وبلىس باسشىسىنىڭ ايتۋىنا قاراعاندا, ون ايدىڭ ىشىندە ءتاپ-ءتاۋىر ناتيجەلەرگە قول جەتكىزىلىپتى. ونەركاسىپ سالاسىندا – 106,3 پايىز, اۋىل شارۋاشىلىعىندا – 114,2 پايىز, قۇرىلىس سەكتورىندا – 111,7 پايىز ءوسىم بار. ينفلياتسيا 5,1 پايىزدان اسقان جوق. ەڭبەكاقى 21 پايىزعا ءوسىپ, ورتاشا جالاقى 163 مىڭ تەڭگەنى قۇرادى. ينۆەستيتسيانىڭ ءوسۋى ەكونوميكالىق ءوسىمنىڭ درايۆەرىنە اينالدى. سول سەبەپتى وبلىس بىرقاتار كورسەتكىشتەر بويىنشا رەسپۋبليكاداعى ۇشتىكتەر قاتارىندا. جىل باسىنان بەرى ەكونوميكاعا شامامەن 340 ملرد تەڭگە باعىتتالدى, بۇل بىلتىرعى جىلدىڭ سايكەس كەزەڭىمەن سالىستىرعاندا 23 پايىزعا جوعارى. ينۆەستيتسيا ءوسىمى دەنساۋلىق ساقتاۋ سالاسىندا – 3,5 ەسە, ءبىلىم سالاسىندا – 2 ەسە, ونەركاسىپ سالاسىندا – 134,7, كولىك سالاسىندا – 117,5, تۇرعىن ءۇي قۇرىلىسىندا – 106,7, اۋىل شارۋاشىلىعى سالاسىندا – 103,7 پايىز بولدى. داعدارىسقا قارسى شارالار شەڭبەرىندە شاعىن جانە ورتا بيزنەسكە جان-جاقتى قولداۋ كورسەتىلدى. جەكەلەي العاندا 20 مىڭنان استام سۋبەكتى سالىقتىق جانە نەسيەلىك جەڭىلدىكتەر الدى. ولاردىڭ ىسكەرلىك بەلسەندىلىگىن ارتتىرۋ ءۇشىن ەكى باعدارلاما بويىنشا 7 ملرد تەڭگەدەن استام قارجى ءبولىندى. «بيزنەستىڭ جول كارتاسى» باعدارلاماسى بويىنشا 300 كاسىپكەر مەملەكەتتىك قولداۋعا يە بولدى. «ەڭبەك» باعدارلاماسى بويىنشا 800-دەن استام شاعىن نەسيە جانە 700 قايتارىمسىز گرانت بەرىلدى. وڭىرلىك بيزنەس «قاراپايىم زاتتار ەكونوميكاسى» باعدارلاماسىنا بەلسەندى قاتىسۋدا. بيىلعى جىلى 120 بيزنەس-جوبا 15,2 ملرد تەڭگەگە قارجىلاندىرىلدى. بۇل بىلتىرعى جىلمەن سالىستىرعاندا ەكى ەسەگە جوعارى. جوبالاردى جۇزەگە اسىرۋ 1 300 جاڭا جۇمىس ورىندارىن اشۋعا مۇمكىندىك بەرەدى.
«جۇمىسپەن قامتۋدىڭ جول كارتاسى» باعدارلاماسى شەڭبەرىندە 10 مىڭ جاڭا جۇمىس ورنى اشىلدى. جالپى, ەڭبەك نارىعىنداعى ءارتۇرلى باعدارلامالاردى جۇزەگە اسىرۋ ەسەبىنەن 21 مىڭنان استام جاڭا جۇمىس ورىندارى اشىلدى, ونىڭ 13 مىڭى تۇراقتى. بيىل ينۆەستيتسيا كولەمى وتكەن جىلعى دەڭگەيدەن ءۇش ەسە اسىپ ءتۇسىپ, 157 ملرد تەڭگە يگەرىلدى, ءوسىم 134,7 پايىزدى قۇرادى. يندۋستريالاندىرۋ كارتاسى بويىنشا 276 ملرد تەڭگەنىڭ 38 جوباسى جۇزەگە اسىرىلۋدا. اۋىل شارۋاشىلىعى تەحنيكاسىنىڭ تۇرلەرى كوبەيدى. جۇمىس ىستەمەي تۇرعان كومباين زاۋىتى قايتادان سەرپىن الدى. «كاز-روستينجينيرينگ» جاڭا كاسىپورىنى جوباعا 7,5 ملرد تەڭگە ينۆەستيتسيا سالدى.
اگرارلىق سەكتور ونەركاسىپپەن بىرگە ءوڭىر ەكونوميكاسىنىڭ نەگىزى بولىپ قالۋدا. وسى جىلى مەملەكەتتىك قولداۋ رەتىندە شامامەن 74 ملرد تەڭگە ءبولىندى. اۋىل شارۋاشىلىعى داقىلدارىنىڭ بارلىق تۇرلەرىنەن جاقسى ءونىم جينالىپ, 5,2 ملن توننا استىق قامباعا قۇيىلدى. گەكتار 11,8 تسەنتنەردى قۇرادى.
مال شارۋاشىلىعىن دامىتۋ ماقساتىندا 97 ەت جانە 18 تاۋارلى ءسۇت فەرماسى ۇيىمداستىرىلدى. شارۋاشىلىقتار 9,5 مىڭ باس جوعارى پرودۋكتيۆتى ءىرى قارا ساتىپ الدى. ءسۇتتى مال شارۋاشىلىعىن دامىتۋ الەۋەتى 4 ءىرى تاۋارلى ءسۇت فەرمالارىنىڭ قۇرىلىسىمەن بايلانىستى, ارقايسىسىندا كەم دەگەندە 1 مىڭ باس ءىرى قارا وسىرىلەدى.
يمپورت الماستىرۋدىڭ ايتارلىقتاي مۇمكىندىكتەرى ماكينسك قۇس فابريكاسى جوبالىق تولىق قۋاتىنا كوشكەن كەزدە پايدا بولادى. ونىڭ قايتا وڭدەۋ قۋاتتىلىعى جىلىنا ينكۋباتوردان زاۋىتقا دەيىن 100 مىڭ توننا قۇس ەتىن وندىرۋگە قاۋقارلى. ماكينسك قۇس فابريكاسىنان بولەك ازىق-ت ۇلىك بەلدەۋىن دامىتۋ اياسىندا وڭىردە 34 ملرد تەڭگەنىڭ 41 جوباسى جۇزەگە اسىرىلۋدا.
وبلىستا تۇرعىن ءۇي قۇرىلىسىنىڭ سالاسى دا جاقسى دامىپ كەلەدى. «نۇرلى جەر» باعدارلاماسى جۇزەگە اسىرىلعان ساتىنەن باستاپ, ءۇش جىلدا شامامەن 1,5 ميلليون شارشى مەتر تۇرعىن ءۇي سالىندى. بيىلعى جىلعا جوسپارلانعان 570 مىڭ شارشى مەتردى قۇرايتىن 5 مىڭنان استام پاتەر پايدالانۋعا بەرىلدى.
جول ينفراقۇرىلىمىنا كەلەر بولساق, بيىل جەرگىلىكتى ماڭىزداعى 700 شاقىرىمعا جۋىق جول جوندەۋدەن ءوتتى, ونىڭ ىشىندە 250 شاقىرىمى «جۇمىسپەن قامتۋدىڭ جول كارتاسى» اياسىندا جۇزەگە اسىرىلدى. سوڭعى ءۇش جىل ىشىندە, بيىلعى جىلدى قوسا العاندا 1,5 مىڭ شاقىرىم جەرگىلىكتى ماڭىزداعى جولدار جوندەلدى, ونىڭ 800 شاقىرىمى اۋىلدىق ەلدى مەكەندەردە.
سۋ تىرشىلىك كوزى بولعاننان كەيىن تۇرعىنداردى ساپالى اۋىز سۋ ماسەلەسى تولعاندىراتىنى بەلگىلى. 2020 جىلى وبلىستىڭ 54 ەلدى مەكەنىندە سۋ تاراتۋ جەلىلەرىن جوندەۋگە جانە سالۋعا بايلانىستى جوبالار جۇزەگە اسىرىلۋدا. جۇمىس اياقتالعاننان كەيىن 30 مىڭ اۋىل تۇرعىنى ورتالىقتاندىرىلعان سۋمەن قامتاماسىز ەتىلىپ, ساپالى اۋىز سۋمەن قامتۋ اۋماعى 83 پايىزعا جەتەدى. سۋ تاراتۋ جانە سۋمەن قامتاماسىز ەتۋ جۇيەسىن دامىتۋدىڭ جول كارتاسى اياسىندا 2023 جىلعا دەيىن 118 ەلدى مەكەندە سۋ قۇبىرلارى جەلىلەرىن سالۋ, 60 شاعىن اۋىلدا بلوك-مودۋلدەر ورناتۋ جوسپارلانىپ وتىر.
ورتا ءبىلىم بەرۋ جۇيەسىندە مەكتەپ وقۋشىلارىن قاشىقتان وقىتۋ ءۇشىن بارلىق جاعداي جاسالدى. وسى ماسەلەدە ۇكىمەت ۇلكەن كومەك كورسەتتى. 23 مىڭ كومپيۋتەر ساتىپ الۋعا قاراجات ءبولىنىپ, ولار از قامتىلعان وتباسىلاردىڭ بالالارىنا بەرىلدى. جەرگىلىكتى بيۋدجەت ەسەبىنەن 2,5 مىڭ كومپيۋتەر ساتىپ الىندى.
دەنساۋلىق ساقتاۋ سالاسى نىساندارىنىڭ قۇرىلىسى جالعاسۋدا. كوكشەتاۋدا ونكولوگيالىق ەمحانانىڭ قۇرىلىسى اياقتالۋعا جاقىن. قوسشى اۋىلىندا ەمحانا سالىنۋدا. ول كەلەسى جىلى پايدالانۋعا بەرىلەدى. وتە اۋقىمدى جوبا – كوكشەتاۋ قالاسىنداعى 630 ورىندىق زاماناۋي كوپسالالى اۋرۋحانانىڭ قۇرىلىسى. جامان تۇماۋ جايلاعان ۋاقىتتا حالىقتىڭ دەنساۋلىعىنا ايرىقشا كوڭىل ءبولىنىپ وتىر. وبلىستا پتر زەرتحانالاردىڭ سانى التاۋ. ولاردىڭ رەزەرۆتىك قۋاتتىلىعى قاجەت بولعان جاعدايدا تەست سانىن تاۋلىگىنە 3 مىڭنان 7 مىڭعا دەيىن كوبەيتۋگە مۇمكىندىك بار. 1 000-نان استام توسەكتىك ورىن دايىندالدى, رەزەرۆتە تاعى 5 000 توسەكتىك ورىن قامدالدى. قىسقا مەرزىمدە 200 ورىنعا ارنالعان ينفەكتسيالىق اۋرۋحانا بوي كوتەردى. قازىر مەديتسينالىق مەكەمە ناۋقاستاردى قابىلداپ جاتىر.
وڭىردە مەديتسينالىق ۇيىمداردىڭ ماتەريالدىق-تەحنيكالىق بازاسىن نىعايتۋ بويىنشا ۇكىمەتتىڭ كومەگىمەن كوپتەگەن اۋقىمدى جۇمىس جۇرگىزىلدى. اتاپ ايتساق, يۆل اپپاراتتاردىڭ سانى 2,5 ەسەگە, وتتەگى كونتسەنتراتورلارىنىڭ سانى 5 ەسەگە كوبەيدى. 4 رەنتگەن-اپپارات ساتىپ الدىندى, وبلىس بويىنشا بارلىعى 34 رەنتگەن-اپپارات بار. اۋداندىق اۋرۋحانالاردا 11 جىلجىمالى دياگنوستيكالىق كەشەن بار, بۇل شالعايداعى اۋىلدارعا قىزمەت كورسەتۋ شەڭبەرىن كەڭەيتۋگە مۇمكىندىك بەرەدى. تاياۋدا جەدەل جاردەم اۆتوپاركى 58 جاڭا ماشينامەن تولىقتى.
بۇگىندە اق حالاتتى ابزال جانداردىڭ قاجىرلى ەڭبەگى لايىقتى ەلەنۋدە.
4 مىڭنان استام مەديتسينا قىزمەتكەرىنە 3 ملرد تەڭگە كولەمىندە ۇستەمەاقى تولەندى. جالپى, كوروناۆيرۋسپەن كۇرەستە 15,8 ملرد تەڭگە قارجى جۇمسالدى.
جاپپاي جانە بالالار مەن جاسوسپىرىمدەر سپورتىن دامىتۋ ماسەلەسى دە نازاردان تىس قالعان جوق. جاڭا جوبالاردى ەسەپكە الساق, تاياۋدا وبلىستا 14 قازىرگى زامانعى سپورت كەشەنى جۇمىس ىستەيتىن بولادى.
ەلورداعا جاقىن ەلدى مەكەندەرگە كوپ كوڭىل بولىنەدى. قالا ماڭىن دامىتۋدىڭ كەشەندى جوسپارى مەن شەڭبەرىندە ينفراقۇرىلىمدىق جوبالارعا 18,2 ملرد تەڭگە ءبولىندى, ال «جۇمىسپەن قامتۋدىڭ جول كارتاسى» باعدارلاماسى بويىنشا قوسىمشا 7,3 ملرد تەڭگە يگەرىلمەك.
بيىل قارجىلاندىرۋدىڭ جالپى سوماسى 25 ملرد-تان استام تەڭگەنى قۇرادى. كوپسالالى Promenade Burabay كەشەنىنىڭ قۇرىلىس جۇمىستارى اياقتالدى. سونىمەن بىرگە كۋرورتتى ايماقتا شاعىن ساۋلەتتى كەسكىندەمەلەر, قاراۋ الاڭى, جاياۋ جۇرگىنشىلەر مەن ۆەلوسيپەدشىلەرگە ارنالعان جول, اباتتاندىرىلعان تۋريستىك باعىتتار پايدا بولدى. Discovery اۋماعىنان سالىنعان اكۆوپارك جاڭا نىسانى بوي كوتەردى. اينالاسىندا ءتيىستى اتتراكتسيوندارى بار تاماشالاۋ شەڭبەرى پايدالانۋعا بەرىلدى.
وبلىس ورتالىعى – كوكشەتاۋ قالاسىن دامىتۋعا ەرەكشە كوڭىل بولىنۋدە. جىلدان جىلعا وبلىس ورتالىعىنىڭ سىرتقى كەلبەتى عانا وزگەرىپ قويماي, تۇرعىنداردىڭ الەۋمەتتىك تۇرمىس جاعدايى دا جاقسارا تۇسۋدە.
جول, جىلۋمەن قامتۋ, ءبىلىم بەرۋ جانە دەنساۋلىق ساقتاۋ جۇيەسىنىڭ ساپاسىنا قاتىستى ماسەلەلەر شەشىلۋدە, اۋلاىشىلىك اباتتاندىرۋ جۇمىستارى جۇرگىزىلىپ, تۇرعىن ۇيلەر قۇرىلىسى بەلسەندى سيپات الۋدا.
جالپى, بيىلعى 10 اي ىشىندە قالا ەكونوميكاسىنا 60 ملرد تەڭگەگە جۋىق ينۆەستيتسيا سالىندى. بۇل وسىدان 2 جىل بۇرىنعى ينۆەستيتسيالىق كورسەتكىشتەن ەكى ەسە ارتىق.
ەل پرەزيدەنتىنىڭ جولداۋىندا ايتىلعان كەلەلى ماسەلەلەردى جۇزەگە اسىرۋ باعىتىندا ۇيىمشىلدىقپەن جۇمىسقا جۇمىلعان وبلىس جۇرتشىلىعى قاجىرلى قارقىنمەن العا ۇمتىلۋدا.
اقمولا وبلىسى
