كينو • 04 جەلتوقسان، 2020

قولداۋعا قولى جەتكەن فيلمدەر

31 رەت كورسەتىلدى

ۇلتتىق كينونى قولداۋ مەملەكەتتىك ورتالىعىنىڭ ءباسپاسوز قىزمەتى ەكىنشى پيتچينگتىڭ قورىتىندىسى بويىنشا وندىرىسكە جولداما العان كوممەرتسيالىق فيلمدەرمەن تانىستىردى.

اتاپ ايتقاندا، كەلەر جىلى دەبيۋتتىك، انيماتسيالىق، قىسقا مەترلى، اۆتورلىق كارتينالار مەن كوممەرتسيالىق الەۋەتى جو­­عارى بىرقاتار جوبا فيلم­گە اينالىپ، كورەرمەنگە جول تارتپاق.

بولاشاق وتاندىق بلوك­باستەرلەردىڭ تىزبەگىن قازاق­ستاندىق ەڭ تابىستى رەجيس­سەرلەردىڭ ءبىرى اسقار بيسەم­بين باستايدى. ول كينو ورتا­لىعىمەن سەرىكتەستىك ورناتا وتىرىپ، «بيلەت يز رايا» كو­مە­ديالىق مەلودراماسىن جا­رىققا شىعارماقشى. اۆتور بۇل جو­بانىڭ پايدا بولۋىنا ءوز قىزى كاميللانىڭ سۇراعى سەبەپ بول­عانىن اتاپ وتكەن. «اكەڭىز ءتىرى بولعاندا ونىمەن قانداي سىرىڭىزدى بولىسەر ەدىڭىز؟»، دەگەن ساۋال ونى ويلاندىرىپ تاستايدى.

ليريكاعا تولى تاعى ءبىر كينو – اسقار ۇزاباەۆتىڭ «ادام جانە الما» مەلودراماسى بولماق.

باس كەيىپكەر ادام قارى­زىن وتەۋ ءۇشىن جەر ساتۋ تۋرالى شەشىم قابىلدايدى. سول شە­شىمىمەن اكەسىنىڭ 30 جىل بويى كۇتىپ-باپتاعان ال­ما ب­اعىنىڭ تاعدىرىن ءبىر سا­عات­تىڭ ىشىندە كۇل-تالقان قى­لادى. جەردى ساتىپ الۋشى – ءىرى قۇرىلىس كومپانيا­سى باق­تى ساقتاپ قالعىسى كەل­مەيدى. ونىڭ ورنىنا شيپاجاي سالۋ نيەتىمەن باقتى شا­ۋىپ تاس­تايدى. اتاقتى ال­ماتى ال­ما­­لارىنىڭ تاريحىنان اقشا قىم­­باتىراق بولىپ شىعادى. سەلەكتسيونەرلەردىڭ كوپجىلدىق ەڭبەگى باقشا قىز­مەتكەرلەرىنەن باسقا ەش­كىمگە كەرەك ەمەس ەكەن. بىراق ولار جەر يەسىنە قار­سى كەلە المايدى. وسى كەزدە كەيىپكەردىڭ باستى ترانسفورماتسياسى ورىن الادى. ادام ءوز اكەسىنىڭ ءىسىن تۇبەگەيلى جويىپ جىبەرە جازداعانىن ءتۇسىنىپ، جاڭا باق سالىپ، بىرەگەي الما سۇرىبىن ءوسىرۋدى قولعا الدى. كارتينانىڭ ءتۇسىرىلىمى الماتى وبلىسىندا وتەدى، ال باستى رولدەردى بەرىك ايتجانوۆ پەن الميرا تۇرسىن سومدايدى.

رەجيسسەر ايدىن ساما­حان­نىڭ «دوس-مۇقاسان» ءفيلمى دە كورەرمەن قىزىعۋشىلىعىن تۋدىراتىنى ءسوزسىز. ويتكەنى اندەرى ۇرپاقتان-ۇرپاققا جەتكەن ەل تاريحىنداعى ەڭ تانى­مال مۋزىكالىق ۇجىمنىڭ قا­لىپ­تاسۋى جايلى باياندايتىن فيلم­دە ميۋزيكل ەلەمەنتتەرى بار.

قويۋشى-رەجيسسەر بيوگرا­فيالىق كينونى وزگەشە تاسىل­مەن ءتۇسىرۋدى جانە «دوس-مۇقا­ساننىڭ» قاھارماندارىن كار­تينانىڭ سيۋجەتىنە شەبەرلىكپەن ۇيلەس­تىرەمىن دەپ ۋادە ەتكەن.

سوڭعى جاڭالىقتار

دوللار ارزانداپ جاتىر

ەكونوميكا • بۇگىن، 11:37

قالادا قار بورايدى...

ايماقتار • بۇگىن، 10:47

ۇقساس جاڭالىقتار