الەم • 02 جەلتوقسان، 2020

كۇزەندى قىرعان COVID-19

47 رەت كورسەتىلدى

ليتۆانىڭ يوناۆ اۋدانىنداعى Danmink فەرماسى كوروناۆيرۋس جۇعۋ سالدارىنان 40 مىڭ كۇزەندى قىرىپ سالدى دەپ جازادى BNS.

ليتۆا مەملەكەتتىك ازىقت ۇلىك-ۆەتەرينار قىزمەتىنىڭ مالىمەتىنە قاراعاندا وتكەن اپتادا 1،2 مىڭ كۇزەن اۋىرىپ ولسە، 600 ء–ىنىڭ كوزىن فەرما ءوزى جويعان ەدى. اۋداندا توتەنشە جاعداي جاريالانىپ، كاسىپورىننىڭ كەتكەن شىعىنىنا وتەم تولەۋ قاراستىرىلىپتى. نەگىزىندە بۇل فەرمادا 59 مىڭ كۇزەن بولىپتى، ەندى سونىڭ 40 مىڭىن جويعانمەن، قالعانىن تۇقىم قالدىرۋ ءۇشىن الىپ قالعان كورىنەدى.

يانوۆ اكىمشىلىگىنىڭ كەڭەسشىسى ۆيتاۋتاس كاميناسكاس مۇنداي جاعدايدىڭ ەلدە ءبىرىنشى رەت بولۋىمەن ازىرگە اڭ فەرمالارىنداعى ۆيرۋس تارالۋىن اۋىزدىقتايتىن ناقتى سىزبا جوق. سوندىقتان  اڭداردىڭ ۆيرۋس جۇقتىرۋى جايىندا مەيلىنشە كوبىرەك اقپارات جيناۋعا تىرىسۋدامىز دەگەن.

Danmink فەرماسىنىڭ 4 جۇمىسكەرىنەن كورونوۆيرۋس انىقتالىپ، ولار وقشاۋلانۋعا جىبەرىلسە، رادۆيليشكسك اۋدانىنداعى  كۇزەن فەرماسىنان دا 2 ادامنان ۆيرۋس تابىلعان.

وسىنىڭ الدىندا دانيا، يسپانيا، يتاليا، اقش، نيدەرلاند، شۆەتسيا جانە گرەكيا سىندى ەلدەردەگى اڭ فەرمالارىندا ۆيرۋس جۇقتىرۋ تىركەلۋىنە بايلانىستى  ليتۆادا جۇرگىزىلگەن تالداما قورتىندىسىنىڭ اياعى 40 مىڭ كۇزەندى قىرىپ سالۋعا اكەلدى.

ەستەرىڭىزگە سالا كەتەيىك دانيا بيلىگى قاراشا ايىنىڭ باسىندا كۇزەندەردەگى كوروناۆيرۋستىڭ مۋتاتسياعا  جىلدام ۇشىراپ جاتقانىن حابارلاپ، بۇل جاعدايدا COVID-19-عا قارسى جاسالاتىن ۆاكتسينالاردىڭ تيىمدىلىگى قالاي بولادى دەگەن قاۋىپ ايتقان-دى.

سوڭعى جاڭالىقتار

جاس ساراپشىلار تالداۋى

ساياسات • كەشە

كەتىگىن تاپقان كاسىپورىن

ەكونوميكا • كەشە

ايان تۋرالى بايان

رۋحانيات • كەشە

ۇزدىكتەر انىقتالدى

فۋتبول • كەشە

ايازداعى اپات

ايماقتار • كەشە

ارحەولوگ اسۋلارى

قوعام • كەشە

ۇقساس جاڭالىقتار