«مۋلان» ءمۋلتفيلمىنىڭ العاشقى رەمەيكى 1998 جىلى الەمدىك پروكاتقا شىققان بولاتىن. ال قازاق تىلىندەگى كەزەكتى فيلم ونلاين-كينوتەاترلاردا جاقىن ارادا شىعادى دەپ جوسپارلانىپ وتىر.
ايتا كەتەيىك, گولليۆۋد كينوستۋديالارىنىڭ وتباسىمەن كورۋگە ارنالعان فيلمدەرىن مەملەكەتتىك تىلگە «بولاشاق» كورپوراتيۆتىك قورى مەن «مەلومان» كومپانياسى دۋبلياجدايدى. وسى يگى جوبا ارقىلى قازاق ءتىلى Disney ستۋدياسىنىڭ 39-شى ءتىلى جانە Sony Pictures ستۋدياسىنىڭ 7-ءشى ءتىلى بولىپتى. سونداي-اق دۋبلياج سالاسىنىڭ 203 مامانى بىلىكتىلىكتەرىن ارتتىرعان. ال «مۋلان» كينوتۋىندىسىنىڭ دۋبلياجىنا «BI Group» كومپانياسى دەمەۋشىلىك كورسەتتى.
ء«بىر ايدان كەيىن ءبىز دۋبلياجداعان 35-ءشى مەرەيتويلىق فيلم كينوتەاترلاردا شىعادى دەپ ۇمىتتەنەمىز. اقپارات جانە قوعامدىق دامۋ مينيسترلىگى الەمگە ايگىلى ستۋديالاردىڭ كونتەنتىن دۋبلياجداۋ مۇمكىندىگىن قاراستىرىپ جاتقانىنا قۋاندىق. ءبىز وسىدان توعىز جىل بۇرىن, ياعني 2011 جىلى Disney كينوستۋدياسىمەن ىنتىماقتاستىعىمىزدى باستاعان ەدىك. وسى جىلدار ىشىندە Disney, Sony Pictures, Marvel, Lucas Films, Bazelevs جانە باسقا دا ستۋديالاردىڭ 35 فيلمىنە دۋبلياج جاسادىق. جوبا قازاقستان رەسپۋبليكاسىنىڭ تۇڭعىش پرەزيدەنتى ن.ءا.نازارباەۆتىڭ العىس حاتىمەن بەلگىلەندى. جوبانىڭ باستى قۇندىلىعى – بالالارىمىز وزدەرىنىڭ انا تىلىندە ەڭ جاقسى شەتەلدىك انيماتسيالىق فيلمدەردى تاماشالاسا ەكەن», دەدى «بولاشاق» كورپوراتيۆتىك قورى قامقورشىلار كەڭەسىنىڭ ءتورايىمى دينارا ءشايجۇنىسوۆا. ء«بىز الەمنىڭ جەتەكشى كينوكومپانيالارىمەن كوپجىلدىق ىنتىماقتاستىق تاجىريبەمىزدى مەملەكەتتىك ورگاندارمەن, رەسپۋبليكالىق تەلەارنالارمەن جانە بارلىق نيەت بىلدىرۋشىلەرمەن بولىسۋگە دايىنبىز», دەدى ول.
