«جاس سارباز – ماڭگىلىك ەل ۇلانى» ەكسپوزيتسياسى قۇرىلعانىنا ەكى جىل بولعان «جاس سارباز» جاستار قوزعالىسىنا ارنالعان. اتالعان قوزعالىستىڭ ارقاسىندا جاستار اسكەري-پاتريوتتىق جانە شىعارماشىلىق باعىتتاعى ءتۇرلى قابىلەتتەرىن ىسكە اسىرۋعا مۇمكىندىك الادى. «جاس سارباز» اسكەري-پاتريوتتىق قوزعالىسىن قۇرۋدىڭ باستاماشىسى – قازاقستاننىڭ تۇڭعىش پرەزيدەنتى – ەلباسى نۇرسۇلتان ءابىش ۇلى نازارباەۆ.
ماتەماتيكالىق ويلاۋ جانە تەحنيكاعا بەيىمى بار بالالار ءۇشىن «سمارت سارباز» سىنىپتارى اشىلعان. وندا وقۋشىلار روبوتوتەحنيكامەن اينالىسادى جانە ءوز جوبالارىن جاسايدى. ولاردىڭ ۇزدىكتەرى ەكسپوزيتسيادا ۇسىنىلعان.
روبوت-ساپەر وق-دارىلەردى ىزدەۋگە ارنالعان, روبوت-لوگيستيك ولاردى تاسىمالداۋمەن اينالىسادى, روبوت-ءورت ءسوندىرۋشى ءورتتى ءوز بەتىنشە سوندىرەدى.
تاعى ءبىر ەكسپوزيتسيا ستالينگراد شايقاسىنا جاقىن ايماقتا بولعان باتىس قازاقستان وبلىسىنا ارنالعان. ورال قالاسىنىڭ ءدال وسى تەمىرجول تورابىنىڭ ارقاسىندا مايدانعا قاجەتتى قارۋ-جاراق پەن ازىق-ت ۇلىك جەتكىزىلىپ وتىرعان. باتىس قازاقستان وبلىسىنىڭ ەكسپوزيتسياسىندا بومبالانعان جانىبەك ديوراما بەكەتى كورسەتىلگەن.
جاڭا تاقىرىپتىق ەكسپوزيتسيالار تاريحتى زەردەلەۋ ءۇشىن دە, جاستارعا پاتريوتتىق تاربيە بەرۋ ماسەلەسىندە دە, اسكەري-تاريحي مۋزەيدىڭ مۇمكىندىكتەرىن كەڭەيتەدى.
