سوڭعى 85 كۇن ىشىندە سولتۇستىكقازاقستاندىق ۋچاسكەلىك پوليتسيا ينسپەكتورلار ءوز اكىمشىلىك ۋچاسكەلەرىندەگى اۋلالاردى تەكسەردى. وپەراتسيانىڭ باستى ماقساتى - وبلىستىڭ كەز كەلگەن تۇرعىنىنىڭ ءوز ۋچاسكەلىك پوليتسيا ينسپەكتورىن جاقسى تانۋى ءۇشىن ءار ۇيدە, ءار پاتەردە بولىپ, بايلانىس نومىرلەرىن قالدىرۋ. سونىڭ بارىسىندا قالادا 934 زەينەتكەردىڭ جالعىز تۇرىپ جاتقاندىعى بەلگىلى بولدى. زەينەتكەرلەرمەن الاياقتار مەن ينتەرنەت-الاياقتاردىڭ قۇربانىنا اينالماۋ ءۇشىن پروفيلاكتيكالىق جۇمىستار جۇرگىزىلدى.
سقو پد باستىعىنىڭ ءبىرىنشى ورىنباسارى, پوليتسيا پولكوۆنيگى قانات ايتباەۆ ناقتىلاپ كەتكەندەي, ۋچاسكەلىك ينسپەكتورلارى ءۇشىن وبلىس 289 ۋچاسكەگە بولىنگەن, وندا 89800 كوپقاباتتى ۇيلەر مەن 12569 جەكە مەنشىك ۇيلەر ورنالاسقان. تۇرعىلىقتى جەرى بويىنشا ءىىو ەسەبىندەگى 5664 تۇلعا تەكسەرىلدى, ونىڭ 862-ءسى باس بوستاندىعىنان ايىرۋ ورىندارىنان شارتتى تۇردە مەرزىمىنەن بۇرىن بوساتىلعاندار. وبلىس بويىنشا 7553 ازاماتتىق قارۋ يەسى بار, ولار دا تەكسەرىلدى. تەكسەرىس كەزىندە قارۋدى ساقتاۋ ەرەجەلەرىنىڭ 101 بۇزۋشىلىعى انىقتالىپ, 17 ۇڭعى الىندى. سوڭعى 85 كۇن ىشىندە بارلىعى 11539 اكىمشىلىك قۇقىق بۇزۋشىلىق انىقتالدى, ونىڭ ەكى مىڭنان استامى الكوگولدىك ىشىمدىكتەر ءىشۋ, نەمەسە ماساڭ كۇيدە قوعامدىق ورىنداردا ءجۇرۋ.
سولتۇستىك قازاقستان وبلىسى
