ايماقتار • 02 جەلتوقسان، 2020

ورالدا 198 وتباسى باسپانالى بولدى

16 رەت كورسەتىلدى

ورال قالاسىنىڭ زاشاعان كەنتىندە 9 قاباتتى تۇرعىن ءۇي̆ پاي̆دالانۋعا بەرىلدى. جاڭا باسپاناعا يە بولعان 198 وتباسىنا پاتەر كىلتىن تابىستاپ، قۋانىشىن بولىسۋگە وبلىس اكىمى عالي ەسقاليەۆ ارناي̆ى باردى، دەپ حابارلايدى Egemen.kz وبلىس اكىمىنىڭ ءباسپاسوز قىزمەتىنە سىلتەمە جاساپ.

اي̆تا كەتسەك، زاشاعان كەنتىنىڭ ورال – ساراتوۆ تاس جولى ماڭىنداعى موڭكە ۇلى كوشەسىندە بوي̆ كوتەرگەن 9 قاباتتى، 198 پاتەرلى تۇرعىن ءۇي̆دىڭ قۇرىلىسى بىلتىر باستالعان. جالپى كولەمى 5673 شارشى مەتردى قۇراي̆تىن كوپقاباتتى ءۇي̆دىڭ قۇرىلىس جۇمىستارىن «بولاشاق-ت» جشس جۇرگىزگەن.

"بارشاڭىزدى قازاقستان رەسپۋبليكاسىنىڭ تۇڭعىش پرەزيدەنت كۇنىمەن قۇتتىقتاي̆مىن. وسى اتاۋلى مەرەكە قارساڭىندا سىزدەرگە قۋانىش سىي̆لاعالى وتىرمىز. ەلباسى نۇرسۇلتان ءابىش ۇلى نازارباەۆ حالىقتىڭ تولىققاندى ءومىر ءسۇرۋى ءۇشىن بارلىق جاعداي̆دى جاساۋ كەرەكتىگىن باستى نازاردا ۇستاپ كەلەدى. ەلىمىزدە قابىلدانعان «نۇرلى جەر» باعدارلاماسى اياسىندا جۇزدەگەن باتىسقازاقستاندىق قولجەتىمدى باسپاناعا يە بولۋدا. بۇل – مەملەكەتتىڭ حالىققا دەگەن قامقورلىعى، قولداۋى. بۇگىن باسپانا كىلتىن يەلەنگەلى وتىرعان 198 وتباسىنىڭ 99-ى كوپبالالى وتباسىلار. ارەندالىق نەگىزدەگى ءۇي̆ بولعاندىقتان، ەكى بولمەلى پاتەرگە اي̆ىنا شامامەن 10 مىڭ تەڭگە كولەمىندە تولەي̆دى. پاتەردى كۇتىپ، تازا ۇستاۋلارىڭىزدى سۇراي̆مىز. جالپى اي̆تقاندا، وسىنداي̆ قولجەتىمدى تۇرعىن ۇي̆لەردى سالۋ ءۇشىن بيىل مەملەكەت تاراپىنان 17 ملرد. تەڭگەدەن استام قاراجات ءبولىندى، 17 تۇرعىن ءۇي̆دىڭ قۇرىلىسى باستالدى. 474 پاتەر بولادى. كەلەسى جىلى «اقجاي̆ىق» شاعىناۋدانىنىڭ قۇرىلىسى باستالادى. جاڭا قونىستارىڭىز قۇتتى بولسىن، شاڭىراقتارىڭىزدان ءسابيدىڭ ءۇنى مەن اقساقالدارىمىزدىڭ باتاسى كەتپەسىن"، - دەدى عالي ناجىمەدەن ۇلى.

بۇدان سوڭ سالتاناتتى راسىمدە شاڭىراق يەلەرىنە كوپتەن كۇتكەن پاتەرلەرىنىڭ كىلتتەرى تابىستالىپ، جينالعاندار سۋ جاڭا تۇرعىن ءۇي̆دى ارالادى.

سوڭعى جاڭالىقتار

الەم كۋبوگى وتەدى

سپورت • كەشە

ۇقساس جاڭالىقتار