ايماقتار • 02 جەلتوقسان، 2020

كەن ورنىندا قازا تاپقان ازاماتتاردىڭ ەڭبەك شارتى ساقتالادى

12 رەت كورسەتىلدى

1 جەلتوقسان كۇنى «بەكتاس-قونىس» كەن ورنىندا جۇمىسشىلارعا ارنالعان 48 كونتەينەر ورتەندى. مۇناي كەنىشىندە 30 ادام بولعانى انىقتالدى. ءورت كەزىندە ءۇش ادام كوز جۇمدى، دەپ حابارلايدى Egemen.kz قىزىلوردا وبلىسى اكىمىنىڭ ءباسپاسوز قىزمەتىنە سىلتەمە جاساپ.

ء"ورتتى سوندىرۋگە توتەنشە جاعدايلار دەپارتامەنتىنىڭ 19 قىزمەتكەرى مەن 3 تەحنيكاسى، «پوجمونتاجقۇرىلىس» جشس مەملەكەتتىك ەمەس ورتكە قارسى قىزمەتىنىڭ 9 جۇمىسشىسى مەن 2 تەحنيكاسى، «پەتروقازاقستانقۇمكولرەسۋرس» جشس مەملەكەتتىك ەمەس ورتكە قارسى قىزمەتىنىڭ 3 قىزمەتكەرى مەن 1 تەحنيكاسى جۇمىلدىرىلدى. ءورت بەس ساعاتقا سوزىلدى. ياعني، تاڭعى ساعات 06:40-تا ءسوندىرىلدى. وقيعا ورنىندا قازا تاپقان 1967، 1985 جانە 1970 جىلعى ازاماتتار. بۇگىندە ءورتتىڭ شىعۋ سەبەپتەرى تەكسەرىلۋدە"، - دەدى وبلىستىق تجد باستىعىنىڭ مىندەتىن اتقارۋشى رۋسلان قايراقباەۆ.

وبلىستىق ەڭبەك سالاسىن باقىلاۋ باسقارماسىنىڭ باسشىسى تورەاحمەت جولىمبەتوۆتىڭ ايتۋىنشا، كەن ورنىندا كوز جۇمعان ادامداردىڭ ەڭبەك شارتى تەكسەرىلىپ، ءتيىستى قۇجاتتار دايىندالادى.

"ولاردىڭ ەڭبەك شارتى ساقتالادى. ياعني، ساقتاندىرۋ قورى بويىنشا ءتيىستى تولەمدەر تولەنەدى. بۇدان بولەك، مەملەكەت تاراپىنان وتباسىنا الەۋمەتتىك جاردەماقى بەرىلەتىن بولادى"، - دەدى وبلىستىق ەڭبەك سالاسىن باقىلاۋ باسقارماسىنىڭ باسشىسى تورەاحمەت جولىمبەتوۆ.

ءورت قاۋىپسىزدىگى ساقتالماعانى ءۇشىن قىلمىستىق ءىس قوزعالدى. ياعني، قر قىلمىستىق كودەكسىنىڭ 292 بابىنىڭ 3 بولىگى بويىنشا سوتقا دەيىنگى تەرگەپ-تەكسەرۋ جۇمىستارى جۇرگىزىلۋدە. اتالعان ءىس بويىنشا ساراپتامالار تاعايىندالدى.

سوڭعى جاڭالىقتار

سقو «قىزىل ايماققا» ەندى

ايماقتار • كەشە

ۇقساس جاڭالىقتار