ايماقتار • 02 جەلتوقسان، 2020

تۇركىستان وبلىسىندا مال ۇرىسى ۇستالدى

21 رەت كورسەتىلدى

تۇركىستان وبلىسىندا پوليتسەيلەر مال ۇرىسىن ۇستاپ، ۇرلانعان ەشكىلەردى اۋىل تۇرعىنىنا قايتارىپ بەردى، دەپ حابارلايدى Egemen.kz Polisia.kz-كە سىلتەمە جاساپ.

شاردارا اپب-ءنىڭ كەزەكشى بولىمىنە اۋىل تۇرعىنىنىڭ ءبىرى تۇنگى ۋاقىتتا ونىڭ قوراسىنان بەلگىسىز بىرەۋلەر ەكى ەشكىسىن ۇرلاپ كەتكەنى تۋرالى ارىزدانعان.

زارداپ شەككەن اۋىل تۇرعىنىنا كەلتىرىلگەن شىعىننىڭ جالپى كولەمى 100 مىڭ تەڭگەدەن استام. پوليتسەيلەر بۇل جايتتى سدتبت-عا قر قك-ءنىڭ 188-1-بابى (مال ۇرلىعى) بويىنشا تىركەپ، قىلمىستى اشۋعا بىردەن كىرىستى. مال ۇرىلارىن ۇستاۋعا اپب-ءنىڭ جەدەل-تەرگەۋ توبى مەن ۋچاسكەلىك ينسپەكتورلار جۇمىلدىرىلدى.

پوليتسيا قىزمەتكەرلەرى جاقىن ماڭداعى بارلىق جايىلىمدار مەن اۋلالاردى ارالاپ، كۋاگەرلەردەن سۇراستىرىپ، مال ساتاتىن بازارلاردى، سونداي-اق ۇرلانعان م ۇلىكتى تاسىمالداۋى مۇمكىن دەگەن كولىكتەردى تەكسەردى. جەدەل-ىزدەستىرۋ ءىس-شارالارىنىڭ ناتيجەسىندە شاردارا اپب-ءنىڭ قىزمەتكەرلەرى كۇدىكتىلەردى ء“ىزىن سۋىتپاي” ۇستادى. ولار بۇرىن ۇرلىق جاساعانى ءۇشىن جاۋاپقا تارتىلعان جەرگىلىكتى تۇرعىندار بولىپ شىقتى. ءتارتىپ ساقشىلارى زاتتاي دالەل رەتىندە ۇرلانعان ەشكىلەردى تاركىلەپ، زاڭدى يەسىنە قايتارىپ بەردى. قازىرگى ۋاقىتتا اتالعان جايت بويىنشا سوتقا دەيىنگى تەرگەۋ امالدارى جۇرگىزىلۋدە. كۇدىكتىلەردىڭ باس شاراسى قولحاتتا.

تەرگەۋ بارىسىندا اتالمىش مال ۇرلىعىنان باسقا دا قىلمىستارعا قاتىستىلىعى انىقتالۋدا. شاردارا اۋدانىنىڭ تۇرعىنى كاسىبي شەبەرلىكتەرىن كورسەتىپ، مال ۇرىسىن جەدەل ۇستاپ، ۇرلانعان مالىن قايتارعان شاردارا اپب-ءنىڭ جەدەل ۋاكىلدەرى مەن ۋچاسكەلىك پوليتسيا ينسپەكتورلارىنا ۇلكەن العىس ءبىلدىردى. تۇركىستان وبلىسىنىڭ پوليتسەيلەرى مال يەلەرىنە ساق بولۋعا جانە م ۇلىكتەرىن قاراۋسىز قالدىرماۋعا كەڭەس بەرەدى.

شارۋاشىلىق اۋلالارى مەن قورالاردى سەنىمدى قورشاۋمەن نىعايتىپ، اۋلالاردى جاقسى جارىقپەن جابدىقتاۋ قاجەت. سونداي-اق، مالعا ەن-تاڭبا سالدىرۋدى ۇمىتپاڭىز. مال ۇرلانعان نەمەسە جوعالعان جاعدايدا دەرەۋ پوليتسياعا، “102” تەلەفونى بويىنشا حابارلاسۋ كەرەك. بۇل ءوز كەزەگىندە قىلمىستى ء“ىزىن سۋىتپاي” اشۋعا كومەكتەسەدى.

سوڭعى جاڭالىقتار

الەم كۋبوگى وتەدى

سپورت • كەشە

ۇقساس جاڭالىقتار