ءۇي ماڭىندا ابىر-سابىر بولعان تۇرعىندار ءورت ىشىندە پاتەر يەسى – ەگدە ادام قالعانىن ايتىپ جاتتى. ويلانۋعا كەش ەدى. وفيتسەر جۇگىرگەن بويى بەسىنشى قاباتقا شىعىپ, قىپ-قىزىل وتتىڭ ىشىنە قويىپ كەتتى. ابىروي بولعاندا قارت ادامدى قۇتقارىپ الىپ شىقتى. بۇل وقيعا انتىنا ادال سارداردىڭ ار بۇيرىعىن ورىنداعان ءبىر ءساتى ەدى.
...2015 جىل, وتان قورعاۋشىلار كۇنى قارساڭى. تۇڭعىش پرەزيدەنت, ەلباسى نۇرسۇلتان ءابىش ۇلى نازارباەۆ بىرقاتار اسكەري قىزمەتشىنى اسكەري جانە قىزمەتتىك بورىشىن ۇلگىلى اتقارعانى, زاڭدىلىق پەن قۇقىقتىق ءتارتىپتى قامتاماسىز ەتۋ كەزىندە كورسەتكەن ەرلىگى مەن جانقيارلىعى ءۇشىن مەملەكەتتىك ناگرادالارمەن ماراپاتتادى. ولاردىڭ قاتارىندا مەملەكەتتىك «جاۋىنگەرلىك ەرلىگى ءۇشىن» مەدالىمەن ماراپاتتالعان 5546 اسكەري ءبولىمىنىڭ اسكەري پوليتسيا بولىمشەسىنىڭ باستىعى پودپولكوۆنيك سالاۋات ءالىمجان ۇلى قابدىقۇلوۆ تا بار ەدى.
ەلباسى سالاۋاتقا مەملەكەتتىك ماراپاتتى تاپسىرىپ تۇرىپ: «شەن ءۇشىن ەمەس, ەل ءۇشىن قىزمەت جاسا» دەگەن ەكەن. وسى ءسوز ورالدىق وفيتسەردىڭ جادىندا ءاردايىم جۇرەدى.
– قازاقستان رەسپۋبليكاسىنا قىزمەت ەتەمىن! – دەيدى قازاقستان رەسپۋبليكاسى ۇلتتىق ۇلانى «باتىس» وڭىرلىك قولباسشىلىعىنىڭ 5546 اسكەري ءبولىمى جانىنداعى اسكەري پوليتسيا بولىمشەسىنىڭ قىزمەتكەرى, پودپولكوۆنيك سالاۋات قابدىقۇلوۆ.
باتىس قازاقستان وبلىسى
