اۋىل شارۋاشىلىعى ءمينيسترى ساپارحان وماروۆ, تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى باعدات مۋسين جانە پرەمەر-ءمينيستردىڭ ورىنباسارى رومان سكليار بايانداما جاسادى.
قوستاناي, سولتۇستىك قازاقستان جانە شىعىس قازاقستان وبلىستارىنىڭ فەرمەرلىك شارۋاشىلىقتارىن تسيفرلاندىرۋ تاجىريبەسى تۋرالى اگروبيزنەس وكىلدەرى — «ولجا اگرو» جشس باس ديرەكتورى ايداربەك قوجانازاروۆ, «اتامەكەن اگرو» اق باسشىسى الەكساندر فادەەۆ, «مايلى داقىلداردىڭ تاجىريبەلىك شارۋاشىلىعى» جشس باسشىسى فاريد ابيتاەۆ باياندادى.
«Nur Otan» پارتياسىنىڭ سايلاۋالدى جاڭا باعدارلاماسىندا اوك-تەگى ەڭبەك ونىمدىلىگىن 2,5 ەسە ءوسىرىپ, ءونىم ەكسپورتىن ەكى ەسە ۇلعايتۋ مىندەتى قويىلعان, ونىڭ 70%-ى وڭدەلگەن بولۋى كەرەك. سونداي-اق جالپى اۋىل شارۋاشىلىعى ءونىمىنىڭ كولەمىن 1,3 ەسە ۇلعايتۋ قاجەت.
ۇكىمەت باسشىسى العا قويىلعان مىندەتتەرگە قول جەتكىزۋدەگى باستى قۇرالداردىڭ ءبىرى — ەلىمىزدىڭ اگروونەركاسىپ كەشەنىن تولىق تسيفرلاندىرۋ ەكەنىن اتاپ ءوتتى, ول ءونىم وندىرۋگە جۇمسالاتىن شىعىنداردى ازايتۋعا, ونىڭ ساپاسى مەن باسەكەگە قابىلەتتىلىگىن ارتتىرۋعا مۇمكىندىك بەرەدى. 5 جىل ىشىندە مەملەكەتتىك-جەكەمەنشىك ارىپتەستىك اياسىندا 50 ملرد تەڭگە 100 ملن گەكتاردان استام اۋىل شارۋاشىلىعى ماقساتىنداعى جەرلەردى تسيفرلاندىرۋعا ينۆەستيتسيالانادى.
وسىمدىك شارۋاشىلىعى مەن مال شارۋاشىلىعىنداعى تسيفرلاندىرۋ جينالاتىن استىق پەن مال شارۋاشىلىعى ءونىمىن 20%-عا دەيىن ارتتىرۋعا مۇمكىندىك بەرەدى. ال فەرمەرلەردىڭ شىعىنى 15%-دان استامعا قىسقارادى.
الداعى ۋاقىتتا تسيفرلاندىرۋ ەسەبىنەن استىق جيناۋ جىلىنا 25 ملن تونناعا دەيىن ۇلعايادى. جەر قاتىناستارىن تسيفرلاندىرۋ اياسىندا جەر تەلىمدەرى, قۇرىلىستار مەن عيماراتتار جونىندەگى دەرەكتەردى قامتيتىن جىلجىمايتىن م ۇلىكتىڭ بىرىڭعاي مەملەكەتتىك كاداسترىن قۇرۋ جۇمىسى جۇرگىزىلىپ جاتىر.
ۇكىمەت پارلامەنتكە ءتيىستى زاڭ جوباسىن ەنگىزدى, ول كوپتەگەن قىزمەتتەردى ەلەكتروندىق فورماتقا كوشىرۋگە, جەر تەلىمدەرىن بەرۋ ءتارتىبىن جەڭىلدەتۋگە جانە جالپى حالىققا كورسەتىلەتىن قىزمەتتەردىڭ ساپاسىن جاقسارتۋعا جول اشادى.
ۇكىمەت باسشىسى اۋىل شارۋاشىلىعى جانە تسيفرلىق دامۋ مينيسترلىكتەرىنە, سونداي-اق وڭىرلەردىڭ اكىمدىكتەرىنە ءبىر اي ىشىندە اوك جانە جەر قاتىناستارىن ودان ءارى تسيفرلاندىرۋدىڭ جول كارتاسىن ازىرلەۋدى تاپسىردى.
پرەمەر-مينيستر 2021 جىلى جەردى عارىشتان مونيتورينگتەۋ بويىنشا پيلوتتىق جوبانى بۇكىل رەسپۋبليكا بويىنشا تاراتۋدى تاپسىردى. تسيفرلىق دامۋ, اۋىل شارۋاشىلىعى مينيسترلىكتەرىنە جانە اكىمدىكتەرگە كەلەسى جىلى جەر قاتىناستارىن تسيفرلاندىرۋ جونىندەگى جۇمىستى اياقتاۋ, جەر ۋچاسكەلەرىن رەسىمدەۋ پروتسەسىنىڭ اشىقتىعىن قامتاماسىز ەتۋ جانە ولارعا قۇجاتتار بەرۋ مەرزىمىن 1 جىلدان 20 كۇنگە دەيىن قىسقارتۋ تاپسىرىلدى.
