قۇتتىقتاۋ سوزىنەن كەيىن اۋدان باسشىسى ءوڭىردىڭ ساياسي-الەۋمەتتىك, مادەني دامۋىنا سۇبەلى ۇلەس قوسقان ءبىر توپ ازاماتتى "قازاقستان كونستيتۋتسياسىنا 25 جىل" مەرەكەلىك مەدالىمەن ماراپاتتادى. ماراپاتتالعانداردىڭ قاتارىندا ايماقتىق "تۇران قازالى" گازەتى باس رەداكتورىنىڭ ورىنباسارى راۋشانبەك سەيتەنوۆ, قازالى اۋدانى اكىمى اپپاراتىنىڭ قۇجاتتامالىق قامتاماسىز ەتۋ جانە باقىلاۋ ءبولىمىنىڭ باسشىسى ءساندىباي جانسۇلتان, جەكە كاسىپكەر تورەبەك يگىلىكوۆ بار.
ال قازالى اۋدانىنىڭ قۇرمەتتى ازاماتى, اۋىل شارۋاشىلىعى سالاسىنىڭ ارداگەرى بەرىك بيسەمباەۆ قر "اۋىل شارۋاشىلىعى ارداگەرلەر كەڭەسى" قوعامدىق بىرلەستىگىنىڭ "قۇرمەتتى ارداگەرى" مەدالىنە يە بولدى. سونداي-اق سالتاناتتى شارادا ءوز سالاسىندا جەمىستى ەڭبەك ەتىپ جۇرگەن ماماندارعا وبلىس جانە اۋدان اكىمىنىڭ العىس حاتتارى تابىستالدى.
تۇڭعىش پرەزيدەنت كۇنى قارساڭىندا 2 جاس مەملەكەتتىك قىزمەتشى انت قابىلدادى. حالىققا ادال جانە كاسىبي قىزمەت كورسەتۋگە انت بەرگەن مەملەكەتتىك قىزمەتكەردىڭ قاتارىندا كولارىق جانە قىزىلقۇم اۋىلدىق وكرۋگ اكىمى اپپاراتىنىڭ ماماندارى قانات ارىستانبەك پەن ماقسات ىزىمقۇل بار.
