ايماقتار • 02 جەلتوقسان، 2020

گۇلشارا ابدىقالىقوۆا مۇمكىندىگى شەكتەۋلى ادامعا ەلەكتروندى اربا تارتۋ ەتتى

19 رەت كورسەتىلدى

بۇگىن وبلىس اكىمى گۇلشارا ابدىقالىقوۆا حالىقارالىق مۇگەدەكتەر كۇنىنە وراي قىزىلوردا قالاسىندا كاسىبىن اشقان مۇمكىندىگى شەكتەۋلى ازاماتشانىڭ تسەحىنا بارىپ، ەرەكشە جانعا ەلەكتروندى اربانى تارتۋ ەتتى، دەپ حابارلايدى Egemen.kz وبلىس اكىمىنىڭ ءباسپاسوز قىزمەتىنە سىلتەمە جاساپ.

ايماق باسشىسى ءى توپ مۇگەدەگى تامارا اقماعانبەتوۆانىڭ قۇس جاستىقتاردى تازالاپ، قايتا وندەيتىن «مامىق» تسەحىنىڭ جۇمىسىمەن تانىسىپ، شاعىن ءوندىرىستىڭ جۇمىس پروتسەسىن باقىلادى. سونداي-اق، مۇمكىندىگى شەكتەۋلى ازاماتتارعا كەدەرگىسىز ورتا قالىپتاستىرۋ جانە ولاردى بيزنەسكە بەيىمدەۋ ماسەلەسىنىڭ ەرەكشە نازاردا ەكەنىن جەتكىزىپ، مەرەكەمەن قۇتتىقتادى.

تامارا اقماعانبەتوۆاعا 2012 جىلى مويىن ومىرتقاسى مەن باسىنىڭ اراسىندا پايدا بولعان ىسىك اۋرۋىنىڭ سالدارىنان ءى توپ مۇگەگەدەكتىگى بەرىلگەن. 2014 جىلى مۇگەدەكتەرگە ارنالعان وڭالتۋ ورتالىعىندا ەم قابىلداپ جۇرگەن ساتتەن «دامۋ» قورى ارقىلى كاسىپ اشۋعا كەڭەس الىپ، «بيزنەس كەڭەسشى» جوباسى ارقىلى ماقتانى قايتا وڭدەپ، كورپەشە تىگۋ ءىسىن باستاعان.

ال، 2015 جىلى «بيزنەستىڭ جول كارتاسى - 2020» باعدارلاماسى اياسىندا 1 ملن.تەڭگە گرانتقا يە بولىپ، قۇس جاستىقتاردى تازالاپ، قايتا جاڭعىرتۋعا مۇمكىندىك بەرەتىن «مامىق» سالونىن شيەلى اۋدانىنان اشادى. كاسىبىنە دەگەن سۇرانىستىڭ ارتۋىنا بايلانىستى تامارا اسقارقىزى 2019 جىلى كاسىبىن قىزىلوردا قالاسىنا اۋىستىرىپ، بيزنەس اياسىن كەڭەيتكەن. بۇگىندە 3 ازاماتقا جۇمىس كوزىن ۇسىنىپ وتىرعان ەرەكشە جان قىز جاساۋى، كورپە، كورپەشە تىگۋ ءىسىن قولعا الدى. كەلەشەكتە تاعى 3 مامان الۋدى كوزدەپ وتىر.

وبلىس اكىمى گۇلشارا ابدىقالىقوۆا مۇمكىندىگى شەكتەۋلى ازاماتشا تامارا اقماعانبەتوۆاعا شاعىن كاسىپتىك جانداندىرۋداعى قاجىرلى ەڭبەگىن ەرەكشە اتاپ ءوتتى.

ايتا كەتەيىك، قىزىلوردا وڭىرىندە 30 مىڭنان استام مۇگەدەكتىگى بار ادام تىركەلگەن. ونىڭ 4372-ءسى الەۋمەتتىك قىزمەتپەن، 194 مۇگەدەك بالا كۇندىزگى جارتىلاي ستاتسيونار جاعدايىندا ۇكىمەتتىك ەمەس ۇيىمدار ارقىلى قىزمەتكە الىنعان. ال، جۇمىسپەن قامتۋ ورتالىقتارى ارقىلى 807 مۇگەدەك جۇمىسپەن قامتىلدى. ونىڭ 190-ى تۇراقتى. 22 مۇگەدەك الەۋمەتتىك جۇمىس ورىندارىمەن، 47 مۇگەدەك جاستار تاجىريبەسىنە، 548 مۇمكىندىگى شەكتەۋلى ازامات قوعامدىق جۇمىستارعا تارتىلعان.

بۇگىنگى كۇنى مۇمكىندىگى شەكتەۋلى ازاماتتاردىڭ ءومىرىن جاقسارتۋ مەن ولارعا كەدەرگىسىز ورتا قۇرۋعا ارنالعان قىزىلوردا وبلىسىنىڭ 2020-2025 جىلدارعا ارنالعان جول كارتاسى قابىلداندى.

ەسكە سالايىق، جىل باسىنان بەرى وبلىس بويىنشا مۇمكىندىگى شەكتەۋلى ازاماتتارعا 40 ەلەكتروندى اربا بەرىلدى.

سوڭعى جاڭالىقتار

ارىپتەستىك الەۋەتى جەمىس بەرۋدە

ايماقتار • بۇگىن، 19:21

قالامگەرگە قۇرمەت

رۋحانيات • بۇگىن، 18:13

الماتى «قىزىل» ايماققا كىردى

ايماقتار • بۇگىن، 16:50

اقتاۋدا بۋىنسىز بالا تۇرادى

ۆيدەو • بۇگىن، 16:04

iPhone 12 دەنساۋلىققا زيان دەپ تانىلدى

تەحنولوگيا • بۇگىن، 15:38

ۇقساس جاڭالىقتار