىپكەرلەر پالاتاسى توراعاسىنىڭ ورىنباسارى جەڭىس قازيەۆ.
