مەرەكە قارساڭىنداعى ماراپات

• بۇگىن ءبىز قر تۇڭعىش پرەزيدەنتى كۇنى مەرەكەسى قارساڭىندا كەزدەسىپ

وتىرمىز. ەل باسقارۋ قاشاندا وڭاي بولعان ەمەس. ال, تاۋەلسىزدىككە قولى جاڭا جەتكەن مەملەكەتتى قالىپتاستىرۋ الەمدىك دەڭگەيدەگى قايراتكەردىڭ عانا قولىنان كەلەتىنىن تاريح سان مارتە دالەلدەگەن. وسىدان 25 جىل بۇرىن ەلباسىنىڭ باستاماسىمەن ەركىن ەلىمىزدىڭ كونستيتۋتسياسىن قابىلداۋ حالىقتىڭ تاڭداۋىنا بەرىلدى جانە قازاقستاندىقتار ونى ءبىراۋىزدان قولدادى.

اتا زاڭىمىزدىڭ ارقاسىندا ءبىز حالقىمىزدىڭ ءال-اۋقاتىن ارتتىرىپ, ەكونوميكامىزدى دامىتا الدىق, ۇلى دالا تورىندە قۋاتتى مەملەكەت قۇرىپ, ۇلتتاردى بىرلىك پەن تاتۋ تىرلىككە ۇيىستىرا بىلدىك, – دەدى وبلىس اكىمى.

جيىندا وبلىس اكىمى كونستيتۋتسيادا بەكىتىلگەن نورمالار بۇگىندە ءوزىنىڭ ومىرشەڭدىگىن, زامان تالابىنا لايىق ەكەنىن جان-جاقتى دالەلدەگەنىن تىلگە تيەك ەتىپ, ەلىمىزدىڭ ءوسىپ-وركەندەۋىنە ۇلەس قوسقان ازاماتتارعا مەملەكەت باسشىسىنىڭ جارلىعىمەن «كونستيتۋتسيانىڭ 25 جىلدىعى» مەرەكەلىك مەدالىمەن ماراپاتتاپ, قۇرمەت كورسەتتى.

مەرەيلى مەرەكە قارساڭىندا قۇرمەت تورىنە شىعىپ, ماراپات يەلەنگەن ازاماتتاردىڭ قاتارىندا قازاقستان مۇسىلماندارى ءدىني باسقارماسىنىڭ وبلىس بويىنشا باس يمامى بولات ابۋوۆ, وبلىستىق ەنەرگەتيكا جانە تۇرعىن-ءۇي كوممۋنالدىق شارۋاشىلىق باسقارماسىنىڭ باسشىسى رۋسلان نۇرماعانبەتوۆ, وبلىستىق تەكسەرۋ كوميسسياسىنىڭ مۇشەسى تالعات ءىلياسوۆ, وبلىستىق تەكسەرۋ كوميسسياسىنىڭ مەملەكەتىك اۋديتورى قالامقاس نۇرىمبەتوۆا دا بار. سونداي-اق, ءوڭىردىڭ رۋحاني-مادەني دامۋىنا ەلەۋلى ۇلەس قوسىپ جۇرگەن وبلىستىق فيلارمونيا ءارتىسى اقمارال نوعايباەۆا, وبلىستىق حالىق شىعارماشىلىعىن دامىتۋ جانە مادەني-پروديۋسەرلىك قىزمەت ورتالىعىنىڭ سەكتور مەڭگەرۋشىسى مايرا سارسەنباەۆا, وبلىستىق كاسىپوداقتار بىرلەستىگىنىڭ توراعاسى سەرىك سەرماعانبەتوۆ, ۆولونتەر دينارا ەشاتوۆا مەرەكەلىك مەدالمەن ماراپاتتالدى.