ايماقتار • 02 جەلتوقسان، 2020

ازاماتتاردى ونلاين-قابىلداۋ كەزىندە ەلوردا اكىمىنە قانداي سۇراقتار قويىلدى

3 رەت كورسەتىلدى

ونلاين-قابىلداۋلاردى وتكىزۋ ءتورت ەسە ارتتى. جىل باسىنان بەرى ازاماتتاردى قابىلداۋ اپتا سايىن جۇرگىزىلىپ، قابىلدانعان ادامداردىڭ سانى ارتۋدا. بۇل تۋرالى نۇر-سۇلتان قالاسىنىڭ اكىمى التاي كولگىنوۆ ءوزىنىڭ «ينستاگرام» پاراقشاسىندا جازدى، دەپ حابارلايدى ەلوردا اكىمدىگىنىڭ رەسمي سايتى.

«ونلاين-قابىلداۋدا 10-نان استام وتباسىن قابىلدادىم. ەگەر ءبىر وتباسى مۇشەسىنىڭ ماسەلەسى شەشىلسە، دەمەك بارلىق وتباسى مۇشەلەرىنىڭ ماسەلەسى شەشىلەدى. ونلاين-قابىلداۋلاردى وتكىزۋ ءتورت ەسە ارتتى. جىل باسىنان بەرى ازاماتتاردى اپتا سايىن قابىلداپ كەلەمىز، قابىلدانعان ادامداردىڭ سانى ارتىپ جاتىر. نەگىزگى ماسەلەلەر تۇرعىن ءۇي، ءبىلىم بەرۋ، الەۋمەتتىك كومەك، جۇمىسقا ورنالاسۋ جانە ت. ب. ماسەلەلەرگە قاتىستى.

ء«بىر تەرەزە» قاعيداتى بويىنشا قالا تۇرعىندارىنا 70-تەن استام مەملەكەتتىك قىزمەت، ونىڭ ىشىندە الەۋمەتتىك كومەك كورسەتەتىن «جانۇيا» وتباسى ينستيتۋتىن قولداۋ ورتالىعىنىڭ مىسالى بويىنشا وتكەن ايدا تۇرعىن ءۇي سالاسىندا قىزمەت كورسەتەتىن بىرىڭعاي ورتالىق اشىلد (رەسپۋبليكا داڭعىلى، 32). وندا تۇرعىن ءۇي كەزەگىنىڭ ءنومىرى، كەزەككە قالاي تۇرۋ كەرەكتىگى، ءتۇرلى تۇرعىن ءۇي باعدارلامالارىنىڭ تەتىكتەرى جانە ت. ب. تۋرالى بىلۋگە بولادى.

ءبىلىم سالاسىنا كەلەتىن بولساق، حالىقتىڭ الەۋمەتتىك ءالسىز توپتارىنان شىققان بالالارعا بولىنەتىن گرانتتار سانىن ايتارلىقتاي كەڭەيتتىك. جۇمىسپەن قامتۋ ورتالىعى جۇمىسقا ورنالاسۋعا كومەكتەسەدى. «جۇمىسپەن قامتۋدىڭ جول كارتاسى» باعدارلاماسى بويىنشا بيىل 15 مىڭنان استام جۇمىس ورنى اشىلدى. بۇل شارالاردىڭ بارلىعى جالعاسادى.

ازاماتتاردىڭ قابىلداۋلارىندا كوتەرىلگەن ماسەلەلەردىڭ ءبىر بولىگى بىردەن شەشىمىن تابادى، قالعاندارى جوسپارعا الىنادى»، – دەپ جازدى التاي كولگىنوۆ.

سوڭعى جاڭالىقتار

اۋليە اتا ءھام ۇلى جىراۋ

رۋحانيات • كەشە

ۇقساس جاڭالىقتار