پارلامەنت • 02 جەلتوقسان، 2020

نۇرجان التاەۆتىڭ دەپۋتاتتىق وكىلەتتىگى توقتاتىلدى

27 رەت كورسەتىلدى

وسك پارلامەنت ءماجىلىسىنىڭ دەپۋتاتى نۇرجان التاەۆتىڭ وكىلەتتىگى توقتاتىلعانىن ءمالىم ەتتى، دەپ حابارلايدى Egemen.kz

"قازاقستان رەسپۋبليكاسى كونستيتۋتسياسىنىڭ 52-بابىنىڭ 5-تارماعىنا، "قازاقستان رەسپۋبليكاسىنىڭ پارلامەنتى جانە ونىڭ دەپۋتاتتارىنىڭ مارتەبەسى تۋرالى" 1995 جىلعى 16 قازانداعى قازاقستان رەسپۋبليكاسى كونستيتۋتسيالىق زاڭىنىڭ 24-بابى 7-تارماعىنىڭ 1) تارماقشاسىنا، 9-تارماعىنا، Nur Otan پارتياسىنىڭ 2020 جىلعى 30 قاراشاداعى № SQ-0101-20/4253 حاتىنا جانە Nur Otan پارتياسى نۇر-سۇلتان قالاسى فيليالىنىڭ ساياسي كەڭەسى بيۋروسىنىڭ 2020 جىلعى 30 قاراشاداعى № 1 قاۋلىسىنا سايكەس قازاقستان رەسپۋبليكاسى ورتالىق سايلاۋ كوميسسياسى قاۋلى ەتەدى:

قازاقستان رەسپۋبليكاسى پارلامەنتى ءماجىلىسىنىڭ دەپۋتاتى نۇرجان باۋىرجان ۇلى التاەۆتىڭ وكىلەتتىگى ونىڭ Nur Otan پارتياسىنىڭ قاتارىنان شىعارىلعانى تۋرالى Nur Otan پارتياسى نۇر-سۇلتان قالاسى فيليالىنىڭ ساياسي كەڭەسى بيۋروسىنىڭ 2020 جىلعى 30 قاراشاداعى № 1 قاۋلىسىنا بايلانىستى توقتاتىلسىن"، - دەلىنگەن شەشىمدە.

ەسكە سالايىق، نۇرجان التاەۆ بىلتىر 13 اقپاندا پارلامەنت ماجىلىسىنىڭ دەپۋتاتى بولعان ەدى. سول كەزدە نۇرجان التاەۆ پارلامەنتتىڭ تومەنگى پالاتاسىنىڭ اگرارلىق ماسەلەلەر كوميتەتىنىڭ قۇرامىنا كىرگەن بولاتىن.
سوڭعى جاڭالىقتار

سقو «قىزىل ايماققا» ەندى

ايماقتار • كەشە

ۇقساس جاڭالىقتار