وقيعا • 04 جەلتوقسان، 2020

پوليتسەي كولىگىن كورگەندە بالاشا قۋاندىم

394 رەت كورسەتىلدى

سولتۇستىكتىڭ قىتىمىر قىسىندا دالادا تۇرىپ قالعان ورال قالاسىنان جۇكپەن كەلگەن «Volvo» فۋراسىنىڭ جۇرگىزۋشىسى 47 جاستاعى سالاۋات (تەگى كورسەتىلمەگەن) سقو پوليتسياسىنا العىس ايتىپ، قوڭىراۋ شالعاندا وسىلاي دەگەن. "جەزقازعان-پەتروپاۆل" اۆتوجولىنىڭ نيكولاەۆكا اۋىلىنا جاقىن ماڭدا بەنزين ناسوسى ىستەن شىعىپ تۇرىپ قالعان وعان پپب قىزمەتكەرلەرى قۋاندىق توقباەۆ پەن باحتيار الپىسپاەۆ قانا كومەك بەرگەن، دەپ حابارلايدى Egemen.kz

"ولاردىڭ جاقىن جەردە بولعانى جاقسى بولدى. تۇندە جولدا تۇرۋ قاۋىپتى، ماشينا ۇلكەن، ەشنارسەگە سەنىمدى بولا المايسىز، ال ولاردىڭ «جىپىلىقتاعان شامدارىمەن" وزىڭە سەنىمدى بولاسىڭ"، دەيدى سالاۋات. پوليتسيالاردىڭ كومەگىمەن تۇنگى 2-لەر شاماسىندا عانا ونىڭ كولىگى وت العان.

ال كەلەسى اۋىسىمعا كەلگەن مەيرام قازيەۆ پەن ناراسان ءامىرجانوۆتىڭ ەكيپاجى جارقىلداۋىق ماياگىن قوسىپ، فۋرانى نيكولاەۆكا اۋلىنا دەيىن جەتكىزگەن. وندا جۇرگىزۋشىگە جوندەۋ جۇمىستارىن جۇرگىزۋگە قولايلى جاعداي جاسالعان.

"27 جىلدان بەرى كولىك جۇرگىزگەندە پوليتسەي كولىگىن كورگەندە العاش رەت بالاشا قۋاندىم"، دەيدى سالاۋات.

سوڭعى جاڭالىقتار

دوللار ارزانداپ جاتىر

ەكونوميكا • بۇگىن، 11:37

ۇقساس جاڭالىقتار