ايماقتار • 02 جەلتوقسان، 2020

تۇركىستان وبلىسىندا ءبىر كۇندە 500-گە جۋىق وتباسى باسپانالى بولدى

7 رەت كورسەتىلدى

تۇركىستان قالاسى مەن شاردارا اۋدانىنىڭ 500-گە جۋىق وتباسى ءبىر كۇندە باسپانالى بولدى. ەكىنشى دۇنيەجۇزى سوعىسىنىڭ ارداگەرى، جىلدار بويى ءۇيى اپاتتى جاعدايداعى تۇرعىندار، جەتىم قالعان ازاماتتار، سونداي-اق جالعىز باستى انالار جانە باسقا دا ءۇي كەزەگىن كۇتكەن تۇرعىندارعا قازاقستان رەسپۋبليكاسى تۇڭعىش پرەزيدەنتى كۇنىنە وراي پاتەر كىلتتەرىن تابىستادى، دەپ حابارلايدى Egemen.kz.

سونداي 420 تۇرعىنعا تۇركىستان قالاسىنان جاڭا پاتەردىڭ كىلتتەرى تابىستالدى. ەلدەگى كاراتيندىك رەجيمگە جانە وبلىستىق باس مەملەكەتتىك سانيتاريالىق دارىگەردىڭ قاۋلىسىنداعى تالاپتاردى ورىنداۋ ماقساتىندا تۇركىستان قالاسىندا رەسمي ءىس-شارا ۇيىمداستىرىلمادى. تۇرعىنداردىڭ ءبىر جەردە شوعىرلانۋىن بولدىرماۋ ءۇشىن، شاھار باسشىسى راشيد ايۋپوۆ العاش ءتورت تۇرعىنعا كىلتتەردى قازىرگى تۇرىپ جاتقان ۇيلەرىنە بارىپ ءوزى تابىستادى.

قازىرگى تاڭدا تۇركىستان قالاسى بويىنشا 7، 9 جانە 12 قاباتتى تۇرعىن ءۇيدىڭ قۇرىلىسى مەملەكەتتىك بيۋدجەت ەسەبىنەن جۇرۋدە. وبلىس ورتالىعى اتانعالى قالادا 89 كوپقاباتتى تۇرعىن ءۇيدىڭ قۇرىلىسى ءجۇرىپ جاتسا، بۇگىنگە دەيىن 600 كەزەكتە تۇرعان جانە 336 مەملەكەتتىك قىزمەتشىگە پاتەر تابىستالعان بولاتىن. كەزەكتە تۇرعان 11797 ازامات egov سايتى ارقىلى كەزەك رەتتىلىگىن كورە الادى. ەلباسىنىڭ باستاماسىمەن قولعا الىنعان تۇركىستان قالاسىنىڭ قايتا جاڭعىرۋى جانە جەرگىلىكتى تۇرعىنداردىڭ تۇرمىس تىرشىلىگىن جاقسارتا ءتۇسۋ جوباسى ەسكەرىلە، ناقتى وسى كۇنى پاتەر يەلەرىن كوپتەن كۇتكەن قۋانىشقا كەنەلتۋ جوسپارلانعان.

بۇل كۇنى شاردارا اۋدانىنىڭ 40 وتباسىندا قونىس تويى تويلاندى. اۋدان اكىمى قايرات جولدىباي ءۇي يەلەرىن قۋانىشتارىمەن قۇتتىقتاپ، مەملەكەت تاراپىنان قولعا الىنعان «نۇرلى جەر»  باعدارلاماسىنىڭ اياسىندا سالىنعان تۇرعىن ءۇي كەشەنىنەن جاڭا پاتەر كىلتتەرىن تابىستادى.

ءتورت قاباتتان تۇراتىن ۇيدەگى پاتەرلەر تۇرعىن ءۇي كەزەگىندە تۇرعان كوپبالالى انالار مەن ءى-ءىى توپ مۇگەدەكتىگى بار ازاماتتارعا، اتا-اناسىنىڭ قامقورلىعىنسىز قالعان جاستارعا، بيۋدجەتتىك مەكەمەدە جۇمىس ىستەيتىن قىزمەتكەرلەرگە جانە از قامتىلعان وتباسىلارعا بەرىلدى. بيىل اۋدانداعى تۇرعىن ءۇي قۇرىلىسىنىڭ جۇمىستارى وتكەن جىلمەن سالىستىرعاندا 51 %-عا ارتقان.

سوڭعى جاڭالىقتار

ارىپتەستىك الەۋەتى جەمىس بەرۋدە

ايماقتار • بۇگىن، 19:21

قالامگەرگە قۇرمەت

رۋحانيات • بۇگىن، 18:13

الماتى «قىزىل» ايماققا كىردى

ايماقتار • بۇگىن، 16:50

اقتاۋدا بۋىنسىز بالا تۇرادى

ۆيدەو • بۇگىن، 16:04

iPhone 12 دەنساۋلىققا زيان دەپ تانىلدى

تەحنولوگيا • بۇگىن، 15:38

ۇقساس جاڭالىقتار