ايماقتار • 30 قاراشا، 2020

ەنەرگەتيكا ءمينيسترى قىزىلوردا قالاسىنداعى بىرقاتار نىساندى ارالادى

9 رەت كورسەتىلدى

ەنەرگەتيكا ءمينيسترى نۇرلان نوعاەۆ پەن ايماق باسشىسى گۇلشارا ابدىقالىقوۆا وبلىس ورتالىعىندا ورنالاسقان «قازگەرمۇناي» بك» جشس قىزمەتىمەن ونىڭ ىشىندە، «زياتكەرلىك كەن ورنى» جوباسىنىڭ جۇمىسىمەن تانىستى، دەپ حابارلايدى Egemen.kz.

1993 جىلى قىزمەتىن باستاعان اتالعان مەكەمەنىڭ باعىتى مۇناي جانە گاز ءوندىرۋ. «قازگەرمۇناي» بك» جشس بالانسىندا 5 بولەك مۇناي جانە گاز كەن ورىندارى بار، 746 ادامدى جۇمىسپەن قامتىپ وتىر. اتاپ ايتقاندا، ورتالىق اقشابۇلاق، شىعىس اقشابۇلاق، وڭتۇستىك اقشابۇلاق، نۇرالى جانە اقساي.

2019 جىلى مۇناي ءوندىرۋ كولەمى 2،2 ملن.توننانى قۇرادى. اعىمداعى جىلدىڭ جوسپارى بويىنشا 1،5 ملن. توننا مۇناي ءوندىرۋ قاجەت، 10 ايدا1،3 ملن.توننا ءوندىرىلدى.

ەنەرگەتيكا مينيسترلىگىنىڭ وتىن-ەنەرگەتيكا كەشەنىن تسيفرلاندىرۋ بويىنشا بەكىتىلگەن جول كارتاسى اياسىندا «قازگەرمۇناي» بك» جشس وتكەن جىلى «زياتكەرلىك كەن ورنى» تسيفرالىق تەحنولوگياسىن ەنگىزدى.

اتالعان تەحنولوگيانى ەنگىزۋ مۇناي ءوندىرۋدى 1-2%-عا دەيىن، ايلىق ەسەپتىك كورسەتكىشتى 700 كۇنگە دەيىن ۇلعايتۋعا، وپەراتسيالىق شىعىنداردى 10%-عا دەيىن قىسقارتۋعا جانە باسقارۋ شەشىمدەرىنىڭ تيىمدىلىگىن 20%-عا دەيىن ارتتىرۋعا ىقپال ەتەدى.

ەنەرگەتيكا ءمينيسترى مەن وبلىس اكىمى «ەنەرگوسەرۆيس» جشس-عا بارىپ،تولەم جۇيەسى، بىرىڭعاي تولەم قۇجاتى، سەرۆيستىك قىزمەت كورسەتۋ سەكىلدى قىزمەتتەرىمەن تانىستى.

كاسىپورىننىڭ باستى باعىتى تۇتىنۋشىلاردى ەلەكتر ەنەرگياسىمەنقامتاماسىز ەتۋ.  «ەنەرگوسەرۆيس» جشس قىزمەتىن 1998 جىلى باستاعان، بۇگىنگى كۇنى مەكەمەدە 92 ادام جۇمىس ىستەيدى.

كاسىپورىن ءوز قىزمەتىندە اقپاراتتىق تەحنولوگيالار مەن تولەمنىڭ زاماناۋي ادىستەرىن بەلسەندى قولدانادى. تۇتىنۋشىلاردى حاباردار ەتۋ ءۇشىن سمس-حابارلاندىرۋدى جانە قوڭىراۋ شالۋ، سونداي-اق تۇتىنۋشى اقپاراتتى كومپانيانىڭ ۆەب-سايتى جانە ءموبيلدى قوسىمشا پايدالانىلادى. 2017 جىلى «ەنەرگوسەرۆيس» جشس  بىرىڭعاي ەسەپتەۋ ورتالىعى رەتىندە ءۇش كوممۋنالدىق قىزمەتپەن (جارىق، سۋ جانە جىلۋ) بىرىڭعاي تولەم قۇجاتىن ەنگىزۋدى باستادى.

