ايماقتار • 26 قاراشا، 2020

قىزىلوردادا كاسىپكەرلەر ماسەلەلەرى جول كارتاسى اياسىندا شەشىلمەك

19 رەت كورسەتىلدى

كاسىپكەرلەر پالاتاسى مەن وبلىستىق پروكۋراتۋرا ۇيىمداستىرعان كەزدەسۋدە ايماق كاسىپكەرلەرى وزەكتى ماسەلەلەرىن ورتاعا سالدى، دەپ حابارلايدى Egemen.kz.

شاراعا كاcىپكەرلەر پالاتاسىنىڭ ديرەكتورى عالىمبەك جاقسىلىقوۆ، وبلىس پروكۋرورى نۇرلان بيجانوۆ، وڭىرلىك كەڭەس توراعاسى قايرات بورانباەۆ، مۇددەلى مەملەكەتتىك ورگان باسشىلارى مەن ءوڭىر كاسىپكەرلەرى قاتىستى.

كەزدەسۋدە قوعامدىق تاماقتانۋ سالاسىنداعى كاسىپكەرلەر كارانتيندىك رەجيم ۋاقىتىندا مونيتورينگتىك توپتاردىڭ جۇمىسى قيىندىق تۋدىراتىنىن ايتسا، فارم سالاسىنداعى بيزنەس وكىلدەرى كورسەتكەن قىزمەتتەرىنە اقشالارىن الا الماي جۇرگەندەرىن جەتكىزدى.

كاسىپكەرلەردىڭ وزەكتى ماسەلەسى تالقىلانعان ماجىلىستە كاسىپكەرلەر پالاتاسىنىڭ ديرەكتورى عالىمبەك جاقسىلىقوۆ پەن وبلىس پروكۋرورى نۇرلان بيجانوۆ كاسىپكەرلىك سالاسىنداعى پروبلەمالىق سۇراقتاردى شەشۋگە ارنالعان جول كارتاسىنا قول قويدى.

جول كارتاسىندا كارانتين شارالارىنىڭ ساقتالۋىن باقىلاۋ جونىندەگى مونيتورينگتىك توپتار قىزمەتىنىڭ زاڭدىلىعىنا، مەملەكەتتىك ساتىپ الۋ سالاسىنداعى اكىمشىلىك كەدەرگىلەردى، جەر ۋچاسكەلەرىنىڭ  پايدالانۋ ماقساتىن وزگەرتۋگە بايلانىستى پروبلەمالىق سۇراقتار، جەكە كاسىپكەرلىك سۋبەكتىلەرىنە جۇرگىزىلگەن تەكسەرۋلەردىڭ زاڭدىلىعىنا باعا بەرۋ قاراستىرىلۋدا.

ايتا كەتۋ كەرەك، كاسىپكەرلەر پالاتاسى زاڭگەرلەرى كاسىپكەرلەرگە قۇقىقتىق، ادۆوكاتتىق قىزمەتتەردى بەلسەندى جۇرگىزۋدە. اۋىزشا كەڭەس الىپ، قۇقىقتىق كومەك العان كاسىپكەرلەردى قوسپاعاندا، بيىل پالاتاعا رەسمي قۇقىعىن قورعاۋدى سۇراعان 230 ارىز تۇسكەن.  

 

سوڭعى جاڭالىقتار

دوللار ارزانداپ جاتىر

ەكونوميكا • بۇگىن، 11:37

قالادا قار بورايدى...

ايماقتار • بۇگىن، 10:47

ۇقساس جاڭالىقتار