كينو • 02 جەلتوقسان، 2020

"قىز بەن تەڭىز" ءفيلمى شەتەلدىك كينوفەستيۆالدە بىرنەشە جۇلدەگە يە بولدى

36 رەت كورسەتىلدى

رەجيسسەرلەرى ءازيزجان زايىروۆ پەن مۇحامەد مامىربەكوۆتىڭ «قىز بەن تەڭىز» ءفيلمى Silk Road Film Awards – Cannes كينوفەستيۆالىندە «الەۋمەتتىك تاقىرىپتاعى ۇزدىك فيلم» جۇلدەسىمەن ماراپاتتالدى. سونداي-اق فيلمدە باستى رولدەردى سومداعان اكتەرلەر دينارا شاريپوۆا جانە تاحير ۋماروۆ فەستيۆالدىڭ قۇرمەتتى اتالىمىنا يە بولدى. بايقاۋدىڭ ناتيجەلەرى فەستيۆالدىڭ ينستاگرامداعى رەسمي پاراقشاسىندا جاريالاندى، دەپ حابارلايدى Egemen.kz.

Silk Road Film Awards – Cannes فەستيۆالى جەڭىمپازداردى ءار ايدىڭ سوڭىندا انىقتايدى. ۇزدىك دەپ تانىلعان فيلمدەر جىلدىڭ سوڭىندا III الەكساندر اتىنداعى تەاتردا كورسەتىلەتىن بولادى. بۇل بايقاۋعا الەمنىڭ تاۋەلسىز كينوگەرلەرى قاتىسا الاتىنىن ايتا كەتكەن ءجون. فەستيۆال شەڭبەرىندە قىسقامەتراجدى جانە تولىقمەتراجدى دەرەكتى، كوركەم فيلمدەرمەن قاتار، تەلەۆيزيالىق جوبالار دا كورسەتىلەدى.

ەستەرىڭىزگە سالا كەتسەك، قر مادەنيەت جانە سپورت مينيسترلىگىنىڭ تاپسىرىسى بويىنشا «نوۆىي مير» اردي ستۋدياسىنىڭ قاتىسۋىمەن ش.ايمانوۆ اتىنداعى «قازاقفيلم» اق تۇسىرگەن ءفيلمنىڭ سيۋجەتى بتسپ-مەن اۋىراتىن اسەل ەسىمدى بويجەتكەننىڭ قيىن تاعدىرى، ونىڭ ارمانى، ماحاببات جانە وتباسى تۋرالى باياندالادى. فيلم «ARDI» وڭالتۋ ورتالىعىنىڭ قامقورلىعىنداعى (مۇگەدەك بالالاردىڭ اتا-انالارىنىڭ قاۋىمداستىعى) دينارا شاريپوۆانىڭ ومىرىنەن الىنعان ناقتى وقيعاعا نەگىزدەلگەن.

ايتا كەتسەك، «قىز بەن تەڭىز» ءفيلمى وسى ۋاقىت ارالىعىندا بىرنەشە حالىقارالىق فەستيۆالدەرگە قاتىسىپ، جۇلدەگەر اتاندى. كينوتۋىندى بىلتىر لوندوندا وتكەن Romford film festival فەستيۆالىندە «ۇزدىك ايەل ادامنىڭ ءرولى» (دينارا شاريپوۆا) جۇلدەسىمەن، باشقورتوستاندا وتكەن IV «كۇمىس اقبوزات» فەستيۆالىندە «الەۋمەتتىك جانە موتيۆاتسيالىق كينو» نوميناتسياسى بويىنشا قوعام قايراتكەرى كارينە حابيروۆانىڭ ارنايى جۇلدەسىمەن، باشقورتوستان رەسپۋبليكاسى وتباسى جانە ەڭبەك مينيسترلىگى اتىنان «ارمانداردىڭ ورىندالۋى» ارنايى سىيلىعىمەن (اكتەر تاحير ۋماروۆ) جانە بارسەلونادا وتكەن Asian Film Festival Barcelona كينوفەستيۆالىندە «ۇزدىك فيلم» جۇلدەسىمەن ماراپاتتالعان بولاتىن.

اتالعان كينوتۋىندى بيىل جەلتوقسان ايىنىڭ 24-ءى مەن 26-ى ارالىعىندا بانگلادەشتە وتەتىن Cinemaking International Film Festival-2020 حالىقارالىق فەستيۆالدىڭ نەگىزگى بايقاۋىنا قاتىسادى. ال كەلەر جاڭا جىلدىڭ باسىندا «قىز بەن تەڭىز» ءفيلمى بولگاريادا وتەتىن 13th Sofia Menar Film Festival كينوفەستيۆالى شەڭبەرىندە كورسەتىلەدى.

سوڭعى جاڭالىقتار

الەم كۋبوگى وتەدى

سپورت • كەشە

ۇقساس جاڭالىقتار