ميسسيالارعا قاتىسقان اسكەري قىزمەتشىلەر مەن پوليتسەيلەردىڭ جالپى سانى – 250 مىڭنان استام ادام.
بۇدان باسقا, بىتىمگەرشىلىك قىزمەت اۋقىمىنداعى ىنتىماقتاستىق ءۇندىستاننان باسقا ەلدەرمەن دە بەلسەندى دامۋدا. وسىنداي ءوزارا ءىس-قيمىلدىڭ جاعىمدى ۇلگىسىنىڭ ءبىرى رەتىندە ءۇندىستان مەن قازاقستاننىڭ ىنتىماقتاستىعىن اتاپ وتۋگە بولادى. وسىلايشا, ءۇندىستان ازيا مەن بۇۇ-نىڭ تاريحىندا ءوزىنىڭ بىتىمگەرشىلىك كونتينگەنتىنىڭ قۇرامىنا باسقا ەلدىڭ بولىمشەلەرىن قابىلداۋعا كەلىسكەن العاشقى ەل بولدى.
اتاپ ايتقاندا, 2018 جىلعى تامىزدا قازاقستان مەن ءۇندىستان اراسىنداعى بىرىككەن ۇلتتار ۇيىمىنىڭ ليۆانداعى ۋاقىتشا كۇشتەرىندەگى (United Nations Interim Force In Lebanon-UNIFIL) ۇندىستاندىق باتالون قۇرامىندا قازاقستاندىق بىتىمگەرشىلىك كونتينگەنتتى بىرلەسىپ ورىستەتۋ تۋرالى مەموراندۋمعا قول قويدى.
2018 جىلدىڭ قازانىنان باستاپ قازاقستاندىق بىتىمگەرشىلىك روتا بۇۇ-نىڭ ليۆانداعى ۋاقىتشا كۇشتەرىندەگى ء"ۇندبات" ءۇندى باتالونىنىڭ قۇرامىنا كىردى. قازاقستاندىق بىتىمگەرشىلەر باعىتىنىڭ نەگىزگى ماقساتى ءۇندىستان رەسپۋبليكاسىنىڭ بىتىمگەرشىلىك تاجىريبەسىن زەردەلەۋ جانە سونداي-اق ونى بىتىمگەرشىلىك ميسسيالاردا قولدانۋ بولىپ تابىلادى.
كۇن سايىن ءۇندى جانە قازاقستاندىق بىتىمگەرلەر كەمىندە 50 مىندەتتى بىرلەسىپ ورىندايدى, ولاردىڭ ىشىندە: جەرگىلىكتى جەردى پاترۋلدەۋ, حالىققا كومەك كورسەتۋ, باقىلاۋ بەكەتتەرىن ۇيىمداستىرۋ جانە ميسسيا شتابىنىڭ باسقا دا ءىس-شارالارىنا قاتىسۋ. سونداي-اق اسكەري قىزمەتشىلەر ءوز ەلدەرىنىڭ مادەنيەتىمەن, داستۇرلەرىمەن جانە تۇرمىسىمەن تانىساتىن بىرلەسكەن مادەني ءىس-شارالار وتكىزەدى.
بۇۇ-نىڭ ليۆانداعى ميسسياسىنىڭ قولباسشىلىعى كواليتسيالىق وپەراتسيالاردى جۇرگىزۋدىڭ ناقتى ۇرىس جاعدايلارىندا كوپۇلتتى كۇشتەر قۇرامىندا ءوزارا ءىس-قيمىلدىڭ بىرەگەي تاجىريبەسىنە يە بولعان ۇندىستاندىق جانە قازاقستاندىق بىتىمگەرلەردىڭ كاسىبي دەڭگەيىن جوعارى باعالايدى.
بىتىمگەرشىلىك ميسسيالارعا قاتىسۋعا دايىندىق اياسىندا قازاقستاندىق اسكەري قىزمەتشىلەر شەتەلدىك نۇسقاۋشىلاردىڭ, ونىڭ ىشىندە ءۇندى بىتىمگەرلەرىنىڭ باسشىلىعىمەن بۇۇ-نىڭ نيۋ-دەليدەگى دايىندىق ورتالىعىندا جانە الماتى قالاسىنداعى "بەيبىتشىلىك جولىنداعى سەرىكتەستىك" وقۋ ورتالىعىندا (كازتسەنت) وقۋدان ءوتىپ, بۇۇ-نىڭ سەرتيفيكاتىن الاتىنىن ايتا كەتكەن ءجون.
ليۆاندا بىتىمگەرشىلىك قىزمەتتى جۇزەگە اسىرۋ كەزىندە قازاقستاندىق بىتىمگەرلەر العان تاجىريبەسىن, جوعارى جاۋىنگەرلىك ماشىعى مەن كاسىبيلىگىن كورسەتكەنى ايتىلادى.
قازىرگى ۋاقىتتا تاراپتار قازاقستاندىق بىتىمگەرشىلىك كونتينگەنتىنىڭ UNIFIL-دە ءۇندى بىتىمگەرشىلىك باتالونىنىڭ قۇرامىندا بولۋ مەرزىمىن ۇزارتۋ تۋرالى ماسەلە شەشىلۋدە.
Political events جۋرنالى, ءۇندىستان.
