قازاقستان • 04 جەلتوقسان، 2020

ساپارحان وماروۆ تۇركيانىڭ ءىرى اگرارلىق كومپانيا دەلەگاتسياسىن قابىلدادى

9 رەت كورسەتىلدى

قر اۋىل شارۋاشىلىعى ءمينيسترى ساپارحان وماروۆتىڭ شاقىرۋىمەن Dervisoglu Group كومپانياسىنىڭ يەسى جانە باسشىسى قازاقستانعا ارنايى كەلدى. ساپار اياسىندا تۇرىك كومپانياسىنىڭ وكىلدەرى قازاقستاندىق فەرمەرلەرمەن كەزدەسىپ، كەلىسسوزدەر وتكىزەدى، دەپ حابارلايدى قر اشم ءباسپاسوز قىزمەتى

بۇرىن حابارلانعانداي، اعىمداعى جىلدىڭ قازان ايىندا اۋىل شارۋاشىلىعى ءمينيسترى تۇركيانىڭ ءىرى اگروونەركاسىپتىك كاسىپورىندارىنىڭ باسشىلارىمەن بىرقاتار كەزدەسۋلەر وتكىزىپ، قازاقستاننىڭ اۋىل شارۋاشىلىعىنىڭ دامۋى جانە اوك-ءنىڭ وندىرىستىك الەۋەتى تۋرالى بايانداپ، سونداي-اق ەلدىڭ اگروسەكتورىنا بەلسەندى ينۆەستيتسيا سالۋعا شاقىرعان ەدى. ساپارحان وماروۆ وتاندىق فەرمەرلەرمەن ىنتىماقتاستىقتى ورناتۋعا كەپىلدىك بەرگەن بولاتىن.

قر اشم باسشىسىنىڭ ۇسىنىسىن بىرقاتار كومپانيالار (تولىعىراق وسىندا جانە وسى جەردە)، سونىڭ ىشىندە ىستامبۇل ونەركاسىپ پالاتاسىنىڭ ۇزدىك 500 كاسىپورنىنىڭ ىشىندەگى ەكىنشى ورىندا تۇرعان جانە اقش-قا ورگانيكالىق ءونىمدى وسىرۋگە، قايتا وڭدەۋگە جانە ەكسپورتتاۋعا ماماندانعان Dervisoglu Group كومپانياسى قابىل الدى.

جىلدىق اينالىمى 285 ميلليون اقش دوللارىن قۇرايتىن Dervisoglu Group كومپانياسى قازاقستانمەن ورگانيكالىق ەگىنشىلىك سالاسىنداعى ىنتىماقتاستىقتى نىعايتۋ، سونىڭ ىشىندە مايلى جانە ءداندى داقىلداردى وڭدەۋ جانە بۋىپ-ءتۇيۋ ءوندىرىسىن قۇرۋعا قىزىعۋشىلىق تانىتتى. وتكەن كەزدەسۋ بارىسىندا تاراپتار جاقىن ارادا قازاقستانعا ساپارمەن كەلۋگە كەلىسكەن بولاتىن.

بۇگىن مينيستر ساپارحان وماروۆ نۇر-سۇلتان قالاسىندا Dervisoglu Group دەلەگاتسياسىن قابىلدادى. اۋىل شارۋاشىلىعى مينيسترلىگىندەگى كەزدەسۋدەن كەيىن كومپانيانىڭ اكتسيونەرى سايت دەرۆيشوگلۋ مەن تەحنيكالىق ديرەكتور مەحمەت بۋچاك ورگانيكالىق اۋىل شارۋاشىلىعى ونىمدەرىن وسىرۋمەن اينالىساتىن قازاقستاندىق فەرمەرلەرمەن كەلىسسوزدەر جۇرگىزەدى. سونداي-اق، تۇرىك كومپانياسى اقش نارىعىنا قازاقستاندىق ءونىمدى ەكسپورتتاۋ ءۇشىن امەريكاندىق Nور سەرتيفيكاتىن الۋ مۇمكىندىگىن تالقىلاۋعا نيەتتى.

سوڭعى جاڭالىقتار

دوللار ارزانداپ جاتىر

ەكونوميكا • بۇگىن، 11:37

قالادا قار بورايدى...

ايماقتار • بۇگىن، 10:47

ۇقساس جاڭالىقتار