كوروناۆيرۋس • 30 قاراشا، 2020

COVID-19: ۆاكتسينا باعاسى قانداي بولماقشى؟

40 رەت كورسەتىلدى

رەسەي عالىمدارى COVID-19-عا قارسى جاساعان «سپۋتنيك V» جانە «ەپيۆاككورونا» ۆاكتسينالارى باعاسىنىڭ ءبىر-بىرىنەن ايىرماسى از دەدى رەسەيدىڭ  «ۆەكتور» ۆيرۋسولوگيا جانە بيوتەحنولوگيا ورتالىعىنىڭ باس ديرەكتورى رينات ماكسيۋتوۆ، دەپ حابارلايدى Egemen.kz.

ەگەر ەستەرىڭىزدە بولسا، قازان ايىنىڭ باسىندا رەسەي مونوپولياعا قارسى قىزمەتىنىڭ سول كەزدەگى باسشىسى  يگور ارتەمەۆ «سپۋتنيك V» باعاسىنىڭ 1 مىڭ رۋبل كولەمىندە بولاتىنىن حابارلاعان ەدى.

بۇگىنگە دەيىن «ەپيۆاككورونا» ۆاكتسيناسىنىڭ 35 مىڭ دوزاسى شىعارىلىپ، ونىڭ 5 مىڭى زەرتتەۋ جۇمىستارىنا، ال قالعان بولىگى جەلتوقسان ايىندا اينالىمعا شىعادى دەگەن رينات ماكسيۋتوۆ: «ەشبىر پرەپاراتتى اۋرۋدان 100 پايىز قورعايدى دەپ ساناۋعا بولمايدى، ۆاكتسينا ادامدى اۋرۋدىڭ اۋىر وتۋىنەن قورعاپ، اجالدان ساقتاپ قالۋدى كوزدەيدى. سوندىقتان ۆاكتسيناتسيادان سوڭ دا تۇمشا تاعىپ، ساقتىق شارالارىن ازايتپاۋ كەرەك» دەگەن.

ماكسيۋتوۆتىڭ ايتۋىنشا ۆاكتسينانى تاجىريبەدەن وتكىزۋ جاسوسپىرىمدەر اراسىندا دا جۇرگىزىلەدى. جاستارى 60 –تان اسقان 50 ەرىكتى قازىردىڭ وزىندە وزدەرىنە ۆاتسينانى تاجىريبە رەتىندە سالدىرعان كورىندى.

ۇلىبريتانيا COVID-19-عا قارسى امەريكا-نەمىس كومپانيالارى بىرىگىپ شىعارعان  Pfizer ي BioNtech ۆاكتسيناسىن قولدانۋدى ماقۇلداعان العاشقى ەل بولۋى مۇمكىن.

Bloomberg جانە Financial Times، حابارلاۋىنشا  ۆاكتسينا وتە جاقىن  ارادا  تىركەۋدەن وتىلەدى. بۇعانن قوسا بىرىككەن كورولدىك ۇكىمەتى Moderna فارمكومپانياسى شىعارعان پرەپاراتتى ساتىپ الۋ كولەمىن 7 ملن دوزاعا دەيىن ۇلعايتۋدى شەشكەن.  

جەلتوقساننىڭ 3-نەن باستاپ چەح بيلىگى ەلدە ۆيرۋس تاراۋىنىڭ ازايۋىنا بايلانىستى كەلۋشىلەردىڭ سانىن اسىرماي، باقىلاۋدا  ۇستاپ دۇكەندەردى اشۋعا رۇقسات بەرمەكشى.

ۇكىمەت كومەندانتتىق ۋاقىتتى الىپ تاستاپ، قاتىسۋشىلار سانىن شەكتەي وتىرا سپورتتى شارالار وتكىزۋگە دە رۇقسات بەرگەن. بۇلايشا جەڭىلدىكتىڭ جاسالۋى بيزنەسى قيىندىققا ۇشىراعان كاسىپكەرلەردىڭ كوڭىلدەرىنە جاعىپ، الداعى جاقسى كۇندەرگە ءۇمىت وتىن جاققان ءتارىزدى.

كومەندانتتىق ساعات الىنعانىمەن، ازاماتتارعا ساقتىق شارالارىنا كوڭىل ءبولۋ جاعى قاتتى ەسكەرتىلگەن كورىنەدى.

سوڭعى جاڭالىقتار

ۇقساس جاڭالىقتار