قوعام • 03 جەلتوقسان، 2020

سەناتور: ۆەتەريناريا – جەمقورلىق جايلاعان سالالاردىڭ ءبىرى

48 رەت كورسەتىلدى

سەناتور اقىلبەك كۇرىشباەۆ ۆەتەريناريا جۇيەسىنىڭ جاي-كۇيى ناشارلاعانىن ايتتى. ۇكىمەت باسشىسىنا جولداعان ساۋالىندا دەپۋتات مۇنىڭ سەبەبى  كەزىندەگى ءبىرتۇتاس ۆەتەريناريا جۇيەسىنىڭ ءبولىنۋى جانە قاداعالاۋ فۋنكتسياسىنىڭ السىرەۋى دەپ ءتۇسىندىردى، دەپ حابارلايدى Egemen.kz.

اقىلبەك كۇرىشباەۆ ء«تيىمسىز رەفورمانىڭ سوڭى نەگە الىپ كەلگەنىن ءبىزدىڭ جاعدايىمىزعا بەيىمدەلمەگەن مالدى جاپپاي يمپورتتاپ، ونىمەن بىرگە بۇرىن بىزدە بولماعان كوپتەگەن ەكزوتيكالىق جۇقپالى اۋرۋلاردى تاراتۋعا سەپ بولعان «ەتتى مال شارۋاشىلىعىنىڭ ەكسپورتتىق الەۋەتىن ارتتىرۋ» جوباسىنىڭ مىسالىنان كورۋگە بولادى. وسى ۋاقىتقا دەيىن قوعامدا يمپورتتالعان مالدىڭ قالاي بەيىمدەلگەنى تۋرالى، ولاردىڭ قانشاسى اۋرۋ بولىپ شىققانى، قانشاسىنىڭ جويىلعانى، قانداي اۋرۋ تۇرلەرىن اكەلگەنى جانە قانداي اۋقىمدا تارالعانى جونىندە اقپاراتتار بەرىلگەن جوق»، - دەدى.

سەنات دەپۋتاتىنىڭ ايتۋى بويىنشا اسا قاۋىپتى اۋرۋلاردىڭ تارالۋ فاكتىلەرىن جاسىرۋ جاپپاي ەتەك الىپ، كۇردەلى ماسەلەگە اينالدى، ال بۇل ەپيزووتيالىق جاعدايدى ناقتى باعالاماۋدان جانە ۆەتەريناريالىق ءىس-شارالاردى دۇرىس جوسپارلاماۋدان تۋىنداعان كەلەڭسىز جاعدايلاردىڭ باستى سەبەبى بولدى.

«جۋىرداعى جوعارى پاتوگەندى قۇس تۇماۋىنىڭ ءورشۋى ۆەتەريناريا سالاسىنىڭ قاۋقارسىزدىعىن ايقىن كورسەتتى، ونىڭ ناتيجەسىندە قۇس شارۋاشىلىعى ونەركاسىبىنىڭ بىرقاتار كاسىپورىندارى جىلدار بويى وسىرگەن قۇس باسىنان ايىرىلدى، وعان قوسا قازىرگى ەكونوميكالىق داعدارىس جاعدايىندا رەسپۋبليكالىق بيۋدجەتتەن 3،7 ملرد. تەڭگە مولشەرىندە وتەماقى تولەۋگە ءماجبۇر بولىپ وتىرمىز»، - دەدى سەناتور.

سەنات دەپۋتاتى ۆەتەريناريا جۇيەسىنىڭ ەلدەگى جەمقورلىق جايلاعان سالالاردىڭ بىرىنە اينالعانىنا الاڭداۋشىلىق ءبىلدىردى. مۇنىڭ سەبەبى – جالاقىنىڭ ماردىمسىز دەڭگەيى (مال دارىگەرىنىڭ ورتاشا ايلىق جالاقىسى 80-100 مىڭ تەڭگە شەگىندە)، زياندى ەڭبەك جاعدايلارى ءۇشىن ۇستەمەاقىنىڭ بولماۋى، ماتەريالدىق-تەحنيكالىق بازانىڭ ارتتا قالۋى. ال اۋىل شارۋاشىلىعى جانۋارلارىن يدەنتيفيكاتسيالاۋ جانە ەسەپكە الۋ جۇيەسىندە، ولارعا قاتىستى بىرىڭعاي اقپاراتتار دەرەكقورىن قالىپتاستىرۋدا تسيفرلىق تەحنولوگيالاردىڭ ءتيىستى دەڭگەيدە ەنگىزىلمەۋى – مال دارىگەرلەرىنە سۋبسيديالاردى زاڭسىز الۋ ماقساتىندا شارۋاشىلىق سۋبەكتىلەرىنىڭ جانۋارلارى تۋرالى اقپاراتتى تۇزەتۋگە جول بەرىپ وتىر.

«سىبايلاس جەمقورلىق ۆەتەرينارلىق پرەپاراتتاردى مەملەكەتتىك ساتىپ الۋ جۇيەسىن دە تەرەڭ جايلاپ كەتتى، بۇل – سالانىڭ ساپاسىز ۆاكتسينالار مەن دياگنوستيكۋمدارمەن جابدىقتالۋىنا سەبەپ بولدى. ۆەتەرينارلىق قىزمەتتىڭ نەگىزگى تۇرلەرىندە مەملەكەتتىك مونوپوليانىڭ باسىم بولۋى جانە جەرگىلىكتى جەرلەردە كادرلاردىڭ تاپشىلىعى ۆەتەريناريا سالاسىنا جەكە كاپيتالدىڭ كەلۋىن ءىس جۇزىندە توقتاتىپ تاستادى»، - دەدى اقىلبەك كۇرىشباەۆ.

سەناتور ۆەتەريناريالىق ينسپەكتورلاردىڭ جالاقىسىن كوبەيتۋمەن قاتار، ەڭبەكتىڭ زياندى جاعدايلارى ءۇشىن، ولاردىڭ اسا قاۋىپتى اۋرۋلاردى جۇقتىرۋ قاتەرىنىڭ بولۋىن ەسكەرە وتىرىپ، ۇستەمەاقى تولەۋدى كوزدەۋ قاجەت ەكەنىن ايتتى. اقىلبەك كۇرىشباەۆ ۆەتەريناريا جانە جانۋارلاردى ەسەپكە الۋ جۇيەسىنە قازىرگى زامانعى تسيفرلىق تەحنولوگيالاردى ەنگىزۋدى جەدەلدەتۋ، جوعارى وقۋ ورىندارىندا ۆەتەريناريا ماماندارىن دايارلاۋ جۇيەسىن وقۋ پروتسەسىن عىلىمي-زەرتتەۋ قىزمەتىمەن ينتەگراتسيالاۋ، ۆەتەريناريالىق زەرتحانالار جۇيەسىن ورتالىقسىزداندىرۋ جانە رەفەرەنتتىك-باقىلاۋ فۋنكتسيالارىن كۇشەيتۋ جولىمەن رەفورمالاۋ ماڭىزدى ەكەنىنە توقتالدى. سونىمەن قاتار، دەپۋتات ەلىمىزدە وندىرىلەتىن جانە مەملەكەتتىك تاپسىرىس بويىنشا ساتىپ الىناتىن ۆەتەريناريالىق پرەپاراتتاردىڭ ساپاسىن باقىلاۋدىڭ تاۋەلسىز جۇيەسىن قۇرۋ قاجەتتىگىنە نازار اۋدارتتى.

سوڭعى جاڭالىقتار

جىلجىمالى زەرتحانالار جولعا شىقتى

مەديتسينا • بۇگىن، 21:25

بيىل 200 جاڭا مەكتەپ سالىنادى

ءبىلىم • بۇگىن، 14:47

ۇقساس جاڭالىقتار