ەلباسى • 01 جەلتوقسان، 2020

الەمدىك ساياساتكەرلەر ەلباسىنا قۇتتىقتاۋ حاتتار جىبەرۋدە

37 رەت كورسەتىلدى

نۇرسۇلتان نازارباەۆتىڭ اتىنا شەتەلدىك مەملەكەتتەر باسشىلارىنان، ەكس-پرەزيدەنتتەردەن، بۇرىنعى ۇكىمەت باسشىلارى مەن ساياسي قايراتكەرلەردەن، الىس-جاقىن شەت ەلدەردىڭ بيزنەس وكىلدەرىنەن حاتتار كەلىپ ءتۇستى، دەپ حابارلايدى Egemen.kz ەلباسىنىڭ ءباسپاسوز قىزمەتىنە سىلتەمە جاساپ. 

وزبەكستان رەسپۋبليكاسىنىڭ پرەزيدەنتى شاۆكات ميرزيوەۆ ەلباسىعا مىقتى دەنساۋلىق، باقىت جانە ەل يگىلىگى جولىنداعى قىزمەتىنە مول تابىس، ال قازاقستان حالقىنا تىنىشتىق، باق-بەرەكە، ورنىقتى دامۋ جانە باقۋاتتىلىق تىلەدى.

– تۇڭعىش پرەزيدەنت كۇنى – كوپۇلتتى قازاقستان حالقىنىڭ تاريحي تاڭداۋى، بەيبىتشىلىك پەن تۇراقتىلىقتىڭ، ۇلت بىرلىگى مەن كەلىسىمىنىڭ ەرەكشە سيمۆولى. ءسىز ۇزاق جىل بويى ەلدىڭ كوشباسشىسى، بارلىق سالاداعى ءتيىمدى رەفورمالاردىڭ جانە تاۋەلسىز قازاقستاننىڭ عالامات جەتىستىكتەرىنىڭ نەگىزىن قالاۋشى، الەمدىك قوعامداستىق مويىنداعان جاھاندىق باستامالاردىڭ اۆتورى، تاجىريبەلى ءارى تانىمال ساياساتكەر، حالقىنا جانە تۋعان جەرىنە قىزمەت ەتۋدى ءوزىنىڭ قاستەرلى پارىزى سانايتىن بىلىكتى باسشى رەتىندە كوپشىلىككە تانىلىپ، ۇلكەن قۇرمەتكە يە بولدىڭىز، – دەلىنگەن جەدەلحاتتا.

امەريكا قۇراما شتاتتارىنىڭ 66-شى مەملەكەتتىك حاتشىسى كوندوليزا رايس ءوز قۇتتىقتاۋىندا قازاقستاننىڭ قارقىندى دامۋىنداعى ەلباسىنىڭ ەرەكشە ءرولىن اتاپ ءوتتى.

– ءبىزدىڭ تۇڭعىش پرەزيدەنتىمىز دجوردج ۆاشينگتون امەريكالىق قۇندىلىقتاردى بولاشاقتا اتقاراتىن ىستەرىمىزدىڭ نەگىزىنە اينالدىرا ءبىلدى. ءسىز قازاقستان ءۇشىن دە ءدال وسىنداي يگى جۇمىس اتقاردىڭىز. ءسىزدىڭ يادرولىق قارۋدان باس تارتۋ جانە عاجاپ ەلوردانى سالۋدان باستاپ، بەيبىت ءترانزيتتى جۇزەگە اسىرۋ سياقتى شەشىمدەرىڭىز سوزىمە دالەل، – دەلىنگەن جەدەلحاتتا.

تۇركيا رەسپۋبليكاسىنىڭ بۇرىنعى پرەزيدەنتى ابدۋللا گۇل ءوز قۇتتىقتاۋىندا قازاقستاننىڭ تۇڭعىش پرەزيدەنتىنىڭ جاس مەملەكەتتى قالىپتاستىرۋعا جانە حالىقارالىق ىنتىماقتاستىقتى نىعايتۋعا قوسقان ۇلەسىن اتاپ وتكەن.

– سىزگە زور دەنساۋلىق پەن باق-بەرەكە تىلەيمىن. قازاق حالقىنىڭ جارقىن بولاشاعىنا سەنىمدىمىن. قازاقستاننىڭ تۇركى الەمىندە الاتىن ورنى بولەك. قازاق-تۇرىك قاتىناسىنىڭ وركەندەي بەرۋىنە تىلەكتەسپىن، – دەلىنگەن جەدەلحاتتا.

ۇلىبريتانيانىڭ بۇرىنعى پرەمەر-ءمينيسترى توني بلەر قازاقستاننىڭ تۇڭعىش پرەزيدەنتىنىڭ تاۋەلسىز ەل تاريحىنداعى ماڭىزدى ءرولىن اتاپ وتكەن.

– ەلدىڭ تابىسى مەن تۇراقتىلىعى كوبىنە پرەزيدەنت نازارباەۆتىڭ باسشىلىعىمەن بايلانىستى. قازاقستاندى كۇتىپ تۇرعان بارلىق قيىندىقتار مەن رەفورمالارعا قاراماستان، قازىرگى ۋاقىتتا مەملەكەت بولاشاققا نىق سەنىممەن قاراي الادى، – دەدى ت.بلەر.

سونداي-اق نۇرسۇلتان نازارباەۆقا جىلى لەبىزدەرى مەن قولداۋىن ەستونيا رەسپۋبليكاسىنىڭ ەكس-پرەزيدەنتى ارنولد ريۋيتەل، تاۋەلسىز مەملەكەتتەر دوستاستىعى اتقارۋ كوميتەتىنىڭ توراعاسى – اتقارۋشى حاتشىسى سەرگەي لەبەدەۆ، ۇجىمدىق قاۋىپسىزدىك شارتى ۇيىمىنىڭ باس حاتشىسى ستانيسلاۆ زاس، بۇۇ بۇرىنعى باس حاتشىسى، جاسىل دامۋدىڭ جاھاندىق ينستيتۋتىنىڭ توراعاسى پان گي مۋن، ەۋروپا قايتا قۇرۋ جانە دامۋ بانكىنىڭ ءبىرىنشى پرەزيدەنتى جاك اتتالي، يسپانيا ۇكىمەتىنىڭ بۇرىنعى باسشىسى حوسە ماريا اسنار، يتاليانىڭ ەكس-پرەمەر-ءمينيسترى رومانو پرودي، يتاليانىڭ بۇرىنعى سىرتقى ىستەر ءمينيسترى فرانكو فراتتيني، اقش-تىڭ بۇرىنعى مەملەكەتتىك حاتشىسى كولين پاۋەلل، باستى يۋدەي ۇيىمدارى جەتەكشىلەرى كونفەرەنتسياسى توراعاسىنىڭ ورىنباسارى مالكولم حەنلاينن، "Chevron Corporation" كومپانياسىنىڭ بۇرىنعى باسقارما توراعاسى جانە باس ديرەكتورى كەن دەرر ءبىلدىردى.

سوڭعى جاڭالىقتار

«بارىس» «دينامونى» ۇتتى

سپورت • بۇگىن، 09:19

پنەۆمونيادان 2 ادام قايتىس بولدى

كوروناۆيرۋس • بۇگىن، 09:15

جۇرت پىكىرىن جەتە ەسكەرەدى

قوعام • بۇگىن، 08:42

«سارى ايماق» سالعان الەك

ايماقتار • بۇگىن، 08:38

شابىت شاقىرار ولكە

ونەر • بۇگىن، 08:23

تاشكەنتتە جارىق كورگەن «تەرمە»

رۋحانيات • بۇگىن، 08:22

جۇرەگى جۇمساق جەتىسۋلىقتار

قوعام • بۇگىن، 08:17

اگەنتتىك ايىپپۇل سالدى

ەكونوميكا • بۇگىن، 08:07

ۇقساس جاڭالىقتار