كۇللى الەمدە كوروناۆيرۋس دەرتى ءورشىپ تۇرعان قازىرگى قيىن جاعدايدا ايتۋلى دودا كورەرمەنسىز وتەدى جانە بارلىق ساقتىق شارالارى ساقتالادى. جارىس قارساڭىندا قاتىسۋشىلار پتسر تەستى تاپسىرۋعا ءتيىس. باسەكەلەر سپورت شەبەرى دەگەن اتاقتارى بار ەرەسەكتەر (14 جاستان اسقاندار) جانە سپورت شەبەرلىگىنەن ۇمىتكەر جاستار (10-18 جاس ارالىعىنداعىلار) اراسىندا وتەدى. وسى سايىس ارقىلى كەلەسى جىلى حالىقارالىق جارىستاردا قازاقستاننىڭ تۋى استىندا ونەر كورسەتەتىن ورەندەر انىقتالادى.
ەستەرىڭىزگە سالا كەتەيىك, بىلتىرعى ەل بىرىنشىلىگىندە ەرلەر اراسىندا ميحايل شايدوروۆ توپ جارسا, راحات برالين مەن دياس جيرەنباەۆ جۇلدەگەرلەر ساناتىنا قوسىلدى. ايەلدەر سايىسىندا ايزا مامبەكوۆا التىننان القا تاعىنسا, اجار جۇماحانوۆا مەن ياسمين تەكيك كۇمىس جانە قولا مەدالداردى مويىندارىنا ءىلدى.
