بايقاۋعا قاتىسۋ ءۇشىن باق-تان بارلىعى 116 ءوتىنىم كەلىپ ءتۇستى. تاۋەلسىز ساراپتاما كوميسسياسى تالداۋ قورىتىندىسى بويىنشا ۇزدىك جۇمىستاردىڭ 22 اۆتورىن ماراپاتتادى. وسى ءراسىمى بارىسىندا الماتى قالاسى اكىمىنىڭ ورىنباسارى ەرجان باباقۇماروۆ جۋرناليستەر جۇمىسىنىڭ ماڭىزدىلىعىن اتاپ ءوتىپ, مەگاپوليس اكىمشىلىگىنىڭ كوروناۆيرۋستىق پاندەميامەن كۇرەستە قابىلداعان شارالارىنا ەرەكشە نازار اۋدارعانى ءۇشىن زور العىس ءبىلدىردى.
– بۇگىن كۇنى باق-تىڭ اتقاراتىن ءرولى ايرىقشا. سىزدەر قاجىرلى ەڭبەكتەرىڭىز بەن بەلسەندى ۇستانىمدارىڭىز ارقىلى قالا تۇرعىندارىنا الماتىلىق ىنتىماقتاستىقتىڭ قۇندىلىقتارىن ءتۇسىندىرىپ, جەكە وزدەرىن قورعاۋ مەن قوعامدىق دەنساۋلىق دەڭگەيىن ارتتىرۋعا ايتارلىقتاي ىقپال ەتتىڭىزدەر. قالا تۇرعىندارىنىڭ پاندەميانى قالاي قابىلدايتىنى, ەپيدەميالىق تالاپتاردى ساقتاۋعا قانشالىقتى سابىرلى ءارى جاۋاپكەرشىلىكپەن قارايتىنى سىزدەرمەن بىرلەسكەن جۇمىسىمىزعا تىكەلەي بايلانىستى بولدى. سىزدەردىڭ ارقايسىڭىز قالا ءومىرىنىڭ الەۋمەتتىك ماڭىزدى ماسەلەلەرى تۋرالى اقپاراتتى باق-تا دەر كەزىندە جاريالاپ, پاندەمياعا قارسى ورتاق كۇرەسكە قوماقتى ۇلەس قوستىڭىزدار – دەپ اتاپ ءوتتى ە.باباقۇماروۆ.
ايتا كەتۋ كەرەك, جىل باسىنان بەرى الماتى اكىمدىگى 330 ءباسپاسوز كونفەرەنتسيالارىن, بريفينگتەر مەن باسقا دا ءىس-شارالاردى وتكىزدى, ولاردىڭ بارىسىندا سپيكەرلەر باق-نىڭ 3000 سۇراعىنا جاۋاپ بەردى. الماتىنىڭ اقپاراتتىق كەڭىستىگىندە بارلىعى 23 مىڭنان استام ماتەريال جاريالاندى, ەفيرگە 1500-گە جۋىق تەلەسيۋجەت شىقتى. ايتا كەتەرلىگى, 17 مىڭ ماتەريال كوروناۆيرۋستىق ينفەكتسيانىڭ تارالۋىنا جول بەرمەۋ شارالارىنا ارنالدى.
تاۋەلسىز بايقاۋ كوميسسياسىنىڭ مۇشەلەرى باق وكىلدەرى اتقارعان جۇمىستاردىڭ بارىنشا ماڭىزدى ءارى وتە كۇردەلى ەكەنىن ەرەكشە اتاپ ءوتتى.
– بۇگىن تاۋەلسىزدىك كۇنى قارساڭىندا ايتۋلى وقيعا ورىن الۋدا. ءبىز جۋرناليستيكانىڭ باستى قاعيداتتارى بولىپ تابىلاتىن ادىلدىك پەن اشىقتىقتى قايتا جاڭعىرتۋدمىز. تاۋەلسىز قازاقستاننىڭ جۋرناليستەرى ەلىمىزدىڭ دامۋىنا وراسان ۇلەس قوسۋدا. ال, الماتى – تاۋەلسىزدىگىمىزدىڭ التىن بەسىگى. قازاقستان جۋرناليستەرىن وسىناۋ ارۋ قالادا ءبىلىم الدى, شىڭدالدى, جۋرناليستيكانىڭ قىر-سىرىن مەڭگەردى. جۋرناليستەر قاۋىمى دامۋ ۇستىندە, بۇگىنگى ءومىر تالاپتارىنا ساي الەۋمەتتىك جەلىلەر, بلوگەرلەر پايدا بولۋدا, – - دەيد پروفەسسور, ت.ع.د., اكادەميك, جۋرناليستيكا اكادەمياسىنىڭ پرەزيدەنتى ساعىمباي قوزىباەۆ.
بايقاۋ كوميسسياسىنىڭ قۇرامىنا قوعامدىق جانە ازاماتتىق قايراتكەر, الماتى قالاسى قوعامدىق كەڭەسىنىڭ مۇشەسى سەرگەي پونومارەۆ, «تۇران» ۋنيۆەرسيتەتى جۋرناليستيكا كافەدراسىنىڭ دوتسەنتى, «مادەنيەت قايراتكەرى» يەگەرى, قر جۋرناليستەر وداعى سىيلىعىنىڭ لاۋرەاتى, دوستاستىق ەلدەرى حالىقارالىق سىيلىعىنىڭ لاۋرەاتى ساۋلە تاستۇلەكوۆا, جۋرناليست, كوپشىلىك الدىندا ءسوز سويلەۋ جانە شەشەندىك شەبەرلىك ترەنينگتەرىنىڭ اۆتورى, جۋرناليستەر وداعى سىيلىعىنىڭ لاۋرەاتى, بلوگەر پولينا شيمانسكايا, «PR-شى» كلۋبىنىڭ ۆيتسە-پرەزيدەنتى ايبار ولجاەۆ, MediaNetwork Kazakhstan اتقارۋشى ديرەكتورى, مەديا ترەنەر باقتىگۇل بۋرباەۆا جانە تاعى باسقالارى كىردى.
جەڭىمپازدار مىنا اتالىمدار بويىنشا انىقتالدى:
ۇزدىك سيۋجەت
- لاۋرا بيعاليەۆا, «31 ارنا» – «الماتىدا جاڭا 300 ورىندىق بالالار اۋرۋحاناسى اشىلدى»;
رامينا ميرزاليموۆا, «الماتى» تەلەارناسى - «وستوروجنو, كوروناۆيرۋس! جۋرناليستى پوپالي ۆ «گريازنۋيۋ» زونۋ ينفەكتسيوننوي بولنيتسى الماتى».
ۇزدىك جاڭالىقتار
- ءامىربولات قۇسايىن, «Azattyq Rýhy» – «كارىلىك تە, مۇگەدەكتىك تە كاسىپ اشۋعا كەدەرگى ەمەس»;
يننا بۋگاەۆا, «inAlmaty.kz» – «ۆ گوراح الماتى ناچالي وپوروجنيات سەلەوپاسنىە وزەرا».
ۇزدىك سۇحبات
- ايناش ەسالى, «Egemen Qazaqstan» – «الماتى – «جاسىل» جانە «سارى» ايماقتار اراسىندا»;
سەرىكجان ماۋلەتباي, «Informburo.kz» – «كاك بۋدۋت ۆوسستاناۆليۆات ەكونوميكۋ الماتى؟ گلاۆنوە يز ينتەرۆيۋ باكىتجانا ساگينتاەۆا».
ۇزدىك اناليتيكالىق ماقالا
- توقتار جاقاش, «جاس الاش» – «الماتىنىڭ ماسەلەسىن شەشۋگە اكىم ساعىنتاەۆتىڭ ءالى جەتە مە؟»;
ايگەرىم ءابىلمىجىتوۆا, «Tengrinews.kz» – «يح نەلزيا سراۆنيۆات, نو وچەن حوچەتسيا: الماتى ي نۋر-سۋلتان».
ۇزدىك دەرەكتى ماتەريال»
- گۇلنار تاجيەۆا, «Aiqyn» – «جاتاقحانالارعا مونيتورينگ جاسالدى»;
ولگا تونكونوگ-دارىباەۆا, «Sputnik كازاحستان» – «ۆسە زۆەزدى كينو ۆ الما-اتە. كاك جيل «گولليۆۋد نا گرانيتسە كيتايا» ۆ ۆوەننىە گودى».
ۇزدىك فوتورەپورتاج
- سارسەنبەك قىزايبەك ۇلى, «Nege.kz» – «فوتورەپورتاج. حالىق دايىن با؟»;
پەتر كارانداشوۆ, «Nur.kz» – «كاك ۆىگلياديت ۆوزنەسەنسكي سوبور پوسلە ترەحلەتنەي رەستاۆراتسي ۆ الماتى».
«الەۋمەتتىك جەلىلەردەگى ۇزدىك جاريالانىم
- قايىم-مۇنار تابەەۆ, «Almaty aqshamy» – «الماتىنىڭ ايشىقتى قادامدارى».
ارنايى نوميناتسيا — «قالانىڭ COVID-19-عا قارسى كۇرەسى تۋرالى ۇزدىك ماتەريالى
- الماس سادۋاقاس, «حابار 24» ارناسى – «وتاندىق عالىمدار كوروناۆيرۋسقا قارسى ءۇشىنشى بالامالى ۆاكتسينانى جاسادى»;
ليۋدميلا ماكارەنكو, «كازاحستانسكايا پراۆدا» – «كارتينا ۆ دني كارانتينا».
سونىمەن قاتار ارنايى سىيلىقتارمەن الماتى قالاسىن دامىتۋ تاقىرىبىن جاريالاۋعا بەلسەندى قاتىسقانى ءۇشىن البەرت احمەتوۆ («Zakon.kz»), دانيار داۋتاليەۆ («كازينفورم»), ماريام بيجيكەەۆا («Kapital.kz», ەكاتەرينا تيحونوۆا («ۆرەميا»), گۇلۆيرا بيعاليەۆا («كۋرسيۆ»), بەكزادا يشەكەنوۆا («LS Aqparat») جانە يۋليا ابراموۆا, («NUR.kz») سىندى بىرقاتار جۋرناليستەردىڭ قوسقان ۇلەسى ەسكەرىلدى.