بىرىڭعاي تولەم قاعازى –Telegram-bot، سمس، اۆتو قوڭىراۋ شالۋ، ونلاين تولەمدەر، ۆەب-سايت جانە جەكە كابينەت، ەكىنشى دەڭگەيدەگى بانكتەردىڭ ءموبيلدى پلاتفورمالارى جانە وزىنە-ءوزى قىزمەت كورسەتۋ تەرمينالدارى كىرەتىن قىزمەتتەر كەشەنى. 2019 جىلدان باستاپ بتق-عا مەملەكەتتىك كىرىستەر دەپارتامەنتى ءۇشىن م ۇلىك سالىعى، جەر سالىعى جانە كولىك قۇرالدارى سالىعى تۋرالى اقپارات ەنگىزىلدى.

سونداي-اق، دەلەگاتسيا «پەتروقازاقستان قۇمكول رەسورسيز» اق بارىپ، جۇمىس بارىسىن كوردى. بۇل كاسىپورىن جۇمىسىن 1986 جىلى باستاعان. «پەتروقازاقستان قۇمكول رەسورسيز» اق  – وڭتۇستىك تورعاي باسسەينىندەگى بارلاۋ بلوكتارىنان، ياعني،  قۇمكول (وڭتۇستىك-شىعىس بولىگى)، وڭتۇستىك قۇمكول، شىعىس قۇمكول، سولتۇستىك نۇرالى، ارىسقۇم، قىزىلقيا، سولتۇستىك-باتىس قىزىلقيا، مايبۇلاق، وڭتۇستىك-باتىس قارابۇلاق مۇناي كەن ورىندارىن يگەرۋدى جۇزەگە اسىراتىن مۇناي ءوندىرۋشى كومپانيا. جالپى 1560 ازاماتتى جۇمىسپەن قامتىپ وتىر.2019 جىلى مۇناي ءوندىرۋ كولەمى 933 مىڭ توننانى قۇرادى. 2020 جىلعا ارنالعان جوسپار 691،5 مىڭ توننا. اعىمداعى جىلدىڭ 10 ايىندا 625 مىڭ توننا مۇناي ءوندىردى.

مۇنىمەن قوسا،ن.نوعاەۆ پەن گ.ابدىقالىقوۆا سول جاعالاۋداعى مۋزەيدى ارالاپ، تاريحي ورىنداردىڭ گالەرەياسىن كوردى. «بولاشاق» ۋنيۆەرسيتەتىنىڭ جاڭا كورپۋسىنابارىپ، وقۋ پروتسەسىن باقىلادى. زاماناۋي ۇلگىدە سالىنعان ۋنيۆەرسيتەتتىڭ ماتەريالدىق-تەحنيكالىق بازاسىن تاماشالادى.

ەنەرگەتيكا ءمينيسترى باستامالارعا ساتتىلىك تىلەپ، كوتەرىلگەن ۇسىنىستارعا قولداۋ كورسەتىلەتىنىن اتاپ ءوتتى.

 

سوڭعى جاڭالىقتار

ەكى وڭىردە اۋا ساپاسى ناشارلايدى

ايماقتار • بۇگىن، 09:36

جەڭىسكە جەتكىزگەن «جۇمىر قىلىش»

رۋحانيات • بۇگىن، 08:18

«ناۋرىز-فيلوسوفيا» ناقىشتارى

رۋحانيات • بۇگىن، 08:17

رەيتينگتە جوعارىلادى

سپورت • بۇگىن، 08:15

شەشۋشى كەزەڭ باستالادى

سپورت • بۇگىن، 08:14

كارانتين قۇرساۋى سوگىلە باستادى

ايماقتار • بۇگىن، 08:10

زالال كولەمى – 1 ملرد تەڭگە

ەكولوگيا • بۇگىن، 08:08

ۇلاننان شىققان ۇلاعات يەسى

قوعام • بۇگىن، 08:00

ۇقساس جاڭالىقتار