ايماقتار • 03 جەلتوقسان، 2020

قىزىلوردادا زاۋىتتان قىمبات ۆولفرام قۇرىلعىلارىن ۇرلاعان ازامات سوتتالدى

119 رەت كورسەتىلدى

قىزىلوردا وبلىسىنىڭ تۇرعىنى سوت ۇكىمىمەن بوتەننىڭ مۇلكىن ءىرى مولشەردە ۇرلاعانى ءۇشىن كىنالى دەپ تانىلىپ، وعان 3 جىل باس بوستاندىعىن شەكتەۋ جازاسى تاعايىندالدى، دەپ حابارلايدى Egemen.kz.

ول وتكەن جىلدىڭ تامىز ايىندا قىزىلوردا قالاسىنداعى زاۋىتتاردىڭ بىرىنەن جالپى قۇنى 3 ملن 100 مىڭ تەڭگە  تۇراتىن 11 دانا  ۆولفرام  وزەكتەرىن ۇرلاپ، وقيعا بولعان جەردەن ءىزىن سۋىتقان.

بۇل دەرەك بويىنشا قازاقستان رەسپۋبليكاسى قىلمىستىق كودەكسىنىڭ               188-بابىنىڭ 3-بولىگى 1-تارماعىمەن   سوتقا دەيىنگى تەرگەپ-تەكسەرۋ امالدارى جۇرگىزىلدى.

پوليتسيا قىزمەتكەرلەرى جۇرگىزگەن جەدەل-ىزدەستىرۋ جۇمىستارىنىڭ ناتيجەسىندە انىقتالعان كۇدىكتى سوتقا دەيىنگى تەرگەپ-تەكسەرۋ كەزىندە جاساعان قىلمىستىق ارەكەتىن  مويىنداماعان. دەگەنمەن قىزىلوردا قالالىق پوليتسيا باسقارماسىنىڭ اعا تەرگەۋشىسى پوليتسيا  اعا لەيتەنانتى نۇرجان ومىرزاقتىڭ كاسىبي بىلىكتىلىگى مەن تاعايىندالعان سوت-ساراپتامالارىنىڭ قورىتىندىلارى كۇدىكتىنىڭ قىلمىستىق ءىس-ارەكەتىن تولىعىمەن دالەلدەدى.

وسىلايشا، قىمبات ۆولفرام وزەكتەرىن ۇرلاعان كۇدىكتى زاڭعا سايكەس جازاسىن الدى.  

سوڭعى جاڭالىقتار

جىلجىمالى زەرتحانالار جولعا شىقتى

مەديتسينا • بۇگىن، 21:25

بيىل 200 جاڭا مەكتەپ سالىنادى

ءبىلىم • بۇگىن، 14:47

ۇقساس جاڭالىقتار