• 01 جەلتوقسان, 2013

ءانشى اسەلدىڭ جىگىتىنە ىزدەۋ جاريالاندى

402 رەت

كورسەتىلدى

1 مين

وقۋ ءۇشىن

Egemen Qazaqstan

قازاقستاندىق ءانشى اسەل سادۋاقاسوۆانىڭ بۇرىنعى جىگىتى اسىلجان راقىشەۆقا ىزدەۋ جاريالاندى. بۇل تۋرالى Tengrinews.kz ءتىلشىسى حابارلادى. ىشكى ىستەر مينيسترلىگىنىڭ تەرگەۋ كوميتەتى ا.راقىشەۆقا قاتىستى قىلمىستىق ءىس قوزعادى. وعان «الاياقتىق» جانە «قۇجاتتى قولدان جاساۋ» دەگەن باپتار بويىنشا ايىپ تاعىلعان. الماتى قالاسى المالى اۋداندىق سوتى ا.راقىشەۆتى قاماۋعا الۋ جونىندە شەشىم دە قابىلداپتى. بىراق, ونى قولعا ءتۇسىرۋ ازىرگە مۇمكىن بولماي تۇر. زارداپ شەگۋشى جاقتىڭ ايتۋىنا جۇگىنسەك, ا.راقىشەۆ 2011 جىلى ءانشىنىڭ اناسى باقىت جانتورەەۆانىڭ سەنىمىنە كىرىپ, پاتەرىن كەپىلدىككە قويۋعا كوندىرەدى. ول كەزەكتى ءبىر تەندەرگە قاتىسۋى ءۇشىن ءوز كومپانياسىنىڭ اكتيۆىن ۇلكەيتىپ كورسەتىپ, ءانشى اناسىنىڭ يەلىگىندەگى ەكى پاتەردى كەپىلگە قويۋ قاجەت ەكەنىن ايتىپ, تەندەردى ۇتىپ العاننان كەيىن پاتەرلەردى قايتاراتىنىنا ۋادە بەرەدى. ءوز ءسوزىنىڭ شىندىق ەكەنىن دالەلدەۋ ماقساتىندا كەلىسسوزدى كورسەتەدى. وسىدان كەيىن باقىت جانتورەەۆا وزىنە ۇسىنىلعان قاعازدارعا قول قويىپ بەرگەن. كەيىن انىقتالعانداي, بۇل پاتەرلەردى ساتاتىن جونىندەگى قۇجاتتار بولىپ شىقتى. زارداپ شەگۋشى كوزىنە وتا جاساتۋى سەبەپتى سول كەزدە كەلىسسوزدىڭ ءماتىنىن وقىماعانىن ايتادى. تەرگەۋ بارىسىندا جانتورەەۆانىڭ ساتىلعان پاتەرلەردىڭ اقشاسىن الماعانى, پاتەرلەردى ساتۋ ويىندا بولماعانى انىقتالدى. جالپى, قازىر ا.راقىشەۆ باسقا دا الاياقتىق ارەكەتتەرگە بارعان دەگەن دەرەكتەر ايتىلىپ ءجۇر. ال مۇنىڭ الدىندا ونىڭ ادۆوكاتى تاتيانا سامويلەنكو ءانشى مەن اناسى ءوز ەرىكتەرىمەن پاتەردى ساتىپ, جالا جاۋىپ جاتىر دەگەن بولاتىن. بىراق, سوڭىنان ايتقانى دالەلدەنگەن جوق. باقىتبەك كەنەش ۇلى. دەرەككوز:Tengrinews.kz.