ايماقتار • 01 جەلتوقسان، 2020

قىزىلوردا اكىمى تۇرعىنداردى ونلاين قابىلدادى

1026 رەت كورسەتىلدى

قىزىلوردا قالاسىنىڭ اكىمى نۇرلىبەك نالىباەۆتىڭ كەزەكتى قابىلداۋىندا تۇرعىندار وزدەرىن مازالاعان پروبلەمالار مەن قاتار قوعام ءۇشىن ماڭىزدى ماسەلەلەردى دە قوزعاپ، ساۋالدارىن جولدادى. تۇرعىندار ساۋالىنىڭ باسىم بولىگى ءۇي، جەر مەن جولعا بايلانىستى بولدى، دەپ حابارلايدى Egemen.kz

ءار تۇرعىندى جەكە تىڭداعان قالا باسشىسى، ماسەلەنىڭ جەدەل شەشىلۋىن نازارعا الدى. ماسەلەن ساياحات مولتەك اۋدانىندا بالالار ويىن الاڭىن سالۋدى سۇراعان تۇرعىننىڭ ساۋالىنا قاتىستى جاۋاپتى ماماندارعا زەرتتەۋدى جانە ويىن الاڭىن سالۋعا جىل اياعىنا دەيىن ۇسىنىس بەرۋدى تاپسىردى. ماسەلە كوتەرگەن تۇرعىنعا شاھار باسشىسى سول ماڭايداعى بالالاردىڭ زاماناۋي ويىن الاڭدارىندا وينايتىن كۇنى دە الىس ەمەس ەكەنىن ايتتى.

جەرىن زاڭداستىرۋ بويىنشا ونلاين قابىلداۋعا جۇگىنگەن تۇرعىننىڭ دا ساۋالىنا قاتىستى زاڭ شەڭبەرىندە جۇمىس جاسالىپ، ماسەلەنىڭ اپتا ىشىندە شەشىلەتىنىن جەتكىزدى.

سونىمەن قاتار قابىلداۋدا جولدانعان باسقا دا ساۋالدارعا بايلانىستى جاۋاپتى سالا باسشىلارىنا ءتيىستى جۇمىستار اتقارۋدى تاپسىرىپ، ورىندالۋ بارىسى ءوز باقىلاۋىندا بولاتىندىعىن جەتكىزدى.

ايتا كەتەيىك، بۇعان دەيىن قالا اكىمى 1000-نان اسا تۇرعىندى ونلاين قابىلدادى. قالالىقتار تاراپىنان كوتەرىلگەن ءار ماسەلەنىڭ زاڭ اياسىندا شەشىلۋىن ۇدايى نازاردا ۇستاپ كەلەدى. قوعامدىق قابىلداۋدى وڭتايلاندىرۋ ماقساتىندا ازاماتتارعا بارىنشا ىڭعايلى جاعداي جاساپ، ەلەكتروندى كەزەك جۇيەسى قاراستىرىلعان.  

سوڭعى جاڭالىقتار

ۇكىمەت شيكى مۇناي باعاسىن بەكىتتى

ەكونوميكا • 24 قىركۇيەك، 2021

قىتاي مەن قازاقستان جۇك تاسىمالى ارتقان

ەكونوميكا • 24 قىركۇيەك، 2021

ۇقساس جاڭالىقتار